والله يا اخي ما فيها شي يعلم اهله بالتدريج
خاصه وانه واضح يبيها ومقتنع فيها
والا ايش حاده يغامر مغامره زي هذي! مافيه شي غير انه مقتنع باختياره

هو غلطان من ساسه لراسه
ولحد يظن اني اايد زواج السر
لا والله ما اايده وانا قبليه وبنت قبايل ما نزوج بالسر لو تموت الوحده ببيت اهلها
ولا احد يتجرا اصلا يطلب بنت قبايل بالسر

لكن انا اتكلم عن حاله امامنا حصلت خلاص ليش نحدهم على الطلاق؟!
لو الولد ما يبيها ما انتظر يعلم اخته تشوفله مخرج مع اهله
كان بامكانه يسكت ويستمتع شهر شرين ثلاثه
ويطلق والا من شاف والا من درى
ايش يمنعه؟ عز الطلب لو هدفه نزوه ومتعه!
لكن اخباره لاخته دليل ان قلبه مع زوجته
ويبيها ومقتنع فيها ويمكن حبها خلاص
لكن مو عارف كيف ينظم افكاره
ولجا لاخته حتى تساعده لو هدفه يطلق كان طلق من غير مشورة احد
لكن الرجال جاد ويبيها ومقتنع فيها لكن يبي مخرج مع اهله
ومتاكده لو رضيوا اهله ان يطير من الفرح
لكن عارفهم وعارف ردت فعلهم خاصه وانها مطلقه بطفلين
وسبق ورفضتها امه
فمصتصعب الامر ولو احد كسب فيه اجر وساعده بيكمل وبيعلن زواجه
ويتهنى بزوجته واختياره


الله يعينه ويعينك اختي ام نونا

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

يستمتع شهر و لا شهرين و يطلق ؟؟؟ بعض الاراء غريبه

يا ام نونا الولد ترى ولله مو مستوعب اشياء واجد بذات الطلاق
نصيحه ماتخليه يتخذ القرارات بنفسه هو ماعلمك الا لانه حس بانه تايه ومو عارف وش يسوي
مو تقعدي الحين تقولي معلي منك دبر نفسك واذا بكرى خبر اهلك بطريقه خطئ وصار لهم شي لاقدر الله تلومي نفسك
وترى بعطيكي معلومه اخوكي مايعرف كيف يدرج الخبر لاهله وابسط دليل طريقته باخبارك وكيف عطاكي المعلومه فجئه
وترا احتمال كبير انه يعلم امك وابوكي قبل مايعلم اخوكي لانه باين انه مايبي يكلم اخوانك والدليل انه اجل الفكره يوم اقترحتيها عليه وقبلها يوم كان يناقشك عن تخبير امك وابوكي ماكان يبي ياجل . بختصار لو تركتيه على راحته بيعلم امك وابوكي قبل اخوكي
نصيحه تابعيه ولاتخليه يتصرف من نفسه وعلميه وش يسوي وكيف يتصرف ولا ترى بيخبر ابوكي بنفس الطريقه الي خبرك فيها
لو قلتي مالي دخل فيك وتصرف بطريقه غلط بتلومي نفسك وبتقولي ليتني نصحته

يا اخي ما فهمت قصدي
انا اقصد لو لم يكن متمسك بها ويريدها دون سواها
لكان بامكانه ان يستمتع شهرين ثلاثه ثم يطلق بصمت

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

ونقطه اخيره .. لاحظت انك تفضلي فكره انه يطلقها وينتهي من هالمشكله
لا يا اختي هالفكره غلط وحرام مايجوز التفريق بين زوجين ولو تلاحظي ترى كل الاعضاء الي شاركو كانو معترضين على فكره انه يطلقها او انك تساعديه على تطليقها
ولاتجي تقولي هي اختارت زواج تعرف نهايته .. انتي ماتعرفي ظروفها ولاتعرفي شي عنها ولا عن الوعود الي قدمها اخوكي لها بس تعرفي ان التفريق حرام وهاذا الي لازم تستوعبيه
يعني لو قررتي تساعديه فساعديه على انه يخبر اهله وعلميه بالطريقه المناسبه الي ماتخلي امك وابوكي ينصدمو او يصير لهم شي لاقدر الله ولازم بعد يعرف احد من اخوانك قبل ما يعلم امك وابوكي عشان يساعدكم وفي نفس الوقت ماتنلامي بانك كنتي الوحيده الي تعرف وانك مخبيه عنهم .. واخر شي ترى لو تركتيه بالحاله مارح يطلقها وراح يخبر امك وابوكي بطريقه غلط بتسبب له ولكي المشاكل

حابه اوضح للجميع لان والله جد تعبانه ومظغوطه نفسيا فوق ماتتصورون
اخوي لما جاء لعندي لانو حس انو غلطان وتورط وعشان اساعده مو عشان مبسوط ومرتاح..
انا بالبدايه قلت له خلاص بدل الفضايح خلينا نعلن زواجك ونسوي حفله ونعزم الناس ع اساس انك توك تزوجتها هو رفض مرا
هو عارف ردة فعل اهلي ..
وانا عشاني عارفه وش ممكن يصير اذا اهلي عرفوا علمته ترا بيصير كذا وكذا وكذا
عندك استعداد تواجه كل ذا...
سكت لانو مايقدر يواجه اهلي بها
قلت له اذا ابوي قالك طلق بشو ترد عليه؟؟
اذا طردتك امي وزعلت عليك وتصرفهم طبيعي لانو ماعمل لهم اي اعتبار شو تعمل ؟
قال راح اطلق..
لما شفته عندو استعداد يطلق
وناوي الطلاق فعلا
قلت له طلق بنت الناس بدون هالبهذله كلها..
او خبر اهلي وشوف وش ممكن يصير..
هو خايف ..
قلت له بالله مرتاح لطريقتك
24 ساعه ببدلة الدوام بحجة انو اذا طلع من البيت ترا انا رايح الدوام
كذبك المستمر وخوفك من انك بأي لحضه ممكن تنكشف كأنك حرامي مسوي جريمه خايف تنكشف بأي وقت
هذا غير عذاب الضمير بالبنت من جهه ومن جهه اهلي...
هو اعترف وقال كنت غلطان واخترت الاسهل لي كنت منعمي ومافكرت بعواقب الامور...
قلت الحل تكون قد الشي اللي سويته
خبر اهلي او نستعين بأحد من اخواني الثقه
لان زواجك مستحيل يتخبى ...

بنت الناس بالله بتحمل ذنبها اذا طلقها اخوي
مهما كان ظروفها لا احد يجيب لها عذر
زواج زي كذا شو متوقع نهايته
حتى هو شرط عليهم انو مايعلن وان في حال اعلن الزواج من جهتهم ترا بيطلق ووافقوا بدون اي ضمانات...
هم اهل البنت ملامين
ماابري اخوي هو غلطان ميه بالميه
قلت له ليه ماجيتني قبل ذا كلو والله اوقف معاك ولا هالمصيبه قال كنتي بعيده بعملك ..
يعني هو اختار الاسهل له...
والان بعد ماراحت سكرته بدأ يدرك حجم الغلط اللي مسويه ويقول شو المخرج..
صح انو حبيبي كان بيعف نفسه والحمدلله حلال ولا حرام بس ايضا مو مبرر طريقتك غلط
قلت له ليه هالبنت بالذات قال عشان اقل تكاليف قلت اي تكاليف وانت عارف اذا نويت تتزوج الكل بيوقف معاك مثل اخواني السابقين ومااحد بيقصر معاك ..
قال بس يكفي لا تلوميني خلاص اللي صار صار..
اتكلم بالتفاصيل عشان تعرفوا انو مو عشان عاشق للبنت او عشان احدد مشدد عليه
هو تهور واللحين خايف ومحتار بين اهلي وبين البنت نفسها..

__________________
(سيدة الموقف)
لم ننساك ونسأل الله ان تكوني أنتي وأولادك بخير

انا بعد ماقلت له بعطيك فرصه وراح اسكت ولا بفتح فمي ...
وسكت عنو بس ماكمل ليله الا هو راجع لي
ويقول ساعديني
قصده اخفف عنو وافكر بداله
وعند كل تفكير يقول لا مو اللحين
واذا قلت خلاص انت تزوجت بنفسك بدون ماتشاور احد اللحين خارج نفسك بالموضوع بدوني يقولي لاتكوني انانيه مالي اخت غيرك ليش تتخلين عني..

__________________
(سيدة الموقف)
لم ننساك ونسأل الله ان تكوني أنتي وأولادك بخير

انتم بنفسكم اعضاء وزوار المنتدى
لو جيت ع طول وقلت لكم اخوي تزوج بالسر من فتره وحده مطلقه وعندها عيال وهو اعزب شاب ماله اي مبرر بزواجه بالسر
شو بتقولوا ؟؟
كيف مجتمعي اللي حولي
مافي احد بيقول شجاع بطل بيعف نفسو
الكل بيقول تعرف عليها وممكن غلط معها عشان كذا اهلوا زوجوه درأ للفضايح...

__________________
(سيدة الموقف)
لم ننساك ونسأل الله ان تكوني أنتي وأولادك بخير

ليه تكلم معاك الحين بالذات وش اللي أستجد؟
ليه قرّر يصارحك مع إنه كان بإمكانه يكمل بالسرّ لا من شاف ولا من دري؟!
وش اللي يبيه أخوك بالضبط؟
يعلن زواجه ولا يبغا يطلق بس يبي حجّه؟
ماقدامه إلا حلّين يايسكت ويكمل حياته بهالشكل
يايكون قد اللي سواه ويصارح أبوك بالأول وموب لازم أمك وباقي أخوانك يدرون إلا في حالة أبوك رضا وقرّر يخليه يعلن
طالما الموضوع محد يدري عنه ماأتوقع ردة فعل أهلك بتكون قاسية بيزعلون عليه لكن ماراح يصير اللي في بالك
حلو إنك أعطيتيه مهلة إما يبلّغ أهلك أو تبلغينهم إنتي من باب التهديد بس
يمكن هالشي يشجعه إنه يتكلم

صحيح الموضوع صعب بس حصل وانتهى انا اشوف انه صعب تفكري لوحدك وغلط انك تحددي ردت فعل اهلك انتي متوقعة ردة فعل بس ممكن يكون لهمرأي غير اجلسي مع اهلك ومهدي الموضوع كأنك تخبرينهم بقصة لاخو زميلتك بعدين خبريهم ان الموضوع يخص اخوك وتناقشوا كذا افضل واريح لك وهو لا يكون موجود معاكم وممكن تفاتحين ابوك اول بالموضوع
الله يعينكم