هلا حبيبتي كيفك يالغالية
شوفي ياروحي انا عن نفسي والله انه تقدم لي الكثير مو متزوجين بعد طلاقي من الاول
ورفضت لانه اكثرهم لم يكن متدين بالشكل الي كنت ادوره
وانا كنت ادور الزواج من متدين (مطوع)
تقدم لي الارمل والمطلق والعازب وجا النصيب مع زوجي الحالي هذا مع العلم اني كنت مترددة منه في البداية ..واستخرت وتكدر حالي واستخرت كثير بس بالنهاية تم الزواج
والله ثم والله لم اتزوجه ولم اوافق عليه الا لاجل دينه والله على ماقول شهيد
ولم افكر بزوجته الاولى ولا بغيرة ولا بشى لاني تزوجت زواج تقليدي ولم اعرفه قبل الزواج وتم زواجي بسرعة البرق
بس طبعا كان شرطي انه يعلم اهله واخذت منه الوعد ان زوجته لن تتضايق من زواجه وانه كان خاطب قبلي وزوجته كانت تعلم بخطوبته وامه وابوه لا يعلمون!!
يعني وصلتني الفكرة ان هما منسجمين وحتى لمن قابلنا بعض كانت تكلمني عادي وتسولف معي كانها تعرفني منذ الابد البعيد ..وفرحت كثير لهذا اللقاء وصرت ابلغ لها سلامي بكل مايجي زوجي اقوله سلم على ام العيال ..ولكن انقطع بينا السلام والسؤال لا اعلم لمااذا ..واعتقد السبب زوجي لانه يمكن ربى بقلبها الكدر اتجاهي وانا كذالك صرت الشعر بالايام الاخيرة بكدر اتجاها من كثر مازوجي يقولي وش معنى هي تسوي وانتي لا وش وش وش وش لين طفشت
كان هدفي الستر والعفة اولا ثم الاطفال لان صدمت بالاول كان عقيم وخبى عني الله يستر عليه ويسامحه
وقلت هذا متزوج وعنده اطفال اتزوج الي مخلف احسن
ربما هذا كان الدافع الثاني بعد الدين
ولم افكر غير اني لابد اخلف اطفال وانجب دامني صغيرة وخفت تجري بي السنين واعيش بدون اطفال
يكفي السنتين الي ضاعت مع الاول واكتشف انه عقيم

__________________

الي ابي اقوله انه مو كل وحدة تتزوج من متزوج لابد يكون عندها نقص ولا عنست ولا ماتقدم لها احد
هي تبقى المسالة مسالة نصيب وماحدن ياخذ الا الي برزقه
لا ازكي نفسي على الله ولست انسانة كاملة لكن هذا لايعني اني تزوجت بمعدد لابد اشرب المر
انا فكرت لديني الي هو صلاح دنياي وقلت الي يخاف الله ماراح يظلم وبعيش معه اسعد زوجة
لهذا من يوم وعيت على هالدنيا وصرت اعرف شى اسمه زواج ماهمني بالرجل الا دينه
لا مال ولا جاه ولا منصب والذي نفسي بيده لم ابحث الا عن صاحب الدين لكي يرتاح قلبي ويطمئن
كلي تقصير مع ربي اساله ان يغفر ويتوب علي ويرحمني برجمته
ولكن كان عندي احساس قوي ان صاحب الدين راح يرقق قلبي اكثر
راح يساعدني على ديني اكثر بيصحيني لصلاة الفجر لو انا غاطسة بالنوم
بيعوضني الامان الي انحرمت منه
انا الحقيقة ماودي اخوض بمواضيع كذا لاني اعيش صدمة وصمت قاتل بس ماقدرت اشوف الموضوع ومارد
واتمنى من الاخوات ان يعرفن ان والله لو اي رجل اتبع قدوته رسول الله لا عشنا احنا الحريم بسعادة وحب لبعضنا لبعض طول العمرررر... فاين انت ايها الرجل الحكيم العاقل الرزين اين انت يامن تخاف ان توقف امام وجهه الكريم وشقك غير مائل
اين انتم اجيبوني؟؟؟؟؟؟؟؟؟؟؟؟؟؟؟؟؟؟؟؟

__________________

الله يوفقك عزيزتي في حياتك
و ترجع علاقتك طيبة مع زوجته,,بس معليش ياعزيزتي اسمحي استنتجت ان الوحدة غالبا ما تتزوج من معدد إلا بعد مرورها بتجربة مرة فلو كان هذا المعدد اول زوج يتقدم لك بنفس المواصفات لكن غير متزوج و تقدم لك آخر متزوج ستختارين الغير معدد..صح حتى لو كان مواصفاته احسن
يعني رغبة الفتاة للزواج بغير المعدد هي المقدمة على كل شييي

__________________

هو في وحدة ياحبيبتي ترفض الزواج من واحد بيكون لها لوحدها؟
اكيد وخاصا انا مايصلح لي معدد لاني غيورة وفيني حب تملك وهذا ماكتشفته بعد الحب
ربما يرجع لحرمان في الماضي الله اعلم بس الي فيني اقوله ولا اخفي شى
حبيبتي انا تزوجت من غير ديرتي يعني زوجي من بلد وانا من بلد
ويمكن هذا كان له دور بس بالاخير اقول هذا نصيب
والله يوم كان زوجي يروح لبيته كنت احس زي اليتيمة
هو بايت عندي اصير افكر ببكره بيروح
ويوم يغيب اسعد لباجر انه جاي
صعب صعب الزواج من معدد ماهو باالامر الهين والله يرزقنا الصبر والحمكة
انا كنت دايم ومن اخر مشكلة دعيت ربي يبرد على قلبي
واستجاااب لي له الحمد وبفضل الله ودعواتكم ايضا
انا الحمد الله والله ماصرت افكر بشى ابد
الحين صارلي شهر ونص عند اهلي مافكرت بشى
قبل كنت اقول اليلة معها جلس عندها مستمعتة فيه احرق قلبي وتنزل بدل الدمعة دم
بس الحين الحمد الله احيانا اصحى من النوم لين الليل وانسى اني متزوجة
ولا جا الليل اذكر واحس بالم بس ادوخ نفسي وانااااااااااااااااااام
ليست قوة من عندي هي رحمة من رب العباد

__________________

شكرا ع الموضوع

بداية.. قبل لا أرد على ردودك.. انا ما دافعت عن الزوجة الاولى ولا كنت متحاملة على الزوجة الثانية..

من البداية كنت اقول لك المشكلة في الظلم هو الزوج..

يعني الزوجة الاولى مالها دخل بزواجه منك ولا لها دخل بأحساسك بالظلم..

هذا اللي كنت اتكلم فيه..

وانتوا اللي كنتوا تتكلمون الزوجة الاولى والزوجة الاولى.. واستفزيتوني.. ونسخت ردودكم اللي تبين تحاملكم على الزوجة الاولى..
اللي بوصله لك مالكم شغل بالزوجة الاولى .. تبون حقوقكم طالبوا ازواجكم وبس..




وترجعين تعممين في مسألة اغلاط الزوجة الاولى!!!

حبيبتي.. ثقي الرجال الحكيم صاحب الخلق العادل اللي قد المسؤلية لما يجي يخطب الثانية مايجيب اغلاط زوجته..
يبي يقول : والله انا أم عيالي عزيزة وغالية ومامنها قصور .. بس انا رجال عندي حاجة للزواج..

وأبي اتزوج على سنة الله ورسوله..(( أنا متأكدة لو قال زوجك بالبداية الكلام هذا ماكان وافقتي))..

مو يجي يقطع بظهر زوجته لاهل المخطوبة الثانية

عشان يمنيها بأنها هي اللي بتكون الغاليه والزوجة الاولى صفر على الشمال





شفتي شلون تبينين انة الزوجة الاولى فيها اغلاط وعيوب وتنفيتها عن الثانية!!

ليش تطلبين مني اني اكون عادلة وانتي قاعدة تفرقين؟؟!!

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

يااحلاهم الله يهديك ياحبيبتي والله اني اهوى النقاش معك واستمتع فيه
بس جيتي بظروف ماعاد صرت اطيق اسمع مواضيع التعدد
شوفي حبيبتي انا ماهجمت لا على زوجة اولى ولا ثانية
ربما تكون اغلاط او مثلا بعض القصور ياختي حنا بشر نصيب ونخطئ يعني على بالك الزوجة الثانية ماتقصر ؟
صدقيني مااقصد الي فهمتيه
ولنفرض ان الزوجة الاولى كان لها اغلاط وتعدلت بعد زواج زوجها من الثانية
هل تشوفي من المنطق انه يبن ندمه انه تزوج ويصير يعايرها باالاولى ؟
ارجع واقول مثل ماتفضلتي الرجل هو المحور الاساسي في الموضوع
مسالة ان زوجي عطاني اعذار من تزوجني هذا غير صحيح ولا تكلم فيها ابد ولو كان كذا كان مصيره عندي الاحتقار
سالته ليه تبي تتزوج؟ قال انا انسان احتاج زوجة ثانية لاعف نفسي وزوجتي ماهي مقصرة معي بشى
ولمح باشياء فهمتها على طول
ياحلاهم اتركيك من مسالة اني اهاجم اي حرمة والله ان الحريم مظلومات
والظلمات عايشين مع ازواج لا حول لهم ولاقوة

__________________

صابرة انتِ مرة تقولين

الزوجة الأولى ما تزوج زوجها عليها إلا لأنها فيها عيوب

بس يوم يسألونك عن الزوجة الثانية ليش أخذت معدد تقولين نصيب و مو معناتها فيها عيوب

ليش وش الفرق يعني بينهم

طيب ممكن يكون العكس كمان

و ألاحظك بعد تأيدين التعدد صدقيني يوم تكوني زوجة أولى بيكون كلامك غير أكبر دليل

تقولي إذا تزوج زوجي علي بتركه و بروح بيت أهلي

طيب أنتِ جيتِ فوق الأولى و لا ما حسيتِ بإحساسها

__________________
ليتني طفلة أكبر همي لعبتي

جداوية وش ذنبي بالله؟
انا ماايد التعدد الا اذا كان الرجل عنده قدرات كثيرة ومنهم المادة
شوفي ردودي اغلبها اقول الي مو قده لا يتزوج
ياختي انا نصيبي تزوجت من متزوج لو كنت اقدر اغير قدري كان غيرته
بس كل شى نصيب
انا ادري ان الزوجة الاولى تعاني لمن يزوجها يتزوج عليها بس هل نلوم الثانية ليش قبلت؟
ياجداوية لازم تعرفي ان الرجل اذا قرر شى بينفده

الزوجة الأولى ما تزوج زوجها عليها إلا لأنها فيها عيوب.............. انا ماقلت هالكلام
شوفي باختصار لو اي زوج معدد يعرف اشلون يخلي زوجاته يحبون بعض بغض النظر عن الثانية جات على الاولى صدقيني مابيكون هذا رد اي وحدة متضررة من التعدد
وبعدين ضرتي كانت موافقة ان زوجها يتزوج وسبق وذكرت لكم انه كان خاطب قبلي وكان يروح لبيت خطيبته وزوجته عندها علم وابوه وامهم مايدرون
يعني ايش تفسيرن هذا؟ اتكلم عن نفسي شخصيا والله ثم والله لو عرفت ان زواجي منه كان بحرق حياة انسانة غيري لا انسحبت فورا ومن زمان
وحتى زوجي ذكر هالشى ان المفروض هي الي تغار مو انا
صار العكس ياحبيبتي
صدقيني عمري مادخلت مكان وخربته ولاعمري عشت على سعادة غيري
وابصم لك ان ضرتي سعيدة بغض النظر عن زوجها تزوج عليها ولا لا
متفاهميييييييييييين مع بعض ربما هي من الحريم النادر وجوده هالوقت لكن هذا الي صار
طيب انا وش ذنبي اني وافقت وتزوجته؟
لا انا مذنبة ولا ضرتي مذنبة ولا زوجي مذنب بكونه تزوج شى حلله ربي وباحه وفي نساء يستطيعون الصبر ومنهم من لا تقدر
الغلط يا حبيبي في الرجل الي مايعرف يقود سفينته ويخليها لين تغرق
اتمنى ياجداية انك ماتنظرين لي زوجة ثانية خطفت زوج من بيته اتمنى انك تكوني عقلانية ونتظرين للامور بمنطقية وعقل وحكمة
انتي بالذات يالجداوية دوم تهاجمي الزوجة الثانية مادري وش السبب !!
اذكرك بيوم تحسبيني شامية وقلتي اني تزوجت لاجل المال
تذكرتي؟ ومو كل شامية ولا اي جنسية تتزوج خليجي من اجل المال
الحين الي يسمع الخليجي عنده مال يفكر ان كل واحد دجاجته تمشي بخلخال
في هندي اغنى من الخليجي مليون مرة
ربك خلق وفرق بين الارزاق ومو كل وحدة تتزج من جنسية معينة لابد يكون لسبب

"وجعلناكم شعوباً وقبائل لتعارفوا"
جداوية ياختي انا مو هنا للدفاع لا عن زوجة اولى ولا ثانية
انا هنا لاقول كلمة حق وافضفض واطلع الي بقلبي لكم وفي الاخير كلن فينا محاسب على مايقول
تحياتي جداية

__________________

جداوية الرجل لمن يفكر يتزوج بثانية يعتقد ان الزوجة الثانية ملاك
هذا غير صحيح مافي شى اسمه ثانية واولى كل الحريم زي بعض
ولا الثانية يطلق عليها الحور العين
هي بشر وتخطئ ويمكن مايحصل فيها اي شى قدام الاولى يمكن تكون زوجته الاولى افضل بكثير من الثانية
ياختي انا اقول الحق ولو على نفسي
ممكن تجي الثانية شريرة وتخرب عليه وعلى حياته وهذا يرجع لتربيتها وهل هي تخاف الله ولا لا

__________________