أعصابي تعبانه ،، واللي يعذبني اكثر انه بيتي يبعد عن بيت اهلي مسافة 10 دقائق بس
ومع ذلك بناتب مايشوفوا ابوهم ولا يجي يشوفهم ..
اصعب شعور على الزوجه لما تحس ان زوجها يدور عليها الزله عشان يفتك منها ،،
احساس قاتل ،،

دعواتكم لي بظهر الغيب .. حالتي النفسيه جدا سيئه ،،

يا أختي تعوذي من الشيطان واتركي عنك الوساوس
مشكلتك بسيطة بس تحتاج وقت + رجل حكيم من أهلك وأهله
وأمه اتركيها لا تقولين لها شي واتركي اخته بعد لأن ما من وراها رجا
وانصرفي عنهم جميعاً وتوجهي لربك واتركي العالم وراك
وزوجك وين بيروح ووين بيوصل ؟!!
سافر .. مصيره يرجع.. ويلاقي العالم كلن لاهي بحياته وبيته
وعياله وهو قاعد كذا لحاله محد حوله ولا أحد مفكر فيه ولا سائل عنه
مرده لك ولبناته وساعتها حطي النقاط عالحروف كما أمر سبحانه

العقد الفريد كلامك هذا ريح قلبي الله يريح لك قلبك يارب
ويفتحها ف وجهك ويسعدك دنيا واخره ،،
شاكره لك وللجميع تفاعلهم معي ،،
اللهم فوضت أمري كله إليك ، أنت حسبي ونعم الوكيل .

انت طيبة وخلوقة جداً ولا تخافين أنت في حفظ
الرقيب وتحت تدبيره لعله يصنعك بعينه ويريد
لك النجاة( يوم لا ينفع مال ولا بنون إلا من أتى الله بقلب
سليم) ... الأهم تعلمي كيف تسلمي أمرك لله وكيف
تبتسمي حينما تسمعي ما يكدرك كابتسامتك حينما
تسمعي ما يفرحك.. لأنك على علم بأن كلاهما من عنده
سبحانه ولا تريدينه أن يراك إلا وأنت في رضا عنه وعن قدره جل في علاه فيرضى عنك رضى لا سخط بعده أبداً..
أسأل الله لك حياة السعداء تعقبها جنة الفردوس
(ولمثل هذا فليعمل العاملون)..
وزوجك اتركيه لحبيبك اللطيف الودود سيعيده لك ويصلح حالكما وذريتكما ..
فلا تستعجلي شيئاً من أمور الدنيا.. بل تعجلي أمور العبادة
والطاعة وقوليها كما قالها من هو خير منا { وعجلت إليك رب لترضى}..
موفقه حبيبتي..

اشكرك العقد الفريد الله يجزاك كل خير يالغاليه ..
البارح زوجي كان سهران مع زوج اختي ومع السوالف والكلام قال لزوج اختي انه الاسبوع اللي
فات كان مسافر للصين ولدبي وقال رحت كذا بس مع واحد صاحبي قلت اغير جو .. مع أني متأكده
انه ماسافر ولا مكان وزوج اختي بعد متأكد انه ماراح مكان ..
بس ما ادري ايش اللي خلاه يقول كذا !!

يعني قصده يوصل لي اخباره ويبي يقهرني انه عايش حياته وما يهمه ولا وش سالفته !!
صراحه بديت احس ان زوجي مو عارف وش يبي بالضبط ههههههههه ..
صبرك يارب ..

يبي يستفزش وتغارين عليه ويطلعك من صمتك احسن خليه يحتار ومستغرب تغيرك اثقلي عليه وكبري المخده

زوجك مستغرب صمتك وبرودك
متعود ان انتي تراكضين وراه .. وتتذللين له لكن هالمره خاب ظنه
قبل كان ضامن انك مهما طردك بترجعين ذليله لوغصبن عن اهلك
لكنه استغرب تغيرك عليه ويحاول يولع غيرتك
كملي ثقل وتغلي وتجاهلي اي شي منه
وبتشوفين بالنهايه ان شالله يتوب ويتأدب

ان شاءالله الثقل يفيد معاه لعل وعسى ،،
بس مو رافع ضغطي وقاهرني الا الحظر اللي مسويه لي ،
من القهر سويت له بعد هههههههههههه
حسيت كأنها حرب مو مشكلة اثنين متزوجين ،،
الله يعين بس

مرحبا اخواني وخواتي ،،
أبي اقول لكم قبل يومين وصلني كلام من وحده اعرفها عز المعرفه تقول فيه :
اصلا لو زوجها يبغاها ما يطنشها ويخليها كذا ولا يهتم ولا يسأل ،،
واللي يحب زوجته ما يخليها تطلع من البيت بس هذا واضح ما يبغاها ،،
أنا ما انصدمت من كلامها بالعكس عادي ،، بس بعدين جلست افكر بكل كلمه قالتها ،،
وبديت استرجع في بالي الطريقه اللي طردني فيها زوجي والكلام اللي قاله لي ،،

حابه اسألكم : هل فعلا الزوج اللي يطنش زوجته بالأسابيع والاشهر وما يسأل ولا يرسل
ولا يسوي شيء يكون خلاص معا يبغاها في حياته ،، ولا مش شرط ؟؟؟

سألتكم بالله تجاوبوني اجابات شافيه لأني عايشه في دوامه وصراع نفسي من كثر
التفكير ،، مرات اطنش واقول مثل ما باعاني ابيعه واعيش حياتي وخلاص بلا هم وغم ،،
بس ارجع اتذكر العشره والايام الحلوه واجلس ابكي وواتمنى ان زوجي يرجع ولا كأنه صار شيء..