اليوم مادري ايش فيه أخلاقه و يتكلم بجفاوة .. و كم مرة قلتله لا تتكلم معاي بالطريقة هذه .. كلمني زي ما أتكلم معاك بكل ذوق و تفاهم ..
مشكلة زوجي كل ما دلعته بزيادة و احترمته اكثر، يصير زي كذا و أخلاقه زي كذا تصير .. و هذا اسلوبه مع الناس كلهم ..
اذا شخص احترمه، يحسبه خايف منه .. و اذا شخص ما اعطاه قيمة، يجلس يذل نفسه عشانه و يحترمه بزيادة و هذا برضو اسلوب اهله مع الكل ..

المهم .. أنا عارفة انه متضايق لانه مامعاه فلوس و راتبه بعد خمسة ايام تنزل و صاحب البيت هلكه يبغى الإيجار و أنا رافضة اجلس عند اهلي
و البيت ناقصه اغراض .. ( لكن سنوات و أنا اتحمل ظروفه هذه و كل مرة يوعد انه يتعلم و يتغير )

المهم غلط علي بالكلام و عديتها له و قلت اتفاهم بالبيت معاه بعدين بهداوة .. رجع كمان غلط و كمان ..
اخر شي قلتله لمتى البهدلة هذه بنتحملها ؟ للدرجة اللي صرت تشوف انه غصب عني اتحمل .. و انت ما تتحمل اي غلطة ؟
قام قال ( هذا إن عجبببببب ) <-- مو اول مرة يقول الكلمة هذه .. و كنت اطنش و اسكت ..

المرة هذه ما سكتت و قلتله ( مو عاجبني ) ..
قالي ( مو عاجبك روحي عند اهلك ) .. <-- مجرد تهديد و اول مرة يقولها لي ..
قلتله ( طيب .. وديني عند اهلي و ماني جالسة عندك ) ..

المهم كنا برة نحن و قلتله وديني عند اهلي ..
ما رضي و قمت دقيت على اخوي ( اول مرة اعملها، بس عشان يتوب يقول روحي عند اهلك و كلمته - ان عجب - .. و الحياة هذه اللي ملخبطة )
قلت لاخوي ( الاستاذ اللي عندي مستغل مرض ماما و كل مرة يقول لي - ان عجب - و اسكت له .. و اليوم قال لي ان عجب و قلتله ما عجبني
قالي روحي عند اهلك ان ما عجبك و أنا ماني جالسة عنده دام قال الكلمة هذه ..

باكمل بعد ما اشحن الجوال

أنا دحين طنشت كل شي و رميته وراء ظهري و جيت جلست عند امي أنا و معايا النونو ..
و الكبير تركته مع أبوه ..

لو عنده كلام يروح يتفاهم مع اخوي

يا اختي اشوف الموضوع مش وقته
امك مريضة ولما تعرف مشكلتك حتتعب اكثر
وواضح كان رده بهالطريقة بسبب طريقتك بالكلام معاه
الرجال مايحب المرأة الي تضل تنصح زوجها شو يسوي...الافضل لك تلمحيله وماتفرضين عليه اي شيء
وبالنسبة لكلامك هذا
طريقتك كانت شوي حادة..كانك تهدديه..لو قلتيها بشكل آخر ماكان زعل
هو قلك روحي عبيت اهلك بس كلام..مستحيل كان يقصد يهددك
ماعرف شو يرد فقام قلك روحي عبيت اهلك
وانتي زدتيها ورحتي فعلا
والمشكلة الحين حتزيد..لانه حيدخل اطراف ثانية بالموضوع
بغض النظر اذا كانوا اهلك معك او ضدك حتكبر المشكلة ويصير حلها صعب
اتوقع كل الرجال وقت لما تكون ظروفهم صعبة يزعلون من اي شيء حتى لاتفه الاسباب ومايتحملون حد ينصحهم او يقلهم شو تسوون
برأيي ترجعي بيتك قبل ما يصير شيء واحكي لاهلك انا جيت زيارة بس وماتدخلي حد منهم بمشكلتك

انا مستغربة منك يا روح
تقولين اول مرة يقول روحي عند اهلك حتى واضح انه مش تهديد بس ردة فعل عكلامك
وفي نفس الوقت قمتي اتصلتي عاخوك حتى ياخذك عشان يتوب زوجك يقولها مرة ثانية؟
كانه قايلها مليون مرة
ارجعي بيتك ،كفاية مشاكلكم المادية
بهالطريقة حتدخلي لمشاكل ثانية انتي بغنى عنها

الاخوات ما قصروا

قهوة تركي

امي ماراح تدري عن الموضوع و اصلا أنا بكل الحالات جالسة عند امي .. يعني ما صارت تفرق معاي

و رجاءً لا تعملولي زي جحا .. وقت أساعده تقولوا دلعتيه
وقت احط حد .. تقولوا قسيتي عليه ..

صح كلمته ( ان ما عجب روحي لاهلك ) اول مرة ..

بس كل كلمة أقولها ما يتحملها، و أنا عارفة انه بينكد علي اليوم عشان اروح عند اهلي ( اخفف عنه الثقل )

اذا هو مو قد المسؤولية .. يتركني بحالي ..
أنا تعبت و اكثر من كذا ماتحمل ..

اليوم اختي الكبيرة تكلمني بالتلفون و تقول لي لا تزعلي مني ..
بس من فترة و أنا اقول بداخلي ( زوجك كانه مأخذك مسيار و مريح راسه من كل شي )
هذا و أنا ما احكي لاختي اللي قلته لكم ..

و قبل اسبوع اخوي الكبير قالها لي و دحين اختي ..
ايش باقي ؟؟؟

و وجوده ما صار يفرق عندي .. من زمان قلتله البعد يسبب الجفا .. و أنا قلبي خلاص
ما صار يفرق عندي ..

قهوة تركي

أنا بيدي أجيب بيت ووسيارة و اقضي أموري بنفسي .. و أعيش مرتاحة و هو يسرح و يمرح زي ماكان بيعمل بالخارج
بس ماني مستعدة اتحمل تنكيده ..

متنكد حضرته عشان مو بجيبه فلوس .. ما يجي يقلب مزاجه علي و يغلط بالكلام كم مرة و اعديها له

و كلمته ( هذا ان عجبك ! ) سكتها له اول مرة و صار يكررها كل شوي ..
فليه ااسكت دحين على كلمته ( روحي لاهلك ؟ )

اذا هو انسان بدون كرامة و ماتفرق معاه ..

فانا غير ..

و اصلا بعد ما خسرت أبوي و دحين بأخسر امي ..
ما عندي شي اخسره اكثر من كذا .. و ما تفرق معاي ..*

يا أعيش بكرامة يا بلاش من الحياة هذه ..
العمر واحد و كفاية بهدلة و اللي بحياتي ماذقتها ببيت اهلي

أسأل الله العظيم أن يدبركِ بأحسن التدابير ويصلح الحال إنه على كل شئٍ قدير

و الاستاذ متنكد من يوم رحنا شقتنا عشان ما حادفع الإيجار معاه
و أنا متحملته من كم يوم

و بعدين النساء ناقصات عقل و دين، ليه نحن اللي دايم نتحملهم ؟
هو المفروض يتحملني

أنا اللي توي ولدت
أنا اللي امي بتموت قدامي
أنا اللي مسجلة ولدي بروضة بالوفات
أنا اللي ماني مستقرة و ماحد فاضي يخدمني بعد الولادة
أنا اللي كل شي متحملته

يحسن أخلاقه عالاقل شوي معايا ..

معليه ماقدر ارد بعد كذا .. امي مريضة و ولدي الصغير بيدي

روح يا ليت بهالفترة تركزين على أمك ، أمك وبس
اتركي موضوع الشقة والايجار ولا تتخذي أي قرارات بهالفترة
أنتِ متوترة من مرض أمك ، ونفسيتك مش مستقرة
صعبة تتخذين قرارات مصيرية بهالفترة ..
استرخي واهتمي بأمك ، ولا تنسي نفسك لأنك في فترة رضاعة ..
حاولي إن أمك ما تدري بموضوع خلافك أنتِ وزوجك ..
مو ناقصة هموم تزيديها . .

الله يلطف بها وكفارة لسيئاتها بإذن الله ..

قلبي معاك ، وما راح أنساكِ من الدعاء بإذن الله ...
موفقة ي رب ~

__________________