لحظة وداع
جزاك الله خير على الدعاء..

دي روم..
جزاك الله خير على النصائح..
وأنا هذه المرة غير كل مرة..
لم أبين له زعلي..
بل أحسسته بأن تصرفاته اثرت في حبي له وغيرتي عليه.. فتضاءلت كثيرا عن السابق..
وهو الآن يحاول التعويض بكل طاقته..

شيوخة..
تطمني حبيبتي..
أنا الآن أقوى..
أخيرا عرفت الشفرة التي ( قد ) تغيره وتجعله يندم ويتوب إلى الأبد..

والحمد لله على كل حال..



أشكر جميع من وقف معي وجزاكم الله ألف خير..

وأظن أن الموضوع يجب أن يغلق..
وإذا حصلت مستجدات مهمة قد افتح موضوعا جديدا..

يانااااااااااس..
نفسيتي تدهورت من جديد..
أدري إنكم ماراح تخذلوني..

شوفوا اش صار من شوي..
وأسمحوا لي ما اقدر أعبر باللغة الفصحى ..
جوالي اخترب..
لما زوجي اتصل من الدوام قلت له باستخدم جهازك وباحط فيه شريحتي..
قال: أوكي.. بس لا تمسحين منه شي..
قلت له : ما ارح أمسح شي لا تخاف..
وبعد ماسكرت تضايقت من الكلام وقلت خلاص ماراح آخذ جواله..
بعد فترة اتصل وسالني خذتي جوالي؟؟
قلت له: لا خلاص مافي داعي.. بانتظر لي بكرة تاخذ لي جوال جديد..
قال أخذي جوالي اليوم وأمسحي اللي ماتبغينه وأنا بكرة أخذ لك جوال على ذوقك..
قلت له ماراح أمسح شي إذا تبغي إنت إمسح..
قال: خلاص إنتي أمسحي .. أهم شي ماتزعلين علي..

المهم أخذت الجوال..
وبديت أمسح..
وأمسح..
وامسح..

ودخلت الاستوديو..
وياليييييييييييييييتني مادخلت..
لقيت 3 صور لها..
3 منهم مصورها بالسيارة..
ووحدة كأنها بشقة..


ياعالم باموووووووووووووت..

عزيزتي ادعي لزوجك بالهداية واصبري .وتاكدي يا اختي في الله ان الله سيعوضك دنيا واخرة.

اختي الغاليه....الله يعينك على مابلاك الأفضل انك تصارحينه وماتسكتين له ..ولو انتي مسويه هالشي كان رماك
في بيت اهلك..كلميه وفهميه ان هالشي حرام وانا متأكده انه عارف هالشي عدل

واذا كلمتيه تأكدي انه راح يجيب لك مية مبررات لتصرفاته وانه ماسوى شي غلط وراح يقنعك بهالشي ..

وفهميه انه مو عزوبي على هالتصرفات البايخه الغبيه هذاك اول وبدل مايقعد معك ويسولف !يقعد يسولف مع وحده

تافهه ماتسوى ظفرك ويكفي انك زوجته وام عياله ..وطبعا بيقول لك انا في ديره وهي في ديره ويني وينها

على باله ان ابليس مو شاطر يمكن يجره لأشياء ماكان يتوقعها ..


نصيحتي لك فتحي معاه المو ضوع بهدوء بدون عصبيه ومهما يقول لازم تصدقينه لأنه زوجك وحاولي تسامحينه

وترجعي الثقه فيه من جديد..ولاتهتمين اذا بتاخذين على خاطرك في كل كلمه يقولها او اي تصرف يسويه

بتقعدين تبكين العمر كله لأن الرجال الله يهديهم احيانا يصيرون عصبين وما يثمنون كلامهم اللي يقولونه


وزوجك الله يسامحه على اللي سواه فيك واكيد هو طاح من عينك عقب اللي سواه

لكن ولا يهمك سامحيه هالمره وعيشي حياتك ولا بتموتين من القهر مافي اقسى من ان المره تشوف زوجها

يكلم وحده غيرها هونيها وتهون واكيد هذي نزوه وبتزول ..تذكري ايامك الحلوه معاه وطيبته وسامحيه


ولو كررها مره ثانيه الله يعينك على همك فهذا ماعنده احساس بالمسؤليه فكري بنفسك وبس وهو في العنا ذنبه

على جنبه سيئاته واعماله كلها لنفسه..اهتمي بنفسك وبيتك وعيالك وبس ..

oubaalla
جزاك الله خيرا..

ماضي موادع
جزاك الله خيرا كلامك ريحني كثييير..


بالنسبة لردي الأخير..
أتصل زوجي مرة أخرى..>>>>>> منذ أن اكتشفت موضوعه واتصالاته للسؤال عن الحال لا تنقطع.. سبحان مغير الأحوال..
سألني إذا كنت قد مسحت كل شي..
فأخبرته ليس كل شي بقي 3 أشياء أبقيتها..
قال: ماهي ؟؟
قلت: صور....
فعرف قصدي واخذ يقسم بأنها ليست صورها مع أنه قد كتب أسمها على الصورة..
وقال أنه أخذ الصور من جوال صديقه حتى (يستهبل بها على أخته) ويقول انها صور خطيبته..

بصراحة لا أصدقه ولكني سأسكت وسأواصل مسيرتي التي شجعتموني عليها..
جزاكم الله خيرا..


أكرر أرجو غلق الموضوع لأني بذلك لن أنتهي من الشكوى والتذمر..
شكرا لكل من تحملني ووقف معي وساندني ودعا لي..

__________________
... ( بالحب نعيش أجمل حياة ) ...