السلا عليكم ورحمة الله
اخواني اخواتي اعضاء المنتدى
حبيت اطرح لكم مشكلتي لعل وعسى تساعدوني على حلها
انا متزوجه من سنتين,ومن ايام الخطوبه وقبل الملكه اشترطنا اني اكون في بيت لحالي
ووافق زوجي واهله وكانوا من المؤيدين جدا لهالنقطه.
المهم اهل زوجي يسكنون في مدينه تبعد تقريبا ساعه عن المدينه اللي اسكن فيها انا وزوجي,مع العلم ان اقارب زوجي جميعا في نفس المدينه الللي اسكنها.
المهم اخت زوجي تعينت في مدرسه في قريه تبعد عن مدينتنا حوالي 4 ساعات وطبعا اخته غير متزوجه
وقرروا هي واهل زوجي انها تجي تسكن معنا بالبيت بحيث انه اقرب لمدرستها من بيت اهلها.
مع العلم ان جداتها الثنتين موجودات وما عندهم احد.
وانا بصراحه ما ارغب في سكنها عندي
لان زوجي نظام عمله ورديات,ولاهو منتظم ويضطر يغيب كثير عن البيت
واضطر انا اروح لاهلي,فاذا جت راح تربطني صراحه,اضافه لاني ما راح اقدر اخذ راحتي ببيتي ابد
وراح احس اني مراقبه بكل شي,لذلك انا كنت مصره على اني اشترط بيت لحالي لاني اعرف نفسي
احب تكون لي خصوصيه تامه واستقلاليه وما احب ارتبط باحد.
واخت زوجي هذي سبق وكانت عندنا العام الماضي سكنت معنا فتره لانهم كانوا معينينها على بند قبل تترسم
المهم انه قبل تجي كنت انا بالنفاس,وجت ودخلت بيتي وجلست فيه وانا اخر من يعلم.
واتصلت بعدين وطلبت اني اجي انظف انا وخدامتنا لان البيت توصخ,وتفاجأت بوجودها في بيتي
ولما عاتبت زوجي قال ما حبيت اقول لك لاني ماكنت ابيك تتضايقين تشياين همها وانت بالنفاس.
ومشيت الموضوع وما حبيت اسوي مشكله.
المهم طلعت من النفاس ورجعت بيتي وهي موجوده واحس كانها جالسه على قلبي.
طبعا ما كنت ابين لها هالشي.
والان راحت لاهلها فترة الاجازه,ولمحت اكثر من مره اني ماراح استضيفها
بس لاحياة لمن تنادي.
الان حنا بين نارين انا وزوجي..نخاف نرفض جيتها وتزعل ام زوجي والا تدعي عليه والا تزعل البنت ويدخل بخاطرها,وان سمحنالها الوضع بيكون جدا صعب لي انا بالذات لاني ماراح اقدر اتحرك خطوه الابها وراح تربطني بكل شي.
يعني احيانا يكون زوجي بالدوام الظهر فما اطبخ غداء,بس اذا كانت فيه راح اضطر اطبخ عشانها.صعبه اخليها بدون غداء وهي تجي من المدرسه هلكانه وبعدين اخاف تتضايق ام زوجي او يدخل بخاطرها.
فما ادري وش الحل..مع العلم انها ترفض فكرة انها تسكن عند وحده من جداتها,تقول ما ابي عجايز,اطفش عندهم.
ارجوكم ارشدوني للحل.

شو اقول انا الي عايشه عند اهل زوجي ومافي خصوصيه بل المره حتى ..... يعرفون متى يسير بينا الله المستعان بس مالك غير الصبر يا اختي ودوري لها على عريس واذا صبرتي عليها رح توخدي اجر وانت بتوخذين اجر على كل شيء بتعملي لها والله يهدي نفوسكم ياااااارب

__________________
سبحانك اني كنت من الظالمين

ورطتك ورطة يا أختي
بس انتي ألآن بين نارين أنك ان وافقتي بتخسرين راحتك
وان ما رضيتي بتزعل خالتك ام زوجك
بس طلبي الله يحل لك هالمشكله ما في اليد حيله
أحس بحيرتك

والله حيره؟؟؟؟

المفروض هم من نفسهم يحسوا انه هلاشي مو حلو بحقك !!!

يعني مو يوم ولا يومين؟

السلام عليكم ورحمه الله وبركاته

اختي الكريمه ...

اول شي احب اقوله لك..انت لما تسوين اي شي لازم تحتسبين الاجر عند رب العالمين ..

ان كان من خدمة زوجك تراه لك الاجر العظيم عند رب العالمين واذا تبين زوجك يعزك ويقدرك انت واهلك لازم تقدرينه

وتقدرين اهله ...

انا لو منك اعد اخت زوجي اختي وبالعكس بتسلى وياها بدال ما اقعد في البيت طفشانه لحالي..

يمكن ترتبطين من ناحيه زيارة اهلك بس تقدرين تدبرين امورك ...ولو ما هي مضطره ما جت عندك ..

حلوه الخصوصيه وانا احترم رايك من هالناحية بس مصيرها تتزوج وتروح في سبيلها ...

واذا على مشكله الطباخ انت عندك خدامه علميها الطبخ وخليها تطبخ حق اخت زوجك واذا زوجك رجع من شغله انت

اطبخي له وهذي المشكله انحلت ..

انا عايشه مع اهل زوجي ويعلم الله اني عادتهم اهلي وخوات زوجي خواتي وحتى لو في مشاكل تراها تصير بين

الخوات ومافي داعي زوجي يعرف بهالمشاكل لانه اغلبها مشاكل حريم وعيب عليه اصلا يدخل مبينا وعيب علي اكثر

اني انقل له العلوم والكلام اللي يصير بيني وبين اهله ...

واسمحيلي اختي الغاليه ...

والسلام ختام الكلام

عزيزتي أذا تبيها مشكله بتستوي مشكله وإذا بتسهليها بتتسهل

أولا زوجك معاكي والدليل أنه أول مره ما قالك عشان خاف على مشاعرك هذي خطوه حلوه ولصالحك

استضيفي أخت زوجك بنيه صافيه وحاولي ما تضغطي على نفسك بشي

عامليها كأخت لكي لاتشيلى هم من ناحيتها أبد

من البدايه خليها على راحتها مسؤله عن نفسها مهي صغيره الطباخ يوم تجي من المدرسه تخلي الشغاله

تقوم لها بيه ومن ناحية أهلك من البدايه أستأذني وروحي خليه شي طبيعي مهي كانت في البيت أول من غيرك

كل شي من البدايه خليكي طبيعيه مشي حياتك مثل ما كانت

إلا من ناحية الخصوصيه مع زوجك هذي أنتي حسسي زوجك بأنك ما تقدري تكوني مثل أول عشان أخته وهو راح يحس

ويفتقد الخصوصيه وراح يتصرف من نفسه يعني اللبس والحركات ما راح تقدري تسوينها بوجودها وبالتأكيد

زوجك ما راح يعجبه كذا

وبالتوفيق

اشكركم جميعا على مروركم الكريم
واشكر لكم تفاعلكم مع المشكله..
وعندي توضيح بسيط..
وهو ان الشغاله اللي ذكرتها أثناء عرضي للمشكله..هي شغالة اهلي مو شغالتي.

الله يعينك وبماانك تحاول انها مااتكون عندك

عندي حل بس ماادري ينفع والا لا

اذا اخذ زوجك ورديته بتروحين لاهلك طبعااا خليهاا ترووح لجدتهاا وهكذاا كل ورديه رووحي لاهلك وهي تروح لجدتها

وفي الاخير تمل وتنتقل بالمره

<<<تحس انها مجرمه بس مجرمه باحساس

الله يعينك وتمشي عليها الحيله

الله يكون بعونك اختي بس انتبهي تحسسينها انك متضايقه لانه هذي ايام وحتعدي وهي راح تمشي وتتكلم باللي شافته عندك اهم شي تتحملييييييييييييييييين قدر المستطاع