أخواتي العزيزات،

أريد منكم ان تعطوني طريقة سهلة لعمل مكبوس السمك، أنا اعرف كل شئ، بس اريد اعرف شنو الاضافات وأي نوع سمك يستعمل وكيف يطبخ مع الرز.
زوجي يحب الأكلة موت، ويريد اعملها له اليوم على الغدا

انتظر ردودكم

ووفقكم الله جميعاً دائما لفعل الخير

mmmmmانا فاشله بالطبخ توني صغيره بس دوري بواقع الطبخ وراح تلقين

شكرا اختي على الرد السريع

راح ادخل وادور بس اتمنى إذا في أخت تقدرين تساعدني على السريع

شوفي أختي الحبيبه
أول شئ ييبي السمك غسليه وبهريه ممكن السمك يكون زبيدي او بالول او هامور بس احجم يكون وسط انا ما أدري انتي من اي دوله.؟ وما أدري انواع السمك الي عندكم بس هذا الموجود عندنا
الرز مغسول ومنقوع بماء حار
أتخلي السمك بالملح والبهار لحد ماتروح الزفره بعدين تغسلينه بالماي
تا خذين السمك وتحشيها بالأتي (بصل مفروم ثوم كزبره خضرا مفرومه والشبت المفروم وملح وكركم وكمون وفلفل اسود وكزبره بودره والبهارات اللي تحبيها) واتخيطينها بالخيط بحيث ماتطلع الحشوه
تاخذي القدر واتحطي فيه زيت وبصل وثوم لحد مايذبل ونفس البهارات اللي حطيتيها بالسمكه لحد ماتطلع ريحه البهار اتضيفين الماء وأعواد الدرسين وفلفل أسود ومسمار وهيل كلهم حب ويطبخون
يضاف السمك بحذر وديري بالك السمك بسرعه بستوي يادوبك 10 دقايق وشيليه بره
مره ثانيه بقدر ثاني اضيفي البصل مع الزيت وبهارات ثم الرز المغسول وماء السمك بعد تصفيته مع ملاحظه مقدار الماء
أعلى من الرز بأصبعين ثم نهدي النار حتى يستوي ونضيف الزعفران المنقوع على الوجه
يقلب السمك بالطحين ثم يقلى في الزيت
وبالهناء والشفاء

شوفي اختي انا ما اعرف ايش قصدك بالمكبوي بس بقولك طريقتي في مقلوبت السمك وهي مرره سهله ولذيذه
تجيبي سمكه هامور مقطعه شرايح وتغسليهم
وتقطعين بصل ابيض بطريقه طوليه وبعد فلفل اخضرر رومي
وتغسلين الرز وتنقعينه في ماء دافي
لمدة نصف ساعه من قبل ماتطبخي السمك
وبعدها تحطيه في قدرر للوحده مع ماء وملح وممكن زبده او زيت على حسب رغبتك في الوقت الي يطبخ الرز
تجيبي قدرر ثاني تحطي في القدرر زيت وتكشنين البصل لين يشقرر شوي تحطي السمك وتحطي معه ماجي وكركم وتضيفي له الفلفل الاخضرر وشوي ملح انا اخلي النار عليه شوي عشان يحمرر السمك من القلبين وانتي وراحتك المهم لازم تقلبينه وحدك ربع ساعه عشان ما يتفتفت بعدها يكون الرز استو ى وتغرفيه على القدرر الي فيه السمك
وتخلينه خمس دقايق على نار هديه وتطفي عليه وتقلبينه في صحن دئري بالهنا والعافيه