اختي اسيرة قطر والله ان قلبي تقطع عليكم وفعلا ما فعله سيظل شرخا في القلب لو مهما حاول ان يصلح فمجرد تفكيره هذا يجعل الشخص يفقد الثقه في كل الرجال ولو كنت مكانك لا ادري ماذا سافعل وربما قلت ما قلتيه تماما واكثر والله انه وضع صعب جدا وخصوصا ان كان البيت هادئا واسره محبه ولا يتوقع ابدا ان يتصرف الوالد هكذا تصرف
الله يكون بعونكم وعون امك الحمدلله انه رجع عن قراره ولكن عليكم ان تشعروه بمدى الشرخ الذي سببه لكم وان تشعريه وتخبريه بانك كرهت الرجال وانه بعد فعلته لن تثقي باي شاب بعد هذا ...والله اني اكتب وانا كلي قهر
وبالنسبة للشرع نعم حلل 4 لكن هناك شروط لذلك وانها اسره سعيده لما يهدم البيت؟؟؟ من اجل ماذا يهدم بيت من اجل مثلا رغباته الجنسيه؟؟!!!!! يفقد بناته الثقه وعدم الامان لاي كان من اجل رغباته الجنسيه ؟؟؟ يضيع ابنائه من اجل رغباته الجنسيه؟؟!!! هذا ان كانت الوالده مقصره!!!!! ولكن اسره كهذه سعيده محبه لبعضهم البعض بيت خالي من المشاكل فجئه سيتزوج؟؟!!!!! هل الدين جعل الرغبات الجنسيه للرجل اهم من الابناء اجيبوني ؟؟!!!! فلو كانت لا تلد وقتها شيء ثاني او لو كانت امراه غير صالحه ممكن او امراه لا تهتم بزوجها ممكن لاكن ام ضحت بحياتها من اجل زوجها وابنائها واتحملت معه كل شيء يكافئها بالزواج؟؟!!!!!! لا حول ولا قوة الا بالله

اختي ارجو ان لا يتطرف حبكم لوالدكم ولوالدتكم بأن يتحول الى حب تملك ، انها انانية من الابناء ان ينكروا على احد الوالدين رغبته في البحث عن السعادة فيما أحل الله .

مؤكد انك تحزنين على امك ولكنه ايضا ابوكِ ولا تعلمين ماذا بين الزوج وزوجته .

الاهم الان هو ان تكوني في موقف محايد وداعم بنفس الوقت لكليهما ، بأن تراضي ابوكِ وتتمنين له السعادة وترجين منه ان يكون عادلا بين زوجتيه .

وان تدعمي امك بأن تخففي عنها بأن الوالد لم يرتكب جرما في حقها ، وان ترضى بشرع الله ، وساعديها على ان تصبر وتتحمل .
صدقيني ان للابناء دورا كبيرا في دعم نفسية الام .

أختي أسيرة قطر سامحيني فأنا أعلم يقينا حجم المصاب الذي نزل على والدتك فليس هناك أقسى من وجود الضرة في حياة المرأة وكاذبة من تقول أنها تستطيع تحمل ذلك والحمدلله أن رد الله إليكم أبيكم ردا جميلا ... ولكن ماكنت أتمنى أن تتكلمي عن والدك بمثل ذلك الكلام وهذا ماجعل ردي يكون شديدا نوعا ما ...عموما أسأل الله أن يجمع قلوبكم على الخير والمحبة ....

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

مشكورة اختي بنت طيبه الطيبه انا اصلن حاسه مثل السكين في قلبي حته الوالدة احترق قلبها بس مو كثري لانه هذا اخر شي اتوقعه من الوالد الي كان مثل رفيجي واخوي واقولة كل شي كنت خايفه اني اخسرة احس انه جالس يعيش مراهقه متاخرة انا في يوم من الايام حبيت شخص بس ماكان من مستوى العايله لانه مش بدوي (( قبيلي )) بس انا دست على قلبي عشانه وتعذبت سنين طويله بسبب هاي الشي مثل مانا دست على قلبي وضحيت بالانسان الي حبيته عشانه هو ملزوم انه يسوي هذا الشي لنا

بس صح انه هون عن الزواج بس لين الحين البيت ضايع كلن معصب وحاس بالحزن واحس انه الوالد صاير مثل الغريب وغير الوالدة كل يوم في المستشفى انا احب التراب الي يمشون عليه اموي وابوي ومابي اخسرهم انا من العصبيه هددتهم كلهم اذا ابوي ماكنسل لاسوي فضحيه للعايله كلها غير طبعا السب الي سبيته لابوي وللبنت الي بيتزوجها

بس ماقول الا حسبي ونعم الوكيل

حسبي ونعم الوكيل في الي كان السبب والله لايوفقه في حياته خرب بيت عمران الي يخرب بيته مثل ماهدم بيتنا

بس ان صار وارجعت هاي البنت لحياتنا والله اني ماراح ارحمها وراح يجيها شي مني عمرها ماتتخيل
وراح تفتح لنفسها باب الشر الي ماراح تعرف تسده بعدين انا خلاص ماعاد يهمني شي في الدنيا حته بيتنا كرهته ماصرت احس بالامان مثل قبل حته الرجال ماعاد لي ثقه فيهم ومشروع الزواج شليته من بالي كللللش
كنت قبل احط راسي على المخده وانام اما الحين انام وودي اني ماصحه ابدا لو النت جان حالتي العن من جذيه
انا ادري اني صايرة اسوي مجنونة بس مو مني من الي قاعده اشوفه واسمعه كل يوم

والله يخليكم ياخواني وخواتي لانه صج مالي غيركم صح انكم قسيتوا علي بالكلام بس بعد صعب علي هاي الشي

ابي دعواتكم لي ولاموي ولابوي انه الله يرجعه لعقله ويبعد بنات الحرام عنه لانه ابوي انسان طيب

والله لو يتزوج 3 حريم على امك هو حر والشرع حلل له 4

استغفري ربك وتذكري الناس الي ماتو ابوهم وامهم او الي انهدمت بيوتهم بالطلاق وغيرها

ترا ابوك ماسوى شيء غلط بالعكس يمكن شاف بالحرمه الجديده شيء عجبه او امك مقصره معاه بجانب خاص فيهم

ويكفي انه رجال ملتزم وماراح للحرام

وانا متأكد مليون بالمية لو انك او انكم كاشفين ابوكم بعلاقة محرمة كان عليكم اهون من الزواج هذا

عجباً ترضون بالحرام وتبغضون الحلال

الله يوفقه بزوجته الجديده ويرزقه

شلون يعني اختي ان صار ورجعت ماراح ترحمينها ويجيها شي ماتتخيل
اقول كبري عقلج وخلي عنج هالتصرفات التافهه اللي تدل على شخصية متأثره وايد بالافلام الهنديه
وش فيها يعني لو تزوج اربع مدام قايم بحقوقكم وخايف ربه فيكم

ههههههههه لااختي عزيزة النفس انا مو متاثرة بالافلام الهنديه انا جد راح اسويها لانه شياطين الدنيا كلها خلاص ركبتني انا اموي الحين هدت بس لين الحين احس النار مولعه فيني بعد ماعرفت السالفه بالتفصيل

حبيبتي البنت الي ابوي يبي يتزوجها مسويه لعبه خبيثه مع صحباتها لجل تتزوج ابوي مو عشان شي بس عشان فلوسه مو اكثر لانه ابوي غني والي قاهرني انها تركت كل العزابيه الي موجودين عندها في الشغل وحطت عينها على ابوي الي عنده درزنين عيال عشان شنو وحدة مثلها تفكر فيه ابوي ماعنده الا قلبه الطيب وفلوسه وهي عرفت شلون تدخل عليه

لو ابوي كان راح يتزوج اي مراة جان رضيت بس يتزوج وحدة اشكرة داخله على طمع وراح ترميه في اول ماراح يطيح فانا ماراضة