أخي الزعيم 55
ان مافعلنه أزواجكم هو نداء للتغيير وماتفعلونه شيء جيد ولكن أصبح روتيناً مملاً
إنهن يردن تغيير في الشكل وليس المضمون يعني ليس كل الطلعات بر أو سفر أو عشاء .. لا بد من التغيير قليلاً يعني ليس من الضرورة أن تعمل أو تعملون نفس ماعملتوا في المرة السابقة غيروا ولو كان شيئاً قليلاً
ثانياً من حقها أن يكون لها مجتمعها الخاص الذي تتمنى أن تتفرد فيه بالتصرف بعيداً عن مجتمع العائلة العام
تريد أن تتفرد بك خارج المنزل .. تريد أن تستعيد معك ذكريات سابقة .. تريد أن تمارس حقوقها كزوجة لا كعضو في مجتمع كبير فرأيي كإخواني وأخواتي الذين سبقوني خصص لهم يوماً أو يومين بعيداً عن أيام العائلة لتنعم هي بك وتنعم أنت بها ..
نسأل الله أن يجمعكم جميعاً على مايحبه ويرضاه

__________________

اذا كان فهمي للموضوع صحيح

أتوقع انه دلع حريم


هي كلها طلعتين بالسنة

اذا طلعتوا تكون كل عائلة مستقلة ولها خصوصياتها وتقدر تطلع بروحها وسط الطلعة الرئيسية


فعلى كذا ليه التشكي ؟؟ لا طبيخ عليهم ولا قهوة ؟؟

يمكن متضايقين من الزحمة أو يبوا يغيرون،


تحاول كل عائلة ترتب لنفسها طلعة خاصة زي طلعاتكم الكبيرة بس على شكل مصغر ولكل عائلة لوحدها


بصراحة ما أشوف لهم عذر، دلع حريم، نفس العادة عندنا بس احنا نجتمع بالبيوت كونها مازالت تستوعبنا بس كلها كم سنة ولاراح تستوعب ويمكن نسوي زيكم، عالرغم من هذا يشتكون الحريم ولاودهم يجتمعون اسبوعيا زي ما احنا متعودين نسويها من زمااااااااان

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من قال لك الكلام هذا ؟؟؟؟؟؟؟؟؟؟؟
وين راحوا إخوانك ووالديك يعني خلاص الواحد يتزوج ينسلخ من جلده لا أخوان لا عيال عم لا أقارب ولاشي
هذه وجهة نظر خاطئة ولا ليش سموها صلة رحم يعني الرحم زوجتي وعيالي بس !!!!!!!!!!!!!!!!!!

__________________

قالوا هبيل وجايزن لي هبالي

هبال طيب ولا صحاوة رخامة

انا مره وبصراحه افتقد هذا الشئ واتمناه بس الحل عندي وهو

اما مثل الاخت اللي قالت انكم تخلون السفره نصفها مع الاهل ونصفها مع العائلة
واذا رفضوا فقولوا لهم خلاص حنا نبي نتزوج مسيار وناخذهم معانا للسفر وانتم سوو اللي تبون

وتشو فون اذا ما اركبوا قبلكم بالسياره خخخخخخخخخخخ

ي اخي انا عندي زي كذا والصراحة طفشت مع اني انبسط في الجمعه الاطفال ومشاكلهم والحريم ومادراك ماطبائع الحريم الجميلة تجديع كلام وغيره ودي الرجال ياخذون الاطفال ويخلونا ننبسط شوي نسولف ونضحك مو مانجلس بس نلاحق فلان ونفك المضاربة بين فلان وفلان وام فلان تهاوش ليش ولدك ضرب ولدي ترا الكثرة تغلب الشجاعة وفي فترة حرجة زي هذي بتخلي كثرة الاجتماعات تفرق قلوب الاطفال والكبار حتى لو كنتم رجال وماتهمكم المسالة الا انها مهمة والاخوات يتهاوشون مع بعض علشان عيالهم فما بالك ببنات العم والحموات حتى لو كانوا عاقلات ولا ينقلون لكم الصورة الواضحة يكفي مرتين في السنة بدون غثاء طباخ وقهوجي وجمعه ووناسة وسوا انشطة مسابقات وغيره ومومو معنى هذا تتقاطعون في باقي ايام السنة الاخوان يسيرون على بعض ويشوفون بعض وممكن الرجال فقط والاولاد الكبار يجتمعون بعد صلاة الجمعة في اي استراحة غداء والحريم ياخذونها فرصة للاستراحة من الزوج والاولاد
وصلة الرحم ماتكون بالجمعات الكبيرة اهم شئ تشوفون بعض وتعرفون اخبار بعض وتطمئنون على بعض
والا الجعات الكبيرة مافيها خير ومادام بدوا الحريم يشتكون معناه لازم تتصرفون والا بتكبر السالفة



الاخ الي يقول دلع حريم ماعليك منه ترا الحريم بشر ولهم حق في الجلوس مع الي يحبون ويرغبون مو غصب والزوج مهما كان ماله حق يجبرها على زيارة اهله او حريم اخوانه لانهم ليسوا رحمهم
والا بتكون لهم ردة فعل واقص لك وحده من الي يجلسون معنا كانت تجي مغصوبة ولما تمل تقول لابنها ذي 6 سنوات روح قول لابوك نمشي وش تبي بهذولي يضربون وياخذون العابك يالله نروح بيت اهلي والحريم يموتون من القهر ومايردون علشان ماتكبر السالفة والاطفال تكبر قلوبهم وبدل ماصار الهدف توحيد القلوب صار تبعيد القلوب وفرقتها
وعائلة اخرى الزوجات لم يشاهدن بعضهم لمدة 10 سنوات ولايكلمون بعض ولايعزمون بعض صح الاخوان علاقتهم جيدة ولكن بعض الابناء تاثروا وكل هذا بسب روحي غصب اهلي الي مايبي اهلي مابيه ومن هالكلام مرعاة الزوجة واجبة وصلة الرحم واجبة واهم شئ التوفيق بينهم

اهلين اخي الزعيم

شوف اللي فهمتوا انه كانت اجتماعاتكم عائلية يعني الكل حريم ورجال والان اقتصرت على الرجال فقط


لكن رحلاتكم عائلية

وانتوا خايفين انوا لما تسافروا او تجتمعوا انه ماتجتمعوا جميع

يعني الحريم خربوها

اصلا ليش صار الرجال هم اللي فقط يجتمعوا

ليش ماتخلوا اجتماعات الاسرة الام لوحدها واجتماعات اولاد العمومة كل اسبوعين
يعني يصير انت واخوانك وحريمكم اسبوعيا تجتمعوا في بيت العيلة
واولاد عمومتكم وحريمكم كل اسبوعين
حتى مايصير بعد

وماشاء الله عليكم وربي يحميكم لاهلكم ولا يفرقكم .

أخي الزعيم إذا كان كل واحد يقدر يطلع هو وزوجته لوحدهم معناته هناك أريحية في الموضوع وتوجد أيضا استقلالية لكل عائلة....
إذا بارك الله فيكم استمروا على ما أنتم عليه لأن هذا من الأمور التي تزيد من أواصر المحبة وبالعكس أرى أنه لابد منالمحافظة على هذا التقارب والاجتماعات وفقكم الله .........
والمرة الجاية اعزمونا بس على طلعة الصيف موالشتاء وشكررررررررررررا ......

__________________

قالوا هبيل وجايزن لي هبالي

هبال طيب ولا صحاوة رخامة

مو لازم انكم تروحون بالحرمه

كل وحده ورغبتها

اذا تبغى تروح اهلا وسهلا
واذا ما تبي الله يحفظها

لان جمعات الحريم مو مثل الرجال
1-لازم كل شوي تلبس وتتزين
2-تلبيس العيال والتغيير والتحفيظ وووو
3-بعض الحريم غثيثات ويخربون الجمعه فيصير الاجتماع ممل
4-اذا تطاقوا البزران يكون كل شي في وجه امه خصوصا بعض الحريم اذا شافت ولدها يضرب احد تتبسم
وترفع ضغط الام الثانيه ام اللي يصيح
5-بعض الحريم ترفع الضغط ومستحيل تقوم وتشتغل والباقيات وش ذنبهم يخدمونها
6- يعني من كل النواحي السفرات الجماعيه موب زينه ابداااااااااااااا

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي