السلام عليكم ورحمة الله وبركاته

عندي مشكله وياليت احد يقدر يساعدني وينصحني

مشكاتي ::::

انا متزوجه وصارلي من تزوجت 3 شهور ...الحمدلله على كل حال....

زوجي مومقصر علي بشي..الهدايا والرومنسيه ...بس اذا دقيت عليه ولا رسلتله رساله بالجوال وكتبتله اني احبه يصارخ علي ويقولي شنو هالرسايل الفاضيه والاتصالات الي مالها داعي...والله ينكسر خاطري اذا قالي كذا...واذا مادقيت ولارسلت يقولي انتي جافه ولاتقدرين .......واذا جابلي هديه اشكره واستانس بس مايحس بوناستي واسوي جو رومنسي واقوله اني احبه واني مااقدر استغني عنه ..بس اذا جابلي شي يقولي تصدقين انا احس انك تزوجتيني علشان تتطلبين افلوس وبس....مع اني والله احبه ولامره فكرت اخذ فلوس على الفاضي...اخذ اذا احتجت مثل زواج اخوي...

والله محتاره ولا ادري شسوي...والله الدمعه في عيني...ساعدوني

ممكن يكون مهموم على طول شوفي ايش فيه

اقدر حبك لزوجك لكن بصراحة ممكن يكون عنده حق فى اعتقاده هذا وواضح من كلامك ان الفرق المادى بينكم كبير لذلك نصيحة لا تاخذى منه فلوس الا اذا عرض عليكى ولا تطلبى منه واصبرى فلن يعلم قيمتك الا عندما يمر بازمة مادية طاحنة ويجدك بجانبه تساندينه وما تتذمرين
تحياتى

مشكوور اخوي على النصيحه

والله زوجي لو اسوي الي اسويه مايقولي شنو فيه ومن شنو متضايق...

الف شكر على المرور والتعليق

صدقت اخوي في كل كلمه قلتها...

بس الي خلاني اطلب منه فلوس ..زواج اخوه وبعده زواج اخوي وانا ماطلبت الا لزواج اخوي

صدقت والله...الحن اهو يمر بأزمه وحاولت اساعده وعطيته اللي عندي من مصروفي والي حصلته في زواجي بس استحى مني ومارضى ياخذهم ..ومن كثر اصراري انه ياخذهم قالي اذا احتجت بقولك ^_^

الف شكر على النصيحه والتعليق خيووو

اختى لماذا لا تساعدينه دون علمه مثلا ضعى المال الذى ما رضى ياخده فى حساب بتسمه فى البنك او حاولى تعطى هذا المال لاحد اصدقائه تكونين تثقى فيه وهزوجك ايضا
ويعطى صديق زوجك هذا المال لزوجك على انه ملكة وبعد ان تنتهى الازمة يعلمه بانه مالك
تحياتى