عزيزتي
بالنسبة لسؤالك الأول
ما له داعي تكدرين خاطر زوجك و تدخلين في راسه أفكار يعني الرجال مهما كان متفهم يضل موضوع مثل هذا يحز في نفسه و ممكن مثل في وحده من لحظات الزعل يسترجع هالشي و يصير الشيطان يوسوس له و كذا
و فس النفس الوقت أنا في رأيي ابتعدي عن الكذب يعني حبل الكذب مثل ما يقولون قصير و موب حلو انك تبدأين حياتك مع زوجك بكذب و كذا
يعني انتي لا تجيبين سيرة الموضوع ولا تقربين منه و إذا هو سألك حاولي تضيعين السالفة أو قولي له شي مثل وش لنا في الماضي؟؟ أنا حياتي بدأت يوم عرفتك و كذا
بس نصيحتي لك هذا في البداية بس بعد فتره إذا حسيتي انك مرتاحة تقولين له و ان هو ما راح يفهم غلط ما فيها شي تصارحينه
يعني أقول لك أنا يوم كنت بالمدرسه كنت أحب (أو بمعنى أصح كنت اعتقد اني أحب..تعرفون اعجاب المراهقة و كذا) ولد عمي بس بعد مده بدأ هالشعور يخف عندي بالذات يوم دخلت الجامعة و صرت "مشغووولة" و بعدها انخطبت و خلاص هو ما صار يعني لي شي غير انه ولد عمي
بس في يوم أنا حسيت اني ودي أصارح خطيبي (مدري زوجي) بهالشي...حسيت اننا وصلنا لمرحله من التفاهم ان لو خبيت عنه هالموضوع راح أكون معطيته أكثر من حجمه..فقلته و قلت أنا اكتشفت الحين ان هذاك الشي ما هو حب بعدين ما جربت الحب معاك يعني هذاك الشي بالنسبه لي الحين خرابيط و لعب عيال...و هذه هي الحقيقة...بالبداية هو ما رد علي و طنش الموضوع فأنا ما كنت عارفة موقفه لكن اليوم اللي بعده هو قال لي أول ما قلتي له تضايقت شوي بس بعد ما فكرت عرفت ان لو كان الموضوع يعني لج شي كان ما قلتي له عنه علشان كذا أنا تطمنت
السؤال الثاني
شوفي أنا وحده عن نفسي ما أحب التمثيل و مدري أيش كل كلمة بحساب و كل خطوة بحساب..أحب أكون على طبيعتي...بس في نفس الوقت ما تضمنين ردة الفعل كيف تكون...و انتي شكلك مثلي فأعتقد يعني تعرفين شلون بعض الناس يفسرون التصرفات تفسيرات غلط
فأنا في رأيي جسي النبض بالأول شوفي هو أيش رد فعله راح يكون (بالذات في البدايا قبل ما تفهمون بعض كويس لكن مع الوقت تفهمون بعض أكثر )..أنا عن نفسي في كان عندي بعد معلومات (و على فكرة ترا المعلومات النظريه مختلفه تماما عن التجربة العملية
) المهم في البداية لما بدأ زوجي يكلمني في هالمواضيع كنت أسمعه بس و بعد فترة بديت أسأله عن الأشياء اللي ما كانت واضحه بالنسبه لي و شوي شوي صرت أتكلم معاة بحرية أكبر و الحين خلاص عادي نتكلم على راحتنا بدون مشاكل....بس افهميه أول اعرفي ردة فعله كيف ممكن تكون أحسن من انك تاخذين راحتك و هو يفهمك غلط و عاد تتكون صوره في راسه صعب تتغير
و بالتوفيق
06-07-2006, 07:43 AM
عندي اسئلة للمتزوجين والخاطبين بعد (( ذكر وانثى )) ؟؟
ضوابط المشاركة
العرض العادي
