بسم الله الرحمن الرحيم


أنا بعد كم يـوم راح اسافر لندن.......ومشكلتي والله مشكله انا عندي طفل رضيع عمره ثلاث شهور ونص وماادري كيف راح اكون بالطائره او هل للاطفال الرضع مكان خاص او مقاعد لهم لاني اول مره أسافر ومعاي طفل....وخصوصا انه مزعج جدا ودلووع دايم صياح يبي احد يشيله ويمشي به...عاد بالطياره لايحلم بهالشي فماادري ايش الحل ..وهل الجو راح يتغير عليه ويتعب ويتعبني وخاصه ان احنا بنكون بالطياره ست الى سبع ساعات....والله إني متردده بهالسفره بس لازم اروح لان زوجي يدرس هناك ويبي ياخذنا وياااه...فياليت أحد يقول لي او يساعدنــــــي إيش اسوي...إذا أحد جرب وراح بالطياره ساعات طويله ومعاه طفل ياليت يقووول لي....محتـــــــاره والله



وشكرا

وينكم تقرون وتطلعون


كلمة كلمتين ولو جبر خاطر

عزيزتي..
أولا لازم تروحون المطار شوي من وقت..
تدرين ليش..
عشان تحجزون مقاعد بالأمام..
لأن المقاعد الأمامية فيها نفس الطاولة مقابلتها عشان تحطين الياهل فوقها..
خصوصا لتبديل الحفاظ والنوم..
ولا تنسين تاخذين معاج مفرش صغير اللي يحطون الطفل بداخله..
وأنا أقول لج تروحون المطار من وقت شوي..
لان إذا غيركم عنده ياهل راح يحصل المقاعد الأمامية وهي محدودة كثير..
ولا تنسون تخبرون الموظف عشان يحجزها لكم..
بالنسبة للتعيير عليه..
أنصحج لما تقوم الطيارة وأثناء الهبوط إنك تعطينه حليب أو ماي يشربه..
عشان يخف الضغط على أذنه ومايتأثر كثير..
وعشان أطمنج..
ترى جو الطيارة غالبا ينوم الطفل ويدوخه..
الله يهدي لك طفلك وينام أغلب الوقت..


تروحون وترجعون بالسلامة..

تسلمين اختي بحرينيه على ردك اللطيف...... وبسوي مثل ماقلتي......والله يجزاكي خير خيتوو..


شكرا....

احرصي أن لا ينام قبل صعود الطائرة بخمس ساعات أو أكثر
حتى ينام في الطائرة ويريحكم

والله وهذا الي بسويه مااراح اخليه ينام بدخل بعقله عشان ينام بالطياره.....

الله يسهل......

شكرا