قبل ساعات حاولت أتناقش مع زوجي بعد ما دخل غرفة النوم وقبل ما شوف الأخبار السياسية المهم قلت له معليش سكر التلفزيون أبغاك في سالفة
قل خير وش تبغين ؟
قلت يا قلبي أنا أبغى أعرف اللي مطفشك و اللي مخليك ما عدك زي زمان من الابتسامة .. ليش إنت دائم طفشان تعبان
قال : عادي إن شاء الله في حريقة وش دخلك أنتي
قلت : حرام عليك انا زوجتك ... ثق أنه لا يوجد احد على ظهر البسيطة يهتم فيك قدي
قال : شكرا شكرا
قلت : قل لي سبب واحد أو أكثر ليش انت دائم طفشان تعبان
قال : كذا أنا أذا طفشت أطفش شهر شهرين أكثر ( له مدة طويلة وهو بالحالة يمكن سنة أو اكثر)
قلت قلي سبب واحد هل هي العسكرية هل أنا ...
قال : قال لا .. أنا أبغى أفصل من العسكرية و أتوظف مدني و أرتاح .. نفسي أخرج خارج البلد و أعيش هناك كل الناس بعيدين عني ولا أحد يسأل فيني و العيشة هناك رخيصة و أنتي تبتعدي عن الحريم اللي كل شوي يقولوا ليش زوجك ما شرا لك .. ( طبعا انا لا أكلف على نفسي بالملابس فأحيانا أخواته ولا أخواتي وغيرهم يقولوا لي ما شاء الله لسة لبسك هذا حق العام ما غيرتيه .. فمرة قلت لزوجي و قلت له عن اكسسواراتهم و أغراضهم و تماشيهم .. فهل أنا غلطانة ... ومرة زعلت عليه و قلت له ...أنا ما اخسرك حتى ملابسي أخواتي يعطوني ..وهم فعلا يعطوني كهدية مو علشان أحوالي المادية )
المهم بعد كذا و بعد كم سؤال وجواب و أنا عارفة أني ما أتقنت إدارة المناقشة قال لي
اتركييييييييييني لحالي ..أطفش ,, أحترق .. أموت وش دخلك فيني
أنا قلت له : أنا بأترك ساعات إذا طفشت لكن تطفش طيلة العمر و تطفشني معاك ليش ؟؟؟ حرام
الدنيا ما تستاهل كل هذا الطفش .. وقلت له أن علينا أن نحسن علاقتنا بالله .. فما أصابنا إلا بسبب ذنوبنا
قلت له : إذا كنت تبغى دايم لحالك ( هو كثير يقول يبغى يقعد لحاله ) أجل ليش .. تزوجت ... أنت ما تبعى واحد يهتم فيك هذا انا ... قال لا ما أبغى أحد يهتم فيني ... آآآآآآآآآخ والله اكتب لكم ودموعي على خدي ..
إنا لله وإنا إليه راجعون ... طبعا لما قلت له كأنك تزوجت قال لكمة مافهتها قال بس معناها زي ((( غلطة ))) مع انه خطب قبلي وحدة وما وافقت بعدين جاء وخطبني مع أني كنت صغيرة .. بس أمي وافقت
يا رب أعني على ما أنا فيه لا حول ولا قوة إلا بك
اللهم اعفر لي .. وزوجي يارب ...
أرجوكم عارفة إني تعبتكم .. بس أفضفض لمين بعد الله ( ما خاب من استشار وما ندم من استخار)
هل أنا غلطانة في طريقة كلماتي معه .. ما أفعل معه .. كيف أعامله .. أحس أنه كئييييييب متحطم كاره الدنيا
إنا لله وإنا إليه راجعون ... يارب يجونا اطفال و يغير يااااااااااااااااااااارب ياااااارب
اللهم إليك أشكو ضعف قوتي وقلة حيلتي وهوااااني على الناس
05-06-2006, 11:30 PM
ضوابط المشاركة
العرض العادي
