هلا اختي تصدقي وانا اقراء حكايتك حسيت كانه انا الي قاعده اكتب وهذي حكايتي الله يعينا ويفرج همنا

كــــــاتمه همي ..

أختي العــزيزه عسى الله يرزقج بالزوج الصالح البار التقي الي ايخاف ربه وايصونج وايخاف عليج وايحبج ..
ومشكوره على ردج وصدقت جدتج يوم قالت انه الرياييل ما ينعطون ويه ولازم ما انبين حبنا بكل وقت ..

=========================

قـــمرهم كلــــهم وبس ...

والله أحــزنني ردج .. والله ما أتمنى أشوف حد ايعاني هالمعاناه اللي انا اعانيها .. لكني ادري انه في غيرنا كثاااار ..
ما بيدنا غير الصبر وعسى الله يفرجها علي وعليج وعلى كل خواتنا يا رب .. والله يهدي ازواجنا ويصلحهم ..
وتســلمين الغاليه على ردج ..

__________________

أخوتي وأخواتي في الله ..

والله اني لأشــكو حالي المر وكلي أسف بأني قد اتخذت طريق الشكوى لشخص ما .. حتى لو لم تكوني تعرفوني ..
فمن طبعي ألا أشكو لاحد مهما كان ..
ولكني والله بحاجه ماسه لنصيحه ومساعده من شخص فاهم وعاقل .. ينصحني ويرشدني ويدعو لي ..

لن أطيل عليكم ..

ولكني أود أن أقول ...

لقد مللت الحيــــــــــاه مع هذا الانسان عديم الاحساس ..
والله لا أقصد الاساءه اليه ولكني فعلا مللت وحتى الكلام المباشر ما أحسه ينفع معاه ولا يجيب نتيجه وما أشوف منه أي رده فعل تدل على تأثره بل بالعكس يأخذ الأمور ببساطه و ( يطنـــــش ) .. طبع اللامبالاه عنده مترسخ في أعماقه ..
ليش اتزوج مــا أدري ...؟؟؟
حتى أخته كانت تســألني عن طريقه تحميمي لطفلي فقلت حقها على كرسي الاستحمام مال الاطفال ..
قالتلي حرام بياخذ برد .. فقلت كيف أحممه في البانيو وهو بعده صغير ومحتاجه حد يمسكه وياي ويساعدني وطبعا ما عندي حد .. فقالت وين زوجج .. ..!!!

للأســــــــف .. عندي زوج وما عندي انسان ايساعدني ... كم مره طلبت منه ايساعدني ويقول مب فاضي حق هالشغلات وهو جالس على النت .. حتى لو قلت له جيب لي الشي الفلاني وانا اكون ماسكه البيبي وما أقدر أتحرك لاني أرضعه يقولي هاي شغلات حريم وانتي كله بس تبين تتأمرين علي ...؟؟؟
بذمتكم في بين الزوج وزوجته أوامر .. مع اني يوم أطلب منه أطلب بكل رقه .. مثلا مرات أحتاج كلينكس والبيبي يرضع ويوسخني وياه بس ما أقدر أتحرك عشان ما أقطع رضاعته .. أقوله حبيبي ييب لي كلينكس .. يرد علي بردوده المعتاده .. مب فاضي ..ما أقدر.. وانتي ليش تتأمرين علي .. وانتي بس تبين تشغليني بأي شي .......إلخ ..

والمشكله انه حتى البيت ما يجلس فيه الا اذا يبا يقعد على النت .. ومن ايمل ياخذله دش على السريع ويقولي انا ساير القهوه .. أو ساير ويا ربعي ... أو عندي شغل ... ............ والى آخر الليل ..

المصيبه امس يقول انه بيسير مركز من المراكز متواعد ويا واحد بيسلمه أغراض مطرشه حقه من ربيعه ..
فقلت حقه خذنا وياك بنتمشى اشوي والله مليت من جلسه البيت .. ما أطلع منه الا اذا بيوديني بيت أهلي مره في الشهر..
تدرون شو رد علي ... وين تبين تتمشين ونحن ويانا هالحشـــره ( يقصد البيبي فديته ) .. قلت ها ولدك .. اذا انت ما بتتحمله منو تباه يتحمله .. بعدين مب هذا الي كنت تتمناه .. قال صح بس ما ينسار منه مكان كله يبا يرضع ..؟؟؟
يعني شو تبوني أرد عليه .. قلت عادي لو صاح ويبا يرضع بدخل المسجد وبرضعه وخلاص .. مب مشكله ..!!

بس والله انصدمت من رده .. يعني ماخذ اجازه شهرين وما فكر ايطلعنا فيها يوم واحد.. والله لو يوم ..
قلت له أبا أطلع اتمشى والله مليت وطفرت من جلسه البيت ومن الشغل أبا أغير جو حتى لو تمشيني في فريجنا بين حارات وسكيك البيوت .. والله أبا أحس اني أشم هوا طبيعي اشوي ..

لا حول ولا قوه الا بالله ..

المشكله انه وراه امتحانات ولا فكر يمسك كتاب وكل ما اقوله ايقول لا تأذيني بذاكر ..؟؟
وحتى انا عندي امتحان في كورس تخرجي وكل ما ايشوفني أرقد البيبي وايي أذاكر يطرشني بشغله لين ينهد حيلي وما أقدر اسوي شي من عقبها ..


عسى الله يهديــه ويصلحه يا رب ..

المشكله هذا زوجــي وقدري .. بس والله تعبت منه ..
حتى أفكر أسير بيت اهلي أغير جو وياهم وعلى الأقل وياهم أقدر أطلع أتمشى وولدي ويانا وكلهم يستانسون عليه حتى لو كان مزعج ويصيح أشوفهم كلهم يتراكضون عشان يسكتونه ...

بذمتكم شو أســـوي .. ســــــــاعدوني انصحـــوني .. تعبت مليت طفرت ..

__________________

http://www.66n.com/forums/showthread.php?t=86828

__________________

تزود من التقوى فإنك لا تدري إذا جن ليل هل تعيش إلى الفجـر

فكـم من فتى أمسى وأصبح ضاحكا وقد نسجت أكفانه وهو لا يـدري

وكم من صغار يرتجى طول عمرهم وقد أدخلت أجسادهم ظلمة القبـر

وكـم من عروس زينوها لعرسـها وقد قبضت أرواحهم ليلـة القـدر

وكـم من صحيح مات من غير علة وكم من سقيم عاش حينا من الدهر

فمــن عـاش ألفـا وألفيـن إنـه لابـد من يـوم يسـير إلى القبر

الله ارزقنى الذريه الصالحه وكل محروم ولجميع المحرومين يارب .
اللهم يامقلب القلوب ثبت قلبى على دينك

أختي الحــزينه جزاك الله خيرا على هذا الرابط ..
والذي سبق وقرأته وأخذت ما يناسبني منه ولكن للأســف لا شيء يفيد مع زوجي ...

__________________

بثينه ... يا بثينه

هدي بالك ... وان شاء الله مع الدعاء والصبر على زوجك بتغير ..


وفقك الله وسدد على طريق الخير خطاك .

اختي بثينه نظر الرجال للمقاطع الجنسيه مشكله تعاني منها اغلب الزوجات وانا وحده منهم وسؤالنا ليش بسون كذا عانيت في البدايه حتى ضاقت على الارض بمارحبت وكرهت نفسي حتى ماصرت ابغى اطلع من البيت وجالسه على طول لوحدي نشرت مشكلتي مره واحد الاخوات اعطتني نصيحه الحمدلله فادتني كثير عليك بالدعاء في كل وقت بين الاذان والاقامه -السجود- في يوم الجمعه ادعي لزوجك بالصلاح(اللهم اجعله لي كما احب واحعلني له كما يحب) توكلي على الله واحسني الظن بالله وثقي برحمته فان الفرج ات وان طالت المده كان الله في عوننا

أصغر اخواني ..

أشكرك أخي أو أختي على ردج اللــطيف ...

بــارك الله فيك وجزيت خيـــرا ..

__________________

lavendergm

أختــي الغاليه أشكرك على ردج الجميل وأسعدكي الله في الدنيا والآخره وأسعدك مع زوجك وكان الله في عونك وعوننا على ما ابتلينا به ..

المشكله انه هالايام الوازع الديني لدى الشباب قام يضعف وااايد بسبب هالفسوق والقنوات الخليعه ..

هداهم الله وأصلحهم ..

وجــزاج الله خير ..

__________________

من خلال ما تكلمت به عن زوجك اريد اذا سمحت ان اقف معك هذه الوقفات:
اولا : انا لا اريد ان ادافع عن رجل عصى ربه
ثانيا: انت لم تقولي عما اذا كان محافظا على صلاته ام لا لان الصلاة هي زمام دين الرجل والذي لايصلي ليس له حظا في الاسلام " اي انه ليس مسلم وتحرم عليه زوجته المسلمه حسب رأي كثير من اهل العلم"
ثالثا: اذاكنتم من اهل الصلاه فالواجب على المسلمه ان تتحمل زوجها قدر المستطاع " اي اذا كان صبرها لا يؤ ثر على دينها"
رابعا : اذا كنت رضيت لنفسك ان تري هذه المشاهد نظر المتفحص فقد ارتكبت مثل ما ارتكب
خامسا: المفروض على المسلمه ان لا تكون عونا للشيطان على زوجها بكثرة الا نتقاد
سادسا: ان لا تسمحي لنفسك فيمن عصى الله فيك الا ان ترضي الله فيه لا نك مأموره بطاعة زوجك ولم تؤمري بأعادة تربيته
سابعا: اذا كان عمر زوجك اقل من 40 عاما وهو محا فظا على صلاته فتحري منه ان يتوب عن قريب ان شاء الله
ثامنا:حافظي على اسرار بيتك ولا تطلعي عليها اي احد قريبا اوبعيدا " ولا تثقي في احد فيما يخص بيتك وزوجك لانه لايرى ما تريدين ولكن يرى ما يريد هو "
تا سعا: تواضعي لزوجك واريه منك ان تودينه وتحبي ان تخدميه في ابسط الاشياء حتى يلين قلبه لك ويسمع منك
وأخيرا : تأكدي ان الرجال في هذا الوقت اغلبهم مثل زوجك الا من رحم الله . أعتذر على الا طا له وارجو ان لا اكون مخطئا ولكن الذي دفعني هو حب النصيحه فيما عرفت والله الموفق