السلام عليكم ورحمة الله وبركاته
أسـعد الله جميع أوقاتكم أعضاء منتدى الحياة الزوجيه الكرام
دائماً وكعادتكم سباقون لما فيه خيري الدنيا والأخره
وحلالون لمشاكل بعضكم البعض لا أستطيع ضرب مثل إلا أنكم كالجسد الواحد
إذا إشتكى منه عضو تداعى له سائر الجسد بالحمى والسهر
وها أنا أعود إليكم لطلب توجيهاتكم الصائبه وحنكتم الراجحه
فأسأل الله أن يكتب لكم الأجر

مشكلتي مع أخواني
انا أبلغ من العمر 20 سنه
ولدي إثنان من الأخوان الأولاد

ولكل واحد منهما طريقه ومشكله خاصه فيه
الأول يبلغ من العمر 15 سنه سأشرح لكم بعض صفاته
من بعد أن كان هادئ الى عمر 12 سنه تحول إلى مشكلجي الكل يشكيه
من بعد أن كان يستجيب لكلامي ويلقي له بال أصبح عنيد ويفعل العكس
من بعد أن كان خجول وتشتري منه الكلام صار جرئ وكل يوم يأتي بكلام جديد
كثير الكلام وكثير الحركه اصبح لا يبالي في أحد حتى والدي وامي
احياينا يسرق سيارتي ويخرج يفتر فيها واكثر من مره يسوي حادث
هالأيام طايح في حــب وغرام ولد من أقرنائه وفي نفس صفه
والمصيبه أن الولد هو اللي يحبه حاولت اشرح له انه شذوذ بس تفكيره اصغر
حاولت اقوله انتا مو حرمه عشان تنحب انتا رجاااااااال كيف ترضاها بس ما اظن نفع معاه
اسألته اصبحت كثيره ومشاكله اكثر واكثر حتى على ابوي صار يعانده
رغم انه كان يخاف من ابوي بشكل محد يتصوره وكمان ابوي من النوع الشديد في التعامل
اخر شي اشتريت له جوال عشان اعرف اهو وينه وبأأي مكان ؟
عشان على الأقل اذا تأخر الوقت اقوله ارجع او حتى اعرف وينه وبين فتره وفتره اروح اشوفه
في النهايه اخذ جواله وافتشه الاقي صور بنات وكمان ارقام بنات يدق عليهم
تخيلو 15 يغازل <<<===== والله حاله ..... لا والمصيبه وين !!! يقول لأبوي ابي اتزوج
يمنكن تحسبوني ابالغ بس وربي هذا كل شي بصدق والخافي كان أعظم وأعظم
بالنهايه رد ابوي وش يقولي ؟؟ إنتا اللي خربته !!! يعني كل اللي اسويه واحاول الحفاظ عليه
بالنهايه يلقي باللوم عليا لكن دائم الولد الكبير اهو اللي يتحمل أخطاء غيره








================================



الأخ الثاني
عمره 13 سنه بالأول متوسط هااااااااادئ كثيييييير
عملي بشكل كبيرررر يحب الفلوس بشكل جنوني وهذا سبب مشكلته
رغم صغر سنه لكنه مصيبه طبعاً ابوي يعطي الكل مصروف والكل يصرفه
اهو لا من يوم كان بالإبتدائي يجمع مصروفه وبدأ أول شي بالتجاره الخفيفه
اللي عطته مبلغ لا بأس به وكانت هالتجاره داخله في تجارة ابوي
بعدها صار تفكير تجاري بشكل فضيع لو يخيروه بين قتل اخوه او الفلوس لختار الفلوس وضحى بأخوه
هالسنه داخل في الأسهم مع ابوي وبفلوسه رغم انه هادئ جدا جدا جدا وما يغلط على احد
لكنه عصبي وكمان انطوائي لو شاف ابوي يعطي اخوي اللي اكبر منه فلوس عشان شغله
يقوله ليه وليه وليه كلنا عيالك وتعطيني وتعطي تركي مثل ما تعطيه وكمان تعطي البنات
طفشنااا هالأيام طلعت محفظه استثماريه وعطاني ابوي مبلغ كبير من المال
يوم عرف اخوي الصغير بأن ابوي عطاني مبلغ كبير بقى يبكي
ويهاوش ويقول لأبوي تركي بيسرق فلوسنا تركي نصاب تركي وتركي وتركي
بناء ابوي ليا بيت عشان اتزوج قريب رجع يقول لأبوي لا تظن اني بكبر وابني ليا بيت
انتا بتبني ليا بيت بفلوسك وتشري ليا سياره مثل تركي وكل اللي اخذه تركي انا باخذ زيه
رغم صغر سنه لكنه مصييييييبه
صار مشهور في عائلتنا على انه مصيبه ويلقبون بالتاجر الصغير
وكل هذا ابوي مبسووووووط منه رغم ان هالشي له سلبياته على المستقبل القريب
حاولت افهمه انو احنا اخوان والفلوس وسخ دنيا وما تفرق بينا بس ما قدرت
استشرت احد اولاد عمي الكبار قالي حرق دمه لين يتبلد احساسه وما عاد يلقي لها بال
صرت احرق دمه واقوله هالحينا بتزوج واسمي ولدي على اسم ابوي واخلي ابوي يكتب سيارته بإسم ولدي
صار يبكي ويهاوش ابوي يقوله لاااااااااااااااااااتزوج تركي مرررررررررررررررررررررره
ودايم يسألني كم فلوس بحسابك ويسأل ابوي كم رصيدك ؟؟








طلبتكم لا تردوني كيف اتصرف مع هالإثنين ؟؟؟!!!



اعلم ان هالموضوع مكانه الأصلي بقسم الأسره
ولكن اخواني مو صغار رضع عشان اكتبه بالأسره
وكمان موضوعي بمثابة توجيه منكم وهذا قسم التوجيهات
وكمان حتى يلاقي تفاعل اكبر









ودمتم بخير





أخــــــــوكم
،
،
،
تــــركـــي

__________________

أخوانك

مصبيه

بس الثاني مصيبته أهوووووووووووووون من الأول

الأول انتبه له ودير بالك عليه

هو يعاند ويصارخ لأنه بسن مراهقه

بس حط عينك عليه وانصحه بأن الشذووذ شي حرام وبشع

والله يهديهم

__________________

اول شي الله يخليكم ببعض ويجمعكم دووم على خييير
اخوك الاول انصحك انك تعيد النظر في اصحابه الي يمشي معاهم وصدقني متى ما تعدل الصديق بيتعدل الشخص معه
صحيح انه في فترة مراهقه لكن وصعه خطيير
اما اخوك الثاني ما شالله عليه حلو الواحد يصير تاجر ويحب التجارة لكن مو لهذي الدرجه هو توه صغير بس انصحك انه ما يتعود على نفس الطباع الي فيه الحين عشان تزيد حالته ويصير عبد الدينار علمه ان الفلوس تجي وتروح وان الفلوس اصلاا عشان الواحد يتمتع فيها مو يجمعها وانه اذا مات ومعاه ملايين الدنيا وهو ما صرف منها شي ولاا تمتع فيها وش بيستفيد؟؟ ومن هالحكي والله يعينك ويصلحنا ويصلح لك اخوانك ان شالله

على عجالة
بالنسبة للأول..
حاول ان تشبع الحب عنده في الاسرة واشغاله بالرياضة فهي خير شاااااااااااغل
اعانك الله

__________________

اخوي نصحيتي لك بالنسبه على اخوك الاول ليه ماتاخذه معك اذا جيت تطلع
يعني مرة من المرات قله بطلع مشوار تعال معي ووده عند مجالس رجاجيل عشان يتأثر

بعدين بالنسبه لا اخوياه ممكن تنقله لمدرسه ثانيه
او تغير الفصل حقه بالمدرسه


اما الثاني ياعيني عليه
الله يوفقه ان شاء الله

يعجبني تفكيره

شوف حبيبي مشاكل اخوانك هذه ما يحلها الا الاولاد لأننا مرينا بنفس مشاكلهم وخصوصا الأول
الأول : حاول تصاحبه وين ما تروح خذه معك وصير صديقه لا تحسسه انك اخوه الكبير وتحمل كلها سنتين ويعقل
وقوله ان كل اللي تمر فيه مرينا فيه قبلك وماذقنا وراه الا التعب وحاول تشغل وقته مثلا دخله النادي ركب له القنوات الرياضية اذا قدرت تشتري له كمبيوتر يكون أفضل وتركب له ألعاب ترى فيه ألعاب ممتعة جدا حتى الكبار يلعبونها
وانتبه له من الشلل والمقاهي وخصوصا أيام الاختبارات قربت
الثاني: مدري والله عن اخوك بس اعتقد حب المال شئ طبيعي بعدين هو لسه صغير وباين من كلامه انه لسه ما نضج
بصراحة اخوك هذا حالة نادرة ما اقدر افيدك فيه