السلام عليكم ورحمة الله وبركاته

من عدة أشهر لاحظت وجود لون داكن في المنطقه بين مدمع عيني و عظمة الأنف ... في عيوني اثنينهم

ما اهتميت في البدايه ... لكن الحين صاروا الناس يسألوني شو هذا اللي عندك؟؟

وفي ناس يظنوا انه كحل متلطخ ... و يتفاجأون لما أقولهم انه مو كحل ... وانه شي غريب ظهرلي من فتره!!

ممكن حد يفيدني .. شو هذا اللي صارلي ..

مع العلم اني أجلس أوقات طويله قدام شاشة الكومبيوتر عشان تخصص دراستي يجبرني أستخدمه وقت طويل

ممكن يكون السبب الجلوس قدام الكومبيوتر ؟؟؟

وشو العلاج ...



أتمنى ألقى رد هالمره خواتي و أخواني



وشاكرتلكم سلفا

__________________

...حمـــــلة مقــــاطعـة أمريـــكا...

حبيبتي


تلبسي نظارات


لانه احتمال يكون منها


واذا ما تلبسيها ياليت تروحي عند دكتورة


يمكن تعرف شي السبب


وتعطيكي علاج سريع وفعال


اتمنى لكي التوفيق حبيبتي ..........


تقبلي تحياااااااتي ........

عندي نظارات ... سويتهم من 5 سنوات تقريبا بس ماألبسهم ... تاركتهم

لأنهم للصداع بس مو أكثر ... نظري طبيعي ... بس أحس بزغلله لما أركز على شي قريب وماأقدر أشوف من بعيد

بعد كذا ... مؤقت و يروح ...


شكرا أختي على ردك


بصراحه مادري ليش خايفه أروح للطبيب!!

ودي احد يطمني ... ويوقلي اذا عنده نفس اللي عندي ... الله يبعد عن الجميع كل سوء

__________________

...حمـــــلة مقــــاطعـة أمريـــكا...

اختي انا اتوقع والله اعلم انك مصابه بفقر دم روحي شوفي نسبه الهموجلوبين بدمك ..

وممكن لجلوسك طويلا امام الكمبيوتر والسهر ..

واذا قصدك علاج لاسوداد هالة العيون ..

هـاك حبيبتي جربيهـا ..

احسن طريقة لتخفيف الهالات السودا اللى تحت العينين :

هي كمادات الخيـار حطي شريحة خيار فوق عيونك لمدة 15 دقيقة وداومي على هاذي الطريقة ..

وفي خيارات ثانيه نية لها نفس النتيجة

1 _ كمادات من عصير الخيار ضيفي لها قطرات من الليمون ..

2_ كمادات شرائح البطاطس ..

3 - كمادات عصير النعناع ..

4 _ كمادات شاهي دافي 10 دقايق بعدها كمادات شاهي بارد لمدة 5 دقايق ..

اذا كانت الهالات غامقة ادهنيها بهذا الخليط :

ملعقة صغيرة زيت لوز + ربع ملعقة صغيرة عصير النعناع .. قبل ماتنامي ..

والاهمـ من هذا حبيبتي تبعدي عن الاجهاد وتنامي وقت طويل وتاكلي اشياء فيها حديــد ..

اتمنى اكون افتدتك ..

وطمنينا ..

مشكوره اختي ... بس هذي مو هالات ... لأن ماعندي هالات الحمدلله

لأني أكثر من شرب الماي ... هذا لون داكن بالمنطقه اللي بين المدمع وعظمة الأنف

وآخر مره سويت فحص هيموجلوبين كان 12.4 يعني ممتاز ... وانا ما نحيفه ... الحمدلله وزني مثالي بالنسبه لطولي


بس يمكن الهيموجلوبين يكون تغير ... لأن من زمان سويت الفحص

وبصراحه انا قليل اكل شي فيه حديد ... يعني الكبده و الخضار ... قليل ما آكلهم


على العموم راح أعمل بنصيحتك وألف شكر عزيزتي

__________________

...حمـــــلة مقــــاطعـة أمريـــكا...