قررت أن لا أتزوج - الصفحة 3 - منتدى عالم الأسرة والمجتمع

27-03-2006, 06:28 AM

عضو نشيط

تاريخ التسجيل: Nov 2005

المشاركات: 187

الله يهديك لماذا تتكلمون علي البنات وكانهم بضاعه وتشبوهنا بالسيااره

بعذر الله فيكم انتو ماقدرتوها كاحرمه نص الفلوس علي الغرض عشانكم عشان تكشخ قدام زوجها

انت من البدايه قاعد تساوم وربي حرام قدرو الحرمه والفلوس كلها بترجعلكم وان ماعجبتكم وطلقتها لاسمح الله بترجعلك المهر اصلا هذا انتو همك فلوسكم وتبونها هي ماتهتم انتو غيرو تفكيركم انتو داخلين علي زواج مو

تجاره فكرو ولافيه بنت ترضى تزوج واحد مايقدر يصرف عليها بالمستقبل لازم تضمن نفسهاا بذات اذا هي متعوده علي شي ويجي واحد ويعيشها عيشه مدري كيف هي بعد تشوف غيرهاا
ومثل مارجال يتشرط يحق لها تشرط وترا مو كل البنات بعضهم عادي لكن اهلهم يخافون عليهم
وبعدين انتو لازم يورنكم الاهل العين الحمراء ماتجون بالطيب هذا انا رضيت بالخمسين مع ان المهر عندنا 100 قلت اهم شي انه رجال ويصلي ولكن هذاني ملكت وابي اطلب الطلاق شفنا طيبين وربي قام مدري كيف من جد يقهرلازم الابو لما تجي تخطب يوريك العين الحمراء من جد ماينفع معكم الين اقولها عن ترجبه وعاد اصابع اليد مو سوا
والنصيب بيجكم وكل واحد ماياخذ غير نصيبه وانا عن نفسي لو يجيني واحد يعيشني بعشه بس واثقه انه بيسعدني وبيدلعني والله اخذه اما لا فلوس ولا دلع قهر صراحه
ادري طولت والله يوافق الجميع ولاتستعجلون النصيب بيجك ان شالله ..

27-03-2006, 06:39 AM

يعجز الصبر عن صبري

عضو نشيط جدا

تاريخ التسجيل: Feb 2005

المشاركات: 1,279

اخي الكريم الحمد لله ...
كثير من الشباب يشتكون من الأهل والبنات ... وصحيح فيه كثير من اللي تتكلم عنهم ...
لكن في المقابل حتى في الشباب ايضا فيه اللي مايعجبهم العجب ...
مثلا انا شروطي قليله واقل من القليل .. وكل اللي يتقدمون مافي على لسانهم الا كلمه مانبغى الجمال ولا وظيفه ولا شهاده ولا شي غير الأخلاق والدين ...(مع الملاحظه انهم قبل مايتقدمون نخبرهم بكل صدق اننا مانملك جمال ))
وبعد الخطبه والأٍتعداد يتراجعون بحجه مافي نصيب ....
اخي الكريم ...
شباب كثير يشتكون من المشكله هذي .. لكن مو كثر البنات اللي مسببه لهم المشكله هذي ازمه ...
لان العمر يركض .. والسن مهم بالنسبه لهم ... لكن الشاب يقدر يصبر ولا يهتم لمسأله السن .. وهذي نقطه في صالحك ..
وابي اعلق على جملتك هل البنت تستاهل المهر هذا ونصفه او ربعه ...
اقول لك .. نعم .. تستاهله وتستاهله وتستاهله ... وحتى لو شفت انها ماتستاهله بعد الزواج لعدم الأخلاق او قله الدين .. المهر مو مقياس للأشياء هذي .. المهر حق وحق وحق للمراءه ايا كان نوعها ... ومو معقول نقدر الأشياء هذي بالمهر ... المهر حق .. حق .. حق .. وليس مجال للمفاضله او المزايده والقياس بغض النظر عن كميته او نوعه...

__________________

سأصبر حتى يعجز الصبر عن صبري

واصبر حتى يأذن الله في امري

واصبر حتى يعلم الصبر انني صبرت

على شئ امرّ من الصبر

من مواضيعي

دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

27-03-2006, 06:39 AM

يعجز الصبر عن صبري

عضو نشيط جدا

تاريخ التسجيل: Feb 2005

المشاركات: 1,279

عفوا نسيت اقول لك الله يرزقك الزوجه الصالحه اللي تستاهلك وتسعدك عاجلا غير اجل ...

اللهم امين

__________________

سأصبر حتى يعجز الصبر عن صبري

واصبر حتى يأذن الله في امري

واصبر حتى يعلم الصبر انني صبرت

على شئ امرّ من الصبر

من مواضيعي

27-03-2006, 07:08 AM

مشكلتي اصدق

قلب المنتدى النابض

تاريخ التسجيل: Jan 2006

المشاركات: 3,893

الله يوفقك...........زي ما انتم يا الشباب ترفضون فكمان البنات يرفضون من الشباب......اختي رفضتها وحده بعد ما شافتها .....بتضحك ويمكن تبكي......لان عيونها مو زرق..........ههههههههههه.......اي والله.........اخوها عايش في البوسنه ويبي سعوديات بجمال البوسنيات......والمشكله انها مدلوله علينا......شكل اللي دلتها عميا.......واختي مسكينه جاها احباط لان مو سهل البنت تنرفض......بس الحمد لله الموضوع عدا وصار له اكثر من سنتين واخينا لا يزال يبحث عن العيون الزرقا يتزوجها......الحمد لله والشكر.......

__________________
[/IMG]

27-03-2006, 03:39 PM

غلا 2005

قلب المنتدى النابض

تاريخ التسجيل: Dec 2005

المشاركات: 2,206

أنا برأيي مو مشكلة تؤخر الزواج الى السنة الجااااية
لفائدتين هما
1 ــ تجمع فلوس و حاول تقتصد و إذا عندك وقت مو مشكلة أشتغل شغلة ثانية .. الله يعينك
2 ــ لآعطائك فرحة للبحث عن الزوجة الصالحة ..اللي تسعدك و تهنيك والله ييسرك لك الأمور

تذكر أن من يتقي الله يجعل له من أمره محرجا و يرزقه من حيث لا يحتسب ..فالله كريم بس يبغى لنا شدة الحيل و مجااهدة النفس في الدعاء والاستغفار و تحسين الصلة بالله ... و تذكر أن الإنسان أي إنسان (( لقد خلقنا الإنسان في كبد ))
يعني الرااااااااحة الحقيقية والداااااااائمة هي : هناااااااااك أي في الأخرة ... نسأل الله أن يحسن خاتمتنا يارب
نستغفر الله ... نستغفر الله ... اللهم تب علينا

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

27-03-2006, 06:58 PM

um soso

عضو نشيط جدا

تاريخ التسجيل: Jun 2005

المشاركات: 284

الله يرزقك الزوجه الصالحه أللي تسعدك
وتعفك عن الحرام!!

__________________
سبحان الله وبحمده سبحان الله العظيم

27-03-2006, 07:30 PM

شوبارد

كبار شخصيات المنتدى

تاريخ التسجيل: Jan 2006

المشاركات: 5,397

أخوي صراحة تضايقت بتشبيهك للبنت بالسيارة والبضاعة مع انك صادق على فكرة بس قههههههر

لكن مالومك بس مالومك شوي مو كثير

اخوي اولابسألك سؤال وجوابك بيحدد كلامي.. راتبك تقريبا كم؟؟ يعني يتراوح بين كم وكم؟

الشي الثاني اخوي البنت في المجتمعات الثانية في الغالب ماتتزوج الا واحد عارفة أطباعه وصفاته وحركاته ومرتاحة له وتحلم ليل نهار فيه صح؟؟
لكن بناتنا غير اعطيك مثال انا مثلا اذا تقدم لي واحد ماعرف عنه ولاااااااااااشي الا يصلي وراتبه ودرسته واسمه بس!!
ويقول الوالد شكله ابن حلال بس ترانا ماندري عنه!! أسألك بالله هذا الشي مايدخل الخوف والرعب بنفس البنت
بحياتها ماعرفت غير اخونها وابوها وفجاة بتروح لرجل ماتعرف عنه شي!! لاتلومها تلقاها تقول اضمن نفسي بالمال شوي لو مارتحت للرجال والمال ماأقصد التجارة لاااااااااا
اقصد رجل مقتدر يعني مثلا راتبه مايقل عن 6000 الاف ريال

وترى الحياة صارت صعبة والدنيا تغيرت وربي معي وحدة بالدوام راتب زوجها 3000 الاف وهي 2000 ارحمها احسها عايشة بعذاب ماكنها بنت بأول عمرها وتحسب زوجها مقدر هالشي؟؟!! لاتطلع لاتلبس لاتسافر ودايم زوجها ينحس الناس ويحسسها انه محروم وهي مالها علاقة. وكل ماشاف وحدة بالتفزيون او وحدة من محارمه كاشخة ومتزينة قال الله يخلف علي ماشوف هالشي فيك؟!! تصور؟؟
والذنب ذنبه هو هي مالها علاقة

ادري بتقول طيب الرجال بياخذ وحدة مايعرف عنها شي.. الرجال يعيش وله فرص متى مابغى تزوج
لكن البنت غيييييييييييييييييير تماما

وبعدين اخوي مو كل الاهالي يتشرطون ابداااااااا بس صدقني نصيبك مابعد جا
الله يرزقك بللي تريحك وتسر عينك يارب

__________________
اللهم لك الحمد والشكر
"ولئن شكرتم لأزيدنكم"

27-03-2006, 07:42 PM

الألمعية

عضو نشيط جدا

تاريخ التسجيل: Feb 2006

المشاركات: 790

حراااااااااااااااااااااااااااااااااااااام تظلمون بنات الناس

إذا أبوها اشترط مهر معين مومعناها هي راضية بهالشئ

وبعدين يكون بعلمكم إن المهر ولا10% يروح لحاجتها الشخصية والباقي
تشتري فيه مواعين ومفارش وتحف وورود ومكنسة ومكوى وغسالةومدري إيش لو أعد إلين بكرا ماخلصت

طبعا تختلف عوايد الناس عن بعضها
لا وبعض الرجال إذاتزوج قال وين أغراضك بس هذي؟؟
وينسى هو كم دافع؟؟
وأحيانا تكون دافعة زيادة من جيبها وهو مو مقدر
طبعا موكلهم ماأعمم
والحمدلله ربي رزقني زوج مو من هالصنف

__________________

27-03-2006, 09:22 PM

}{ وهج }{

عضو نشيط

تاريخ التسجيل: Oct 2004

المشاركات: 142

.

اسمحلي اخوي قرارك خاطئ

كيف تقرر ماتتزوج لين تجمع المال

طيب إلى متى ؟؟

لاتيأس واستمر في البحث وبنفس الوقت اجمع المال

ولاتنسى الدعــــــــــاء الدعاء واستغل أوقات الإجابة

بعدين كيف تقول رافضين يزوجونك وانت تملك المواصفات هذي كلها

والله أستغرب .. واحد مثل مواصفاتكـ مايفوت ..

كيف تقول ان الكل يرفض ويبحث عن المال .. طبعاً مستحيل ..

العوائل كلها مو زي بعض .. والكثير يبون يسترون بناتهم

طيب حاول تبحث في منطقة ثانية غير منطقتكم .. يمكن تحصل

انت استمر في البحث ولاتيأس من رحمة الله

ولاتنسى الدعاء في جوف الليل

الله يوفقك ويسترعليك ويرزقك الزوجه الصالحة اللي تعينك على امور الدين والدنيا

.

27-03-2006, 10:08 PM

#10

Fajer202

قلب المنتدى النابض

تاريخ التسجيل: Dec 2005

المشاركات: 1,248

أخي لاتحكم على الجميع ياما بنات تزوجوا بمهور قليلة جدا ورضوا .. أخي إدعي الله ان يرزقك بالفتاة الخلوقة التي تستاهلك والله يوفقك ان شاء الله

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه