والله ماادري كيف اقول مشكلتي بس شكلكم بتقولون طفشتنا هيا ومشاكلها
انا مالي بعد الله الا انتم اشكي لكم والله اني مشتركة في منتديات كثير بس ماارتاح اكتب غير هنا مع ان زيارتي قليلة للمنتدى هذا بس ارتاح لنصائحكم كثير

خطيبي استاجر شقة ووعدني يعمل فيها تعديلات وقعدنا اسبوعين نحلم بنعمل كذا وكذا وكذا


بعدين كلم اهله ومارضيوا يخلوه يسوي اللي قال عليه وعلى فكرة هو يقدر انه يعمل لو دبر فلوس التعديلات

واتصل علي وقلي وهو فرحان انه خلاص ماعاد يبغى يسوي ولا شي من اللي قاله


انا جاتني زي الصدمةوحسيت الدنيا مشتية والله صرت مصدومة وعصبت بالمرة عليه

الحين انا تسدت نفسي عن الشقة وعنه وعن الكلام معاه بس احاول اجامله واكلمه بس من غير نفس حتى هو حاس انه مالي نفس اكلمه

من جه اقول ان السبب ماله داعي وبعدين نعمل اللي نبغى نسويه
ومن جه ارجع اقول دامه يعرف نفسه انه لو اهله قالوا له لا ماراح يعمل شي ليش يقعد يوعدني ويفرحني ويخليني احلم

والله صار في زي اللي يجيه واحد ويعمل له من البحر طحينة وهو يصدق ويفتح فمه يبغى ياكل ومايلقى شي

عن جد مقهورة منه وكل ماجلست مع نفسي وتذكرت كلامه تقهرت بالمررررررررررررة انه ليش حلمني وهو ماهو كفو


انا الحين قفلت الموضوع معاه معاد رضيت افتحه ولا عاد رضيت اتكلم فيه بس كلامي صاير معدود معاه لاني اسبوعين ونحن كله نتكلم عن الشقة والفرش وووو وبعدين على حاجات تافه ماراح تخسره شي اهله وقفوا وقالوا له وهو على طول ماصدق ياليته دافع عن الفكرة ياليته انه فكر يدبر دخل ثاني او احد يساعده وهو موظف ويقدر يتسلف
بس اكثر شي قهرتني كثير سلبيته وبرودته

شوروا علي كيف اقدر اتجاوز هذي المشكلة لانها صارت زي الحجرة قدامي كل ماحاولت احلم بشي للمستقبل قلت بكرى لو اهله قالوا له لا راح يكنسل الفكرة على طول واهتزت صورته في عيني كثييييييييييييييييير وصرت مااحس باحترام له مع اني الحمد الله عاقلة - وماامدح في نفسي - والمظاهر ماتهمني واعرف انه لو شي ماصار الحين ينفع نعمله بعدين
بس موقفه السلبي عمل زي الزلزال ليا
وانا الحمد الله شخصيتي قوية ولو حبيت اسوي شي ادرسه واسويه وهو بس يشاور اهله واهله طبعا جوابهم لا في اي شي فيه خسارة لولدهم

وللعلم اهله يقربوا لنا كثييييييييييييييييير

آسفة على ازعاجكم والله

أختي الله يعينك اولا
عديها الى ان تتزوجو وبعدين بيصير البيت بيتك ومن حقك تسوين بيه اي تعديلات وبصراحة كثييييييييييييييييييييييييييير اخالي يستخسرون الشي الزين في بنت الناس بس مع الاسف ليش زوجك يسمعلهم والبيت بيته والحياة حياته؟

__________________

	سبحان الله والحمد لله ولا اله الا الله

الله يجبر بخاطرك اختي نهارين

انا عادي بعديها بس المشكلة انه البيت حلو لما تدخله العروسة ويكون مرتب حتى لو مافيه عفش ماهو مشكل بس يعني حاجات بسيطة ولمسات جمالية تخلي البيت حلو
والمشكلة انها ماراح تكلف حتى 4000 يعني حاجات بسيطة

بس الله يسامحه ويسامح اهله والله ساعات يكون نفسي ادعي عليهم وارجع وابطل لانهم قريبين ليا مرة

واللي قاهرني هو ليش يسمع لهم ليش مادافع عن حلمه وهو كان يقول بيتنا ومااحد له دخل فيه
ليش سكت وفرح كانه كان منتظرها منهم او زي اللي كان مستنيها

ايش رايك خلاص ماعاد اتدخل في البيت واخليه ولا ايش تنصحيني؟

لا تزعلي مني حبيبتي... بس لا تحمليه فوق طاقته....

وبكره لما تصيروا في البيت مع بعض... بتكون الكلمه الأولى والأخيره لك دون تدخل أهله...

من الجيد أنك أبديت إمتعاضك من الموضوع...

بل كان المفروض تفضفضي وتقوليله بأسلوب بسيط (فقط لإيصال المعلومه له ) "إنت وعدتني... شو تغير في الموضوع وخلاك ما بدك تسويلي اللي إتفقنا عليه؟"
عشان يحس إنه لك رأيك إنت وهو و لازم ما يتخلى عن إتفاقكم...

وديري بالك من أهله... لأنه إذا فكروا إنك قويه وشخصيتك أد حالك رح ينبهوه ويكلموه عنك..
بالتالي.. خلي المركب تسير بهدوء و رويه حتى يتم الزواج على خير إنشالله ولما تصيري في بيتك... سوي اللي بدك ياااااه

الله يسعدك

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون

أختي الفاضله
لا تأخذين الامور بحساسيه زياده
واصبري على خطيبك حتى تتزوجون وعطيه فرصه وبعد الزواج تعملي ما تريدين
وجدي العذر لخطيبك يمكن يريد يسايس أهله حتى يتزوج .

والف مبروك والله يجمع بينكم في خير

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

اختي لسى وراكم زواج


ومصاريف سفر


اقتصدي ولاتجبريه يتسلف


واعيشي حياتك ببساطه

بدون ديون وهموم

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

الحين وين المشكلة


يعني ضاقت بك الدنيا علشان شقة وأثاث


يابنت الحلال

الفرحة بالقلب مو بالشقة والمظاهر والقصور والطقاقات وخرابيط



بعضكم يقول ليلة في العمر


طيب وش يضمن لكم انكم تستمرون يابنات

يمكن الوحدة تتطلق
أو زوجها يتزوج وحده ثانية


ترى القناعة حلوة والأحلى أن تعرف البنت أن المظاهر ما راح تستفيد منها شي

بتقولون الناس راح تتكلم عن زواجنا

أقول الناس ما راح تجيب لكم السعادة ولا راح تطرد عنكم التعاسة
وما راح يتحمل المصاريف والشقى والهم والديون إلا الزوج المسكين




أنا كذا

انا فهمت ان اللي مضايقك ان خبر اهله عن التعديلات اللي كنتى ناويه اتسوينها بالشقه

يا اختي اذا كانت هذة هي المشكله اقعدوا قعده حلوه وصارحيه انك متضايقه من هالسالفه ان مو كل صغيره وكبيره يدخل اهله ولازم تصبري يا اختي على هالحركات حتى يعرف طبعك وتعرفين طبعه ولا تضايقين نفسك

[QUOTE=dand00n]لا تزعلي مني حبيبتي... بس لا تحمليه فوق طاقته....

وبكره لما تصيروا في البيت مع بعض... بتكون الكلمه الأولى والأخيره لك دون تدخل أهله...

من الجيد أنك أبديت إمتعاضك من الموضوع...

بل كان المفروض تفضفضي وتقوليله بأسلوب بسيط (فقط لإيصال المعلومه له ) "إنت وعدتني... شو تغير في الموضوع وخلاك ما بدك تسويلي اللي إتفقنا عليه؟"
عشان يحس إنه لك رأيك إنت وهو و لازم ما يتخلى عن إتفاقكم...

وحب انصحك تحسني الظن في زوجك وفي اهله
ولاتأثر فيك امور بسيطة لانة بعد الزواج راح يكون دورك اقوى
خليك العاقلة ولاتبدأي بالمقارنة مع اهلة من هالحين
الله يسعدك

__________________
m s s h q