تعالوا قولوا لي ما رايكم فيني .. وهل كلام زوجي صحيح ولا لا ؟؟؟
اولا السلام عليكم ورحمة الله وبركاته ...
راح ابدا على طول في سالفتي <<< ما راح اقول مشكله لانها ان شاء الله ما توصل لمشكله ....
انا متزوجه من سنتين .. ولله الحمد مرره مرره مبسوطه وسعيده مع زوجي ... بس فيه شئ واحد يضايقني من زوجي ..
وهو انه من فتره لفتره يعرض علي اني اسافر لاهلي علشان نشتاق لبعض .. ويقول انه لازم كل شهرين ثلاثه نبعد عن بعض على الاقل 5 ايام ..وانا كلامه هذا مره مره مره يجرحني ... وحاولت افهمه بس مافيه فايده مصر ان كلامه صح واني انا حساسه والموضوع مايحتاج ازعل .. انا احيانا لما اروح واسمع كلامه واسافر .. انتظر منه كلام شوق بس للاسف يقول انه ما يعرف يتكلم بكلام حلو .. طيب انا وش استفدت من روحتي ..واحيان ابكي وانا اكلمه او لما يطلب مني طلب زي هذا ... وهو وقتها يتراجع عن طلبه .. بس ما يترك عادته ...لكن لما يجي من السفر فعلا القاه مشتاق ويقعد طاير فيني كم يوم ووقتها يقعد يقولي شفتي كيف الشوق حلو ويجدد مشاعرنا ..وانا ما عندي اعتراض بس الي يضايقني انه هو الي يطلب مني .. ليش ما يخليها للظروف ان ابعدتنا كويس وان ما كان فيه ظروف يسكت ..
وبرضه لما نروح للمدينه الي فيها اهلي واهله ...طبعا انا احاول اقسم وقتي هنا وهناك .. بس يكون عند اهلي اكثر ..ورغم كذا مو عاجبه.. مهما طالت مدة جلستنا ..يعني برمضان الي فات جلسنا شهر ..وهو ولا مره طلبني اجي .. ولوجيت عندهم لما تكلمني امه وتعزمني القاه بعد الفطور يقولي تبين ارجعك عند اهلك ومره يصدمني كلامه هذا ..طبعا انا اقوله لا بنام عندك..لاني اتفشل من اهلي واحاول قد ما اقدر ما احد يحس بالي مضايقني وقد ما اقدر ابين لهم اني مو متضايقه من تصرفه او اني انا الي ما ابي اروح له .... واذا بتقولون لي صارحيه .. صارحته وبينت له اني اتضايق بس ما فاد معاه ... والمشكله ان ابوه كذا وهو جدا معجب بأبوه وافكاره ..وانا امي وابوي مرررره رومنسيين واذا غاب واحد عن الثاني يوم ماتتخيلون كيف يتعبون .. وهو يقول لي اني متأثره بابوي ورومانسيته وانه ماراح يكون زييه ...
والحين صرت اتعمد اطنشه كثير .. مع اني اتعب نفسيا لاني مرررره احبه ومتعلقه فيه وصرت احول ابعد عنه حتى واحنا بالبيت صرت اتعمد ما اكون معاه على طول ..علشان يحس بوجودي.. والي صدمني مرررررررررررررره انه قالي ان التغير الي سويته مررره حلو وحلو واني صرت افهمه واعرف وش يبي ..
ملاحظات ...
انا متأكده ان زوجي يحبني ... ويحبني مره مره مره ...والمس هالشئ بتصرفاته الثانيه ..
واتوقع السبب ابوه واعجابه فيه .. وكون زوجي عاش 10 سنوات عزووووووووووووووبي بلحاله وبمدينه ثانيه غير الي فيها اهله بحكم شغله .. وانه يكون اتعود على حياه يحب يسترجعها من فتره للثانيه ..
واخيرا ... مسألة الثقه انااااااااااااااااااا جدا واثقه فيه واستعبد اي فكره انه يكون يبي يبعدني عنه علشان يأخذ راحته ..
وبرضه انا جدا جدا جدا اهتم فيه وعمرررررررررري شفتوا عمرررررررري ما قلت له لا ابدا مهما كان طلبه حتى لو يضايقني اسوي الي يبيه ... وهو بعد ما اظلمه نادرا مايقول لي لا لاي طلب مهمها كان ...
اللي ابي اعرفه ..
هل كلام زوجي صح .. بس طريقته في التوصيل خطا ...
او اني حساسه .. واني لازقه له ولازم ابعد شوي ...
اتمنى مشاركاتكم ...
ام فهووووووووووووووووودي
09-03-2006, 02:13 AM
ضوابط المشاركة
العرض الشجري