ارجو ان تفيدوني بنصايحكم ...............والله احترت
السلام عليكم
والله احترت يا اخواني ومني عارفة كيف اتصرف ما لقيت غيركم اشكيلكم همي واتمنى انكم تفيدوني وتنصحوني
انا متزوجة تقريبا سبع سنوات وعندي ولدان وبصراحة والله ما اقدر انكر زوجي هو رجل محب وسموح ويحبني وبعمرو ما سبني ولا شتمني بالعكس دايما كان هو السموح يعني عندو الصفات كل وحدة تتمناها والحمد لله عشنا مع بعض مرتاحين ومبسوطين مع العلم انا كمان احبه واموت فيه وما اقدر ازعلو هو حبي الاول بس ربنا ما خلق حدا كامل رغم كل حسناتو زوجي عندو شغلة ابدا منا حلوة اولا زوجي قليل الكلام لا يحب الدخول باي احاديث ليس معي فقط مع الجميع ولكن الحمد لله استطعت تغييره قليلا وصار يتكلم معي لكن المشكلة ليست هنا لاني تعودت على طبعو بس المشكلة يا اخوان ان زوجي لا يحب ان يتكلم عن عمله ابدا يعني ما بحبني اساله مثلا كيف كان شغلك اليوم او اي شي عن الشغل طبعا نا احترمت رغبتو وما عدت اسالو لاني بقول لنفسي طالما هو منو مقصر علي وعلى اولادي الحمد لله هو كريم منو ضروري انا اسالو وازعجو فتركتو هو حر بشغلو لكن يا جماعة اللي قاهرني ان كل فترة اسمع عنو من امه او زوج اختو انو مديون لبعض الناس واكتشفت ان زوجي من النوع اللي يحب يتدين من الناس وما بحب يرجعلهم فلوسهم بالموعد اللي بيوعدهم فيه هو ما بياكل حق الناس لكن يماطل بالدفع وطبعا حتى لا نعيش مديونين دائما كنت اوقف معو وادفع للناس من مصروفي اللي اكون شايلتو على جنب لوقت العوزة حتى مرة بعت سيارتي كرمالو من اجل ان نرتاح من الدين والحمد لله ارتحنا واشترينا بيت وبدانا تاني من الصفر وطبعا الحمد لله على كل شي لكن بصراحة البارحة تفاجات وصعقت بعد ما عرفت ان هناك شخصان لهم عند زوجي فلوس وكل ما يطالبوه يقلهم بعدين وهلا مني قادر طبعا الناس زهقو على كتر ما يطالبوه فراحو لزوج اختو باعتبارو بمون عليه وخبروه وطبعا زوج اختو خبر امو وامو خبرتني فحماتي كان معها فلوس فدفعت لواحد منهم اما التاني لسا طبعا انا انقهرت والله تعبانة شو بدي اعمل وانا عارفة زوجي ما عندو مال حتى يوفي دين الرجل التاني فجمعت كل ما عندي مال وحق سيارتي التانية كمان بعتها عاساس نغيرها واجا زوجي واعطيتو ياهم فرفضهم وقللي خليهم لنفسك اشتري سيارة لكن انا ما قبلت وهو كمان عند وما اخذهم وانقهر لاني عرفت طبعا انا قلتلو ان ما بتفرق معي الفلوس واقدر اصبر بلا سيارة لحد ما الله يفرجها برضو ما وافق وانا اقدر ادفع الفلوس من وراه لكن خايفة ان يعمل مشكلة لان حذرني من دفعهم لانه بيعرفني فانا مني عارفة ايش اعمل ادفع الفلوس وارتاح من دينو بدون معرفتو ولا ما ادفعهم واتركو بس والله ما احب زوجي يتبهدل ادام الناس من اجل الفلوس مع اني عارفة ان حتى لو دفعتهم رح اتفاجا بعد فترة ان عليه دين لحدا غير لان اللي فيه خصلة ما ببطلها فايش رايكم ارجوكم ردو علي وادعولو ان الله يبعدو عن الدين هيدا المرض الملعون ومستنية ردكم الله يخليكم لا تبخلو علي
شكرا لك اختي lolo y على ردك لكن والله اني جلست معو وهو بيعرف منيح ان ما في فرق بين مالي ومالو لكن كل ما اتكلم معو بالموضوع يقلي عم تخليني عصب اكتر واحقد عالرجل اكتر مع اني والله اكلمو بكل رواق وحب بس ما بعرف ليش بيتصرف هيك يمكن بيخجل مني والله ما بعرف بس انا بدي اعرف شو رايكم بدفع المال للرجل وارتاح من الدين او اتركو لوحده يخلص مشاكله الله يخليكم ساعدوني وينكم يا اعضاء لمنتدى والله اختكم تعبانة ودمتم لي