كثير من النساء وخاصة المتزوجات ..... يقعن في هذا النوع من الحب


حب الامتلاك والسيطرة .. فهذا النوع من الزوجات يكون عندها رغبة شديدة في امتلاك
المال والذهب والاشياء الثمينة .. وشراء الاشياء التي لا تحتاج لها ..
ظنا منها ان هذا يعطيها الامان .. ومن خلاله تستطيع السيطرة على زوجها ..
وهي في هذه الحالة لا تدري انها تقلل من ثقة زوجها بها وتهدد حياتها الزوجية ومستقبله
للخطر ..
وكثير من الازواج المساكين مرغمين على تلبية طلبات الزوجة الزائدة عن الحد
حتى لا تنقلب سعادته الزوجية الى تعاسة .. لان سعادة الزوج يتوقف على عوامل كثيرة
للزوجة الدور الاكبر فيها ..
وللاسف !! هذه الافكار السيئة والمريضة .. تورثها بعض الامهات لبناتها ..
زاعمة ان الزوج قد يطلقها او يرمي بها في الشارع ..
هذا النموذج من الزوجات لا يمكن ان تنجح في حياتها ولا تستمر سعادتها
لانها في يوم من الايام لا بد ان تهب عاصفة تحول حياتها وسعادتها المزعومة
الى تعاسة دائمة ..
من تربت على حب الامتلاك والخوف من الزمن .. نجدها تعاني من عدم الثقة
بنفسها .. وعدم الثقة بغيرها !!!
مثل هؤلاء الزوجات .... علت على وجوههم غشاوة .. وعميت عيونهم عن ادراك
حلاوة الزواج .. واصبح لديهن المال والامتلاك والترف هو قمة السعادة ..
فمسكينة هذه الزوجة .. التي قدر لها ان تكون من هذه النوعية ....
وبالتالي مسكين هذا الزوج الذي رمى به القدر ليتزوج من هذه النوعية ...


،،، وآسف على الأطالة،،،

قلب الجليد

موضوع في غاية الأهمية

كثر هن الزوجات اللاتي يصبهن هذا المرض ......................

ولكن ليس حب التملك لالالالالالالالالالالالا

إنما الخوف من المستقبل ................زوهذا في رأي العنوان الأصح

فالزوجة لا تفعل هذا إلا خوف من المستقبل ............يعني تطلق وتبقى بلا شئ

هؤلاء الزوجات مسكينات صاحبات عقول ضعيفه ونظرة سوداء للمستقبل

اعرف صديق لي عايش مع زوجته في سعادة .......................

زوجته الأن تريد ان تكمل دراستها وعامله مشاكل كبيرة ، ولما جلس معها

وصارحه ليه العودة للدرسة واحنا عايشين في سعادة ...............

قالت : انا ايش يدريني يمكن تطلقني وبعدين ايش اسوي خليني اخذ شهادة

تنفعني ...........الزوج وقف مبهوت أمام هذا التفكير الغريب .

حقيقة هناك افكار غريبة من بعض الزوجات ...................

ولكن هذا لا يمنع وجود شريحة عاقلة متفاهمة تعيش حياتها بكل سعادة وراحة

تحياتي

__________________

أشكرك يا أخ رومنس على ردك
ودائما أحيي فيك ردودك الجادة و المفيدة و صراحة ردك افادنا أكثر من موضوعي
وياليت يكون هذا غيض من فيض ،،،

الله يعطيك العافية

فعلا بعض الزوجات يفكرون بطريقه عجيبه

انا اعرف واحد من الشباب وافق على ان زوجته تعمل بعد اصرار منها وقال يعني تخفف علي مصاريف البيت او على شان يتحسن مستوانا وبعد فتره ما لاحظ اي فرق على حياته وقال لها وين تودين راتبك؟؟

قالت جالس احطها عند امي على شان اذا طلقتني يصير لي شي وما احتاج لاحد

والله فعلا تفكير عجيب

موضوع فعلا مهم....اشكرك على طرحه الــجــلـ قلب ـيــد

اعتقد ان الزوج يستطيع ان يساعد زوجته على التخلص من هذه الأفكار بالقرب منها أكثر واعطائها المزيد من الحب حتى تشعر بالأمان
يشعرها بأنها حبيبته للابد مهما صار بالاقوال والأفعال
فالمرأة اذا شعرت بانها الوحيدة المتوجة على قلب زوجها
ستطرد مثل هذه الاشباح

أشكر للأعضاء الفعالين كشكول و توت بري على ردودهم الجميلة ...
وأريد أن اوضح ان الثقة الكاملة عندما تتعطى للزوجة ينتهي عندها حب التملك و السيطرة في الزوجة
فهي تريد ان تعرف كم تأخذ راتبا و اين تصرفة وكم بقي منه و اين صرفته او تعطيها بطاقة الصراف و هكذا تحس بأن مالك لها وتشعر بالأمان وليس هناك خوف ،،،

طبعا النموذج النسائي الذي سقته لنا .. واللي هم الزوجة فيه فقط توفير المال والشراء وكسر ظهر الزوج بمطالبها التي لا تنتهي مرفوض تماما ....... وكم تصبح المسؤولية على الزوج أخف إن وجد يد العون من زوجته ..... ومساعدته مثلا في المصروفات المنزلية ....

وخلني أخبرك سالفة تبين هالشيء .... أميه الله يحفظها أول ماخذت أبويه كان الوالد يحط عندها مصروف البيت يعني هي المديرة المالية في المنزل ... وكان يعتمد عليها لأنها عاقله وتعرف أنه هالفلوس هب من الهوا يايه .. يايه من شقا وتعب ريلها .. فكانت توزع مصروف البيت ... وتعرف اول الغوص والبحر ماله دخل ثابت بس هي اللي يعطيها تتصرفبه ولاتطلب زيادة وأي شيء يزيد .. تقولي أنها كانت توفره من ورا ظهر أبويه ... قلت لها ليش يا اميه .. ردت عليه قالت يابنتي أبوج لو يعرف أنه شيء زاد بيقولي خذيه وما بيمانع ... وبعدين الريال مهما كان إيدينه كريمة ... إن ظهر ويا الرياييل عطى هذا وأكرم هذا وإن حد طلباه مابيرده .. ونحن عندنا عيال ولازم نفكر فيهم ....فتقول كنت اوفر ...

وفي مرة أبويه احتاي بيزات وتقول لانه كانت وايد قريبة منه وما يخلي الهم في قلبه كان يشاركها كل شيء ..... تقول قمت وقلت له بوفلان لا تشل هم .. ونشت وطلعت البيزات اللي موفرتنها من تحت الدوشق(( الفراش )) .. وعطته سألها فلانة من وين يبتي البيزات .. خبرته السالفة ... وكم كبرت في عينه ... فتطالع يوفرون بس علشان عيالهم والخوف من موت عن يحتايون ..(( الله يخليهم )) ..

وبس عندي مداخلة على كلام الأخ رومنس ...:

هو صح تفكيرها غريب أنها بس حاطه في بالها الطلاق يعني هاي فاقدة الثقة في زوجها ..... لكني بخبرك مفروض العاقل يفكر في المستقبل وما يفرح بس باللي جدامه ....و خلنا واقعيين شويه ....أنا وحدة أشوف الوحدة لازم يكون عندها شهادة... على الأقل ... أضمن عندي شي أستند عليه يوم ما ألقى حد عدالي والدنيا لو تشوفها كل من يقول يالله نفسي نفسي ....الله لاقال إذا استوى شيء في المستقبل... مات عنها زوجها.. سوى حادث وانشل ... انسجن ..... سافر وغاب .... احتاي .... تطلقت ((والطلاق بعد سبب من الأسباب اللي الواحد يحطه في باله )).... ولو كانت ثقتي في زوجي وأعرف واحس أنه ما بيسويها ..لكن لو حصل أي شيء غير متوقع ومن المستحيل تعتقد انه يحدث ..... لكنه حدث .. هب مثل هالحاله الشهادة تكون عون لها وذخر ..؟!

تحياتي وشكرا على الموضوع
بوهيميا

اهلين قلب الجليد انا رايي زي رأي توت بري:
لو الزوجة حست انو زوجها معطيها من الثقة اللي يكفيها وفي اي مشكلة تلاقيي جنبها,مو زي بعض الرجال على الفااضي والمليان بيكون دايما جنب اهلو سواء كانو صح او غلط..وهادا الشي يحسس المرأةانو زوجها ممكن في اي لحظة يقلب عليها ويرميها عند اهلها بكلمة من اهلو((وها دا مجرد مثال))..
غير كدة المرأةتفقد ثقتها بنفسها ازا شافت زوجها يبنتقدها في كل شي وتكون هية في نظرو غلطانة مية بالمية في كل شي..هادا الامر حيخليها دايما تشك في نفسها وتحس انها مو بأمان معاه..
فنصيحة الى كل متزوج :لا تقلل من قيمة زوجتك امام الناس وخاصة خاصة اهلك بالعكس خليها دايما فوق راسك وحسسها بدا الشي ,حتلاقيها واقفة جنبك في كل ظروفك الصعبة..
دافع عنها وخليك دايما جنبها في المواقف الصعبة..
لما يجي يوم من الايام وتقلك على مشكلة وهية حاسة انها مظلومة,واكتشفت بعدين انها غلطانة لا تعايرها بغلطها او تبينلها انها بس تظلم في الناس اوا نها شكاكة دايما بالعكس ازرع الثقة فيها بالكلام الطيب ممكن تقولها ((معليش كلنا بنغلط ما في انسان ما يغلط ))مو احسن من انك تقولها ((اصلك انتي دايما شكاكة وتشكي في كل اللي حواليكي))),او ((انتي شايفة نفسك دايما صح وهما غلط ))الكلام هادا اكيد حيهز ثقنها بنفسها وخاصة لو كان منك ابدا ابدا ماراح تثق بدوام وجودها معاك للأبد الا ازا اتغير اسلوبك وبينتلها هادا الامر..
المرأة لما تتزوج تبغى حاجة وحدة من الراجل واللي صعب تلاقيها في اي راجل او بلأحرى مو كل الرجال يمتلكوها ,وهي ::ورقة ضمان
ورقة ضمان لحياتها معاك تبغى تضمن انو الشخص اللي اتزوجتو ,ما راح يخذلها في يوم من الايام,,ويرميها وما يدري عنها..
تبغى تحس منك اند جنبها معاها طول الوقت لو غلطت تصحح غلطها با لنصح والارشاد ,,مو با لاستزاء يا معظم المتزوجين..وصدقوني حتلاقو المشكلة هادا انحلت وتلاقي الحرمة جنب زوجها حى لو تقعد طول عمرها معاه ما تملك ولا ريال يكفي في انها حاسة بلأمان معاهومافي اكتر من الزوجة اللي تخاف على فلوس زوجها من التبذير والاسراف .. اتمنى اني افدتكم ,ووسلاااام


نووووسة