السلام عليكم
هذا اول موضوع اكتبه بس اتمنى منكم المساعدة
انا الان مخطوبة من 5 شهور ومشكلتي هي ان زوجي
لا يهتم بي كل اهتماماته تنصب على اصحابه فهو يلازمهم طول اليوم
وفي اليوم الواحد يحدثني بمكالمة واحدة مدتها 30 ثانية
ويأتي الي في يومين الخميس والجمعة وعند حضورة يهتم فقط بالناحية الجنسية
وعندما يأتي يعاملني بقساوه (بخشونة وكأني احد اصحابه)
رغم اني ارسل له مسجات واخبره اني احبه واني اشتقت له على الرغم من اني لا اشعر تجاهه بأي مشاعر
في احد الايام رسلت له مسج ورد علي بمسج ورسلت له مسج ثاني ورد علي وفي اليوم الثاني قال لي لا ترسلي اكثر من مسج لانه يزعجني وانا مع اصحابي
ماذا افعل
فأنا انسانه محطمة

بصراحة موضوعك يخوف .. حبيبتي انا ماابغى اخوفك لكن هل سألتوا عن هذا الرجال زييين قبل ماتوافقون عليه ؟؟؟

اسأليه ايش مفهوم الزواج بالنسبه له وليش هو تزوج؟؟ وصارحيه بكل الي في خاطرك وقوليله انك تحبينه وانه يهمك انه يبين لك حبه ولما يتعامل معك بفضاضة قوليله شوي شوي وانه جالس معك مو مع احد من اصحابه...

بصراحة حسيت من كلامك انه اناني وماتهمه مشاعرك وان كل الي يهمه الجنس وبس...

نصيحتي اذا ماتعدل الرجال لا تكملين معه لأنه اذا يسوي معك كذا وانتوا توكم متملكين اجل وش بيسوي بعد الزواج ......انتبهي لا تسلمين له نفسك قبل يوم الدخله ..


الله يعينك و يفرج همك ان شاء الله .... عليكي بالدعاء

الله يوفقك أختي..
في البداية أنصحك تاجلي الزواج فترة حتى تعرفي شخصيته وطبيعته زين..

شي ثاني أثقلي عليه..
أنصحك نصيحة لا ترسلينه مسج نهائي!!
أبدا اقطعي الرسائل والاتصالات وشوفي كيف تكون ردة فعله!

صدقيني كثرة محاصرةالمرأة للزوج تعصب فيه وتنفره منها...
فما بالك بمخطوبة؟

وإذا زاركم في البيت وحاول يتقرب منك فصديه وامتنعي منه ... أشعريه إنك متضايقة من تصرفاته وحسسيه بكرامتك!
أتوقع أنك ترفضين وتلقين هذا التصرف صعب ... لكن صدقيني ضروري ضروري جدا ولمصلحتك...


لأن الرجل فعلا يحب المرأة الواثقة من نفسها يحب فيها جراتها وقوة شخصيتها واستقلاليتها..
لكن لما تكون ضعيفة ومترددة ودالقة أو رامية نفسها عليه يهملها نفسيا تنزل من عينه...

فأنت شوي اثقلي وحتى لو رد عليك واتصل كلميه عادي بدون لهفة او شوق ... خليه يحس أنك ثقيلة..

بالتوفيق