صديقتى العزيزه عن تجربتى المتواضعه :
من عند الجزار اشترى عرق لحمه صغيره فى السن الحقيقه الجزار بتاعى عارف منين تتقطع .اطلبى منه عرق بتلو.
وبعدين اغسليه كويس بالملح واشطفيه وبعدين هاتى دوباره (خيط تخين) واربطى العرق داير داير وياريت تخلى الجزار يربطه لك ويعمل فيه فراغ بتخن الصباع تقريبا من اول العرق لاخره بالطول يعنى واذا لم تتمكنى من كده مش مهم التفريغ من الوسط . بعد ما تربطى العرق كويس . بسكينه حاميه ورفيعه اعملى قطعات فى معظم العرق وحطى فى كل قطع تعمليه ثومه صحيحه او مقطعه بالطول . ملحى العرق من بره بالملح والفلفل ولفيه كويس قوى فى ورقة فويل وحطيه فى صينيه طويله وحطى تحته كباية ماء وحطيه فى الفرن لاكثر من ساعه لغاية ما يستوى وكل ما كانت اللحمه صغيره فى السن استوت اسرع . فكيها من الفويل واستنى لغاية ما تبرد وقطعيها حلقات بسمك 1 سم تقريبا او حسب الرغبه وبالهنا والشفا. اذا الجزار كان مفضى لك العرق من الوسط دخلى الثوم وممكن معاه فلفل اخضر من اول العرق لاخره وكملى زى ما وصفت لك .اسفه على الاطاله.