صدقيني هذه فرصة العمر لاتضيعينها منك علشان كلام الناس الناس ما يدرون عنك تعوذي من الشيطان واقبلي به ان شاء الله انك انسانه مؤمنه وصابره والله سيعوضك خير
التعديل الأخير تم بواسطة البتول ; 11-02-2006 الساعة 04:58 PM
السلام عليكم
اعتذر عن الرد المتاخر واحب اشكر الحميع وكل اللي شجعوني وردو علي ومايمكني اذكر اسم احد الحين بس شكرا حزيلا جد
بس هلا اخر وحدة لفتي نظري لما قلتي انك ماتتقبلين هالشي ممكن توضحين لي قصدك
اما عن مشكلتي فانا انقطعت عن زيارة عمتي من زمان و تحت الحاح اخو خطيبي طلبت منه يمهلني وقت افكر فيه... لاني وايد محتارة للحين وحاسة مشاعري متخبطة بين احساسي بالذنب وحبي لخطيبي ومشاعري اتجاه اخوه اللي مادري اذا كانت حقيقية ولا اعجاب ولا بس حاجة لسد فراغ خطيبي ..
اللي يمكن مانفهم من كلامي في البداية بعد اني كنت على علاقة مع خطيبي فترة بعد قبل مارتبطنا رسمي ويمكن هذا اللي محسسني بالاحراج .. مع ان مجتمعنا يخلق وايد فرص لتلاقي الجنسين لكن بعد يظل مجتمع شرقي وقاسي وايد.....
اختي الحبيبه ... خليني اقولج شيء ... انا ولد عميتي توفى و كان عنده ثلاث اولاد و بعد موته اخوه الاوسط تزوج ارملتة و ربه اولاد اخوه .. تعتقدين اهيا خانت ولد عمتي !! بالعكس هذا زواج و قسمه و نصيب اذا تحبينه و يحبج و يبيج على سنة الله و رسوله و حماتج تحبج و هذا شيء مهم حيل لانه اب هذا الزمن صعب الوحده تحصل حماة زينه و تحبها .. بالنهايه يا اختي هذا زواج و ما فيها اي شيء بالعكس الزواج تكملت نص الدين ... خليه يكلم امه و يتقدم و لا يهمج حجي الناس الي ما يخلص تره ما فيها شيء ...
اختج بني
اختي العزيزه
لا ارى انا موضوعك مقلق لهذه الدرجه
وليست فيها اي خيانه لزوجك(تغمده الله بواسع رحمته)
وبالعكس لما توافقي على اخوه انتي عارفه اهله وطبائعهم
وانتي على كلامك عشتي معهم
اتمنى من الله العلي القدير ان يكتب لك السعاده الزوجيه وتتدوم افراحك ويمحي الله احزانك