بالبداية حبيت اشكر صاحب الموقع جزاة الله الف خير لمساعدة الناس ونحصهم على حياتهم الزوجية

وكنت بعرض المشكلة هذة بقسم المشاكل والحلول ولكن ماقدرت ولا ن بعرضها هنا


يالربع انا متزوج من شهرين تزوجت من بنت مطلقة ملك عليها وهرب من شاف طلبات اهلها وجشعهم

وطمعهم وطلق بنتهم بالاثلاثة ولكن الحظ الردي رماني عليهم طبعا هذا رأي والدي الله يسامحة

يوم تزوجتها والله ماشفت الراحة ماشفت غير التعاسة والنكد والهم اخذتها معاي بالمنطقة اللي اعمل

فيها قلت يمكن افتك من شر اهلها ولكن يشهد الله كل يوم ورى يوم يتصلون وكلة من حماتي العنززز

الله لايوفقها لادنيا ولا اخرة كل يوم دروس ومحاضرات نضحك ونسولف انا وزوجتي من تشيل السماعة

صارت حياتنا جحيم تجيب اشياء مايخطر على البال ولا على الخااااااااااااااطر اقسم لكم قسم اني رحت

لدوامي وجيت ولا زوجتي ماهي موجودة بالبيت انجن جنوني اتصلت عليها كان تقولي ابوي جاء واخذني

والله العظيم شيب راسي وانا عمري 21 سنة المهم راحت الايام وتراضينا وصارات مشكلة جاني ابوها يركض

ركض قام يهاوشني لية تطق بنتي لية تهاوشها اخرتها عصبت قلت الله ياخذك وياخذ اللي ناسبك انت

وبنتك والله مالي شهرين قعدت مع زوجتي اسبوعين والباقي عند اهلها وش تنصحون يالربع

أطلقهاااااااااااااااااااااااا وافتك من غثاها وغثا ابوها الله ينتقم منة ان شاء الله شر انتقام ويجعلة عبرة

للمسلمين

بنتضار ردكم الله يحفضكم

أخوكم

خــــــــــــــــــــالد

السلام عليكم ورحمة الله وبركاته


اخي الفاضل


اذا زوجتك انسانه طيبه ومشكلتها الوحيده اهلها


لاتظلمها بسبب اهلها


على كلامك المشكله مو فيها في اهلها


يا اخي هي زوجتك فهمها وقولها لاتسمع كلام اهلها لانه مو بصالحها


هما بعض الاباء كذا الله يهديهم


يفتكرو لما يسوو هالحركات تكون في صالح بناتهم وهي تجي العكس


انصحك انك ما تستعجل في فكرة الطلاق


لين تفهم زوجتك ان هذا الوضع مايستمر والا عواقبه مو طيبه

أخي تضربها وهي عروس ؟؟؟؟؟؟؟؟؟؟؟؟

[B]لا حول ولاقوة الا بالله
أنا مب عارفه كيف يكونون الأهل في خراب بيت بنتهم يعني يبونها تطلق للمره الثانيه؟؟

لكن أؤيد كلام الأخت الهدى .. فلو كانت البنت طيبه وشارتنك لاتتسرع اخوي مالها ذنب يمكن اهلها مسيطرين عليها وبعدين لو أهلها مب زينين فالبنت مالها ذنب هي اللي جابتهم على وجه الدنيا ولا هم جابوها

وأخوي مهماكان الوالدين سيئين حط في بالك اللي مالها خير بأهلها وتتبرى عنهم مالها خير فيك ......
صحيح ان الأهل سيئين بتصرفاتهم وانا معاك بهالشئ لانهم يبون خراب ودمار بيت بنتهم للمره الثانيه وهذا شئ مب سهل وراح تكتشف بنفسها هذا الشئ فيما بعد...... المهم
اخي كلم البنت اتصل فيها وحددوا موقفكم قرروا العيش بسلام ...... ياخي ريح نفسك هات تيلفون البيت بكاشف يظهر الارقام لما تشوفون رقم اهلها لاتردون ........

وخلي زوجتك تتصل في أمها لكن بحدود تتصل تسأل عليهم وتسكر على طول بأن تأتي بمبررات لتهرب من كلام أمها المؤذي ....... مثلاُ هلا ماما كيف حالج شو اخبار اخواني وخواتي وشو اخبار الوالد عطيني اكلم الوالد . وبعدين تقول مثلاُ ماما نسيت الحلين على النار مثلاُ او تحدث ضجه وتقول سقط شئ سأقفل عنكي ياامي بروح اشوف شو صار ....
يعني تدابير

ولاانكم تهدمون حياتكم اذا كان فقط ماينغصها أهلها الله يهديهم



ولكـــــــــــــــــــــن

أخي اذا كانت البنت مثل طباعهم بالظبط وانت مومرتاح معاها على ما أظن هذا موضوع ثاني


بأيدك الاختيار

وانصحك بالاستخاره

__________________

لو الصبر مايفيد
ماصبر أيوب صبره

سبحان الله وبحمده
سبحان الله وبحمده
سبحان الله وبحمده

أخي الكريم .. الأب حينما يمنحك ابنته فقد منحك قطعة من فؤاده
حتما أنك لا تتصور كم من الدمعات التي اهرورقت على وجنتيه يوم زواجها ..حينما رأى ابنته تغادر البيت ..الذي تردد بين جدرانه ضحكاتها وهمساتها.. وندائها المتكرر
أبي أبي أين أنت ؟
يا أخي.. الأب حينما وهبك إبنته فهو ينتظر منك إكرامها .. والاحسان إليها
أما أن تضربها وهي التي لازالت في عداد الضيوف في حياتك فهذا أمر .. حتما سيقهر الاب وغير الاب
ثم يا أخي كيف تتطاول علىأبيها وتدعو عليه بالموت ؟؟ وهو في بيتك وإن رأيت منه ما يسوؤك
فما بينك وبينه أعظم مما بينك وبين أي رجل آخر إلا والدك
فله عندك الكرامه وإن أخطأ..
وتقديره واجب وإن أساء ..
كيف وهو في بيتك وضيف عندك
أخي راجع حساباتك .. ففي تصوري أن رصيدك بحاجه إلى دعم ..

اخي الفاضل خالد
اولا اسال الله ان يفرج كربك
ثانيا لا نستطيع الحكم او مساعدتك في مشكلتك هذه حتى توضح لنا جميع ما يتعلق بزوجتك
من حيث معاملتها لك ،حبها، هل هي منزعجه من موقف اهلها ام راضيه
كيف عرفتها هل هي قريبه لك؟
هل انت مرغم على الزواج بها؟
هل كنت مخدوع بها وباهلها ؟ام انك تعرف كل ذلك قبل الزواج؟

وهل انت تحبها ؟

اين هي الان ؟عند اهلها؟


نصيحتي الوحيده لك ان تنتظر ولا تتعجل ففي العجل ندامه
ومن خلال كلامك يتضح لي انك تكتب وانت في قمة الغضب
لذلك انصحك ان توضح لنا اكثر منذ بدئ علاقتك بها حتى الان وانت هادئ غير منفعل حتى نستطيع مساعدتك
لان هذا القرار صعب ولاننصحك به ونحن لا نعلم سوى تلك المعلومات البسيطه التي ذكرتها

الله يعينك ,,,,,,,,,

__________________

لا حول ولا قوة إلا بالله

انا مدري ليش بعض الأهل يخربوا بيوت بناتهم

احد الأشخاص يقص ان فيه عائله بناتهم كثار وقمه في الجمال ما شاء الله تبارك الله لكن بسبب تسلط امهم ما احد تقدم للبنات وخاصه بعد ما تطلقته بنتهم الكبيره إلي هي اول وحده تعرس فيهم

اخوي

نصيحه

حاول تتكلم مع احد عاقل في عايلتهم مثل اوا ولا عمها او خالها

وإذا كانت البنت بجد تحبك اكيد انها راح ترجع لك وراح ما تسمع إلى كلام اهلها

__________________
دعواتكم لي بالتوفيق

اخوي حاول انك تفهم زوجتك ان حياتكم مستقلة فيكم مهما يكون فيها من اسرار او خصام
وان اهلها منكم لهم الاحترام والتقدير
واذا عجزت تفهم تكلم انت مع اهلها وجهك لوجههم وقللهم خافوا على بيت نتكم لايتدمر
والله يوفقك يارب

تفاهم مع زوجتك بهدوء وحط خطوط حمراء لعلاقتها مع اهلها وعطها فرصه واثنين وثلاثه فالطلاق ليس حل
وانا اقول هد نفسك شكلك عصبي
اولا الفاظك ما كانت كويسه حتى لو ام زوجتك غلطت عليك من قلة الاحترام انك تتلفظ عليها بلفظ (..) فهي في عمر امك ومهما سوت عيب تقول كذا وتدعي على ابوها واهلها ..ياخي المفروض تكون اعقل واثقل من كذا وصبور اكثر الحياة الزوجيه يبيلها صبر وتحمل وتأقلم واذا لاي سبب بتطلق ترا بتستمر كذا في كل زيجة فلا تتوقع ان فيه اي زواج يمر بدون مشاكل في بدايته وتأقلم بين الزوج والزوجه فكل واحد عاش ببيت وبيئه وعادات فلابد من المشاحنات والمشاكل في البدايه والشاطر اللي يعرف يصبر وبحكمه يضبط اموره
وعمر الهواش والدعا والضرب كان حل للمشاكل اذا ماعندك استعداد تصبر وتحمل وتتصرف بحكمه انا اقولك طلقها ولا تتزوج غيرها لانك صغير وغير مؤهل للحياة الزوجيه بعد