السلام عليكم ورحمه الله وبركاته

انا عضوه جديده في المنتدي ودائما ادخل للمنتدى واستفيد منه الكثير
بس انا اليوم جايه اقول لكم مشكلتي والتى اتمنى منكم مساعدتي فيها
انا مملكه تقريبا 7شهور تقريبا ومبسوطه من خطيبي والحمد الله وامورنا ماشيه تمام

المشكله خطيبي من قتره كلمني في موضوع وماعرفت كيف اتصرف معاه قالي :ان من 8سنوات تقريبا وهو يشرب حاجه يسمونها (الشمه)انا طبعا اسمع عنها ولكن ماأدري من ايش تصنع وهي معروفه ومنتشره في المجتمع ......... للأسف وهو وعدني انه يبطلها ويتركها ان شاء الله بس المشكله الان اني صرت احس اني ماأقدر اجلس معاه زي اول او اسولف او حتى اجلس جنبه لاني احس انه قرف وانا آسفه على استخدام هذا اللفظ لكن هذا اللي احسه
ارجوكم قولو لي وش اسوي انا خايفه اني اكره خطيبي
ارجوكم ساعدوني وعلى فكره هذا الموضوع ماأحد يدري عنه غيري وغيره وهذا الشي يخليني ابنفجر لاني ما أقدر اسولف مع احد

اسفه طولت عليكم

يمنع ذكر بلد معين أو مدينة معينة..تحياتي..حائزة الأمل

وعليكم السلام ورحمة الله وبركاته

مرحبا بك اختي معنا

بالنسبة للشمة اللي أعرف عنها انها تعدم الأسنان، يعني اللي مدمن عليها عادة باقي له سن واحد أو اثنين

وهي تضبط الكيف زي مافهمت من بعض المجربين، وبصراحة عن جد قرف بس الله يهدي

والحل ما في زي الصراحة قولي له انك ما تحبي تشوفينه يستخدمها وحاولي تقنعيه بس أهم شيء الأسلوب

انتبهي تتهوري وتقولين له يا أنا يالشمة !!!!

وبما أنه وعدك انه يبطلها تفائلي بالخير ولا تنقين عليه، يعني لا تضغطين عليه بالبداية، وشوي شوي بيمشي كل شيء تمام

وفقك الله في حياتكم وتمم على خير وسعادة

الف شكر لك
بس خطيبي عنده اسنان وتمام شكلها كمان ماأدري امكن هو مو مداوم عليها بس المهم انه يشربها

والمشكله اني ماأقدر افاتحه في الموضوع لاني خايفه من ردة فعلي

بعدين انا الحين صرت خايفه لانك تقول انها تضبط الكيف زي مافهمت من بعض المجربين،يعني ممكن تكون ادمااااااااان

ادعولي الله يخليكم

ههه .. انا اقولك ايش هيا ... اختي هيا في الاصل اسمها تمباك ... يتحط بين السن واللثة ... وعلى قولتهم انه يضبط الكيف .. تأثيره نفس تأثير الدخان .. بس ادمانه صعب .. يعني مو بسهولة الواحد يدمن عليه يعني لا زم يكون حاكرها في فمه 15 ساعة في اليوم .. تتباع عند بقالات العنود والبكستانية .. ممنوعة في السعودية .. عليها غراااامة مو هينة ....

الله يهديه .... بس ترا صعبة يبطلها اذا ادمن عليها .. وعلى فكرة .. ماهي خمرة تنشرب .. ولا مخدرات ... يعني بالعربي زي القات بس مفعول اقل سوي ...

اختي .........

اطلبي من خطيبك انه يتركها

حتى لا يدمن عليها ..........

حاولي معاه وتمي وراه لين يتركها

الله يصلحه ويهديه .

__________________

للعلم ...

بعد فترة قد تسبب سرطان اللثة

أكثري من الدعاء له في جنح الظلام

كان الله في عونك

__________________
(( ربي أشرح لي صدري ويسر لي أمري ))

الله يهديه إلى الصواب