السلام عليكم والرحمه
انا مثل ما عرف البعض انه مالجين علي من تقريبا7 شهور والحمدالله انا ورجلي وايد واكي ومتفاهمين وباقي عن عرسي شهر ونص...المهم
والأهم....كل ما اطلع معاه او يكلمني يقولي انتي ما تسولفين وايد ولما اسولف واقول كل الي عندي وتوني اسكت يقولي كله ساكته ولين اقوله من مساعه اتكلم شفيك يقولي لا سولفي بعد وانا ادور على اي شي اسولف فيه والله ...يعني شاسوي وشنو اقوله اذا كله يبيني اسولف؟؟؟وايد احترت معاه...
وبعد مشكله ثانيه والي يسلمكم ابي حل بأسرع وقت
الحين خطيبي الي هو طبعا ريلي لين يجي الويكند خلاص من يوم الخميس يقولي انا رايح البحر يا مع ربعه او واحد من نسايبه ولين يروح وينام هناك ويجي اليوم الثاني وفي هال وقت ولا يتصل ولا شي ولا حتى مسج وانا اقعد احاتي ولين اتصله باليل ما يرد كلش ولا لين ادز مسج ولا كأني موجوده ولا كأنه يحس انه عنده حرمه تسأل وتحاتيه...ويوم الجمعه يزودها ويروح الزرع وهم بعد انا ما اتصل فيه لأنه يكون في المسجد واقول لا اول ما بيخلص بيتصل ...مرات ما ابي اظلمه يتصل بس مرات لا يخليها لييين المغرب او العصر لين ما يفتكر ...انا بهال وقت والله اكون متضايقه منه واااايد ومزاجي ينقلب وشوي الا اصيح واقول اذا اتصل مابرد عليه لين يحس شوي فيني....بس انا هني شنو اقوله خاطري وودي يعرف اني متضايقه من هال شغله انه يروح ولا يسأل ولا يطمني عنه بس شلون اوصله له ما ادري لأني ما ابي يخلي هال شي لين بعد الزواج وباقي على عرسنا فتره قليله والي يسلمكم خبروني...
واسفه اني طولت عليكم
مشكورين مقدما

مشكلة السوالف عندي كمان...ولقيت الحل اني اتصفح هالمجلات واقرا كتب واطالع البرامج المفيده في التلفزيون علشان يكون فعلا فيه نقاش...ولاحظت ان الرجال عموما....اغلبهم يعني....ما يحبون السوالف اللي تصير في مجالس الجارات ......يعني انا كنسلت الجارات وسوالفهم اني ادخلها في اي سالفه بيني وبين زوجي....واما حكاية الاتصالات...فقولي لزوجك انك تتضايقين من هالحركه وبشكل لطيييييييييييييييييييييييييييييييييييييييييييييييي ف للغايه...كل ما كنتي رائعه في تعاملك ...كل ما تعلم منك...وصار مثلك.....وعموما هذا شي عااااااااااااااادي ....لان الرجل وانا مجربه ...مايحب ان اهله يكلمونه قدام زملاه.....يحس كانهم يشوفونها ......مرات لما اكلم زوجي ما يرد خير شر ولما اساله ليه يقول كان مستحيل اني ارد عليك....ومرات ادق ولا يرد..وبعد اقل من دقيقه الا هو يدق....ويقول انه قدر يقوم من وسط الجلسه ويبتعد علشان يكلمني.....واتذكر في اخر فترة حملي ...صرت لما ادق عليه يرد علي مباشرة تحسبا لاي طارئ بس انه يصير يكلمني عللى اساس اني رجل...مو زوجته...انا كنت استغرب بس اكتشفت انه يغار...حتى على صوتي.....الخلاصه واسفه اني طولت بس حابه اوضح لك ان الموضوع جدا عادي....ان بعض الرجال يرد عادي جدا ....والبعض يتحفظ وبشده مثل زوجي....والبعض ما يرد ابدا مثل زوجك وزوج اختي....زوج اختي مايرد ابدا عليها ولكنه يعوضها بمجرد مايرجع لها....وهي تعلمت انها تشغل نفسها في الوقت اللي هو برا فيه...باي شي مفيد ومنتج في الحياه الصعبه ذي......فيمكن زوجك مثله.......لا تشيلين ابدا في خاطرك لانه جدا طبيعي ولكن هذا ما يمنعك تتصلين فيه بمجرد ما يطلع....يعني مو لانه ما يرد تتركينه....لا ...دقي دقه وحده بس علشان يعرف انك فاكرته على طول....وتاكدي انه ما حيرد عليك لما تدقين....بس حيستانس لما يشوف انك افتكرتيه باتصال وحتى مسج.....الله يوفقكم...

__________________
[/IMG]

نسيت اقول لك ان الزوج ......مثلا زوجي........اذا ما رد على زوجته ...مو لانه جلف ولا يحس ...مع ان فيه ناس كذا....ولكن لانه مطمئن ان زوجته مو لحالها في البيت...ممكن تكون عند اهلها او زميلاتها او اهله...يعني حتى اذا هي محتاجه شي فهو متأكد من انها بأيدي امينه.....ولكن لما يعرف انها لحالها وامورها تمام او انها مثلا حامل....هنا ممكن يقوم من المكان اللي هو فيه علشان يكلمها او انه يكلمها بتحفظ شديد جدا.....
ابوي الله يخليه لي بصراحه كان من النوع اللي مايرد على اتصالات امي واذا رد.. رد بعصبيه...وهي بس كانت تبي تقول له كيف حالك.....والان صارت امي اذا نسيت او انشغلت عنه ولا دقت ...يتصل ويعاتبها ليش ما تدقين...شوفيني حي والا ميت..جد ما امزح والله...يعني مع العشره الانسان يلين لو ايش ما كان.....

__________________
[/IMG]

أخيتي .. إن كان يحب أن تتحدثي معه كثيرا ..

فأسأليه عن عمله . و ماذا حصل في يومه .

حدثيه عن تجهيزاتك للزواج .. و أسأليه أيضا ماذا يفعل في التجهيز ..

تحدثوا عن المستقبل . أبنوا المال سويا ..

تخيلوا مع بعضكم ما ذا تفعلوا ..

يا أختي فهناك مواضيع كثيرة , انتي أبحثي وتلاقي ..

أما عن المشكلة الأخرى ,, فإني أعرف كم أن كثير من رجالنا لا يبالوا عندما

يخرجوا مع أصدقائهم ..

أخبريه أنك تريدي الإطمئنان عليه لو بمسج ..

و إن لم يتعدل وضعه فحاولي بأن تتأقلمي على ذلك الوضع ..

حتى لا تتعبي ..

أعانك الله ؟؟

__________________

لكم جزيل الشكر