دخلت المنتدى... وتعقدت حياتي أكثر
السلام عليكم ورحمه الله وبركاته
اعضاء منتديات عالم الحياه الزوجيه الكرام
اول شي احب اذكره اني متزوجه من 6 اشهر بس.. طبعا انا كاتبه ها الموضوع عشان القى حل لمشاكلي... لانها بجد مشاكل مو مشكله وحده
بديت البحث في المواقع عشان اوسع فكري بموضوع العلاقه بيني وبين زوجي.. ويمكن هذا هو سبب المشاكل كلها... لاني صرت افهم الكثير بينما هو مو مهم عنده الا انه يخلص وخلاص
يعمل زوجي بأماره ثانيه ونلتقي نهايه الاسبوع فقط... وبسبب ضروف عمله .. نهايه الاسبوع بالنسبه لنا السبت والاحد
بالنسبه لاي شخص بيحط بباله انه زوجها راجع لها وهو ولهان عليها ومشتاق لها.. بس للاسف مو هذا اللي حاصل
طبعا هو ما قال لي هذا الشي بس تصرفاته تدل على جذيه
من بين تصرفاته اللي استدليت عليها بانه مو مشتاقق
انه باليوم اللي يرجع فيه... يقعد وياي ساعتين ومن بعدها يروح يم ربعه ويقعد وياهم للساعه 2 ونص او 3 ... يعني تقريبا 4 الى 5 ساعات
يرجع .... تعباااااااااااان ولازم ينام لانه كان ماسك خط وسهران.... فما عنده وقت لي
حتى لو انا ولهانه عليه وابيه
وما اعلق ولا اقول له شي يزعله مني بالعكس اراعي ضروفه... ويجي اليوم الثاني وينقضي بين جلسته مع اهله ومع اصحابه ومعي
الى ان يجي الليل ونقعد نشوف التلفزيون ومن بعدها يناديني لجل ننام.. طبيعي اني اكون لابسه ومترتبه له وحاطه احلى العطور واروح يمه
بدون اي مقدمات وبدون اي تهيأه القاه خلص... طبعا هذا كله بخمس دقايق بالكثير
لو حصل مني اني رفضت او تضايقت شوي.. بلقاه عطاني ظهره ونام
وطبعا مافي يوم ثالث لانه بيروح للدوام
والامر نفسه ينعاد الاسبوع اللي بعده واللي بعده
من تزوجت لليوم وانا ما مرت علي ليله ... اذكر انها تمت ببالي...الليالي كلها سوا
ناقشته بالامر وقلت له اني ما عمري خلصت قبلك... وانت دايم تخلص وتنام
طبعا باسلوب ثاني
جاوبني بانه الله خلقه جذيه والامر مب بيده
ودايما يحاول ينهي الموضوع بسرعه ويقول انا تعبان وبنام
سالتته اذا فيني شي ما يعجبه ويخليه ججذيه جاوبني بالنفي
الحمد لله ربي عطاني الجمال.. والصحه
وجسم يحسدوني عليه الكثير
** صرت اتمنى انه فيني عيب عشان اتقبل اللي قاعد يصير
بايام كثيره ارتب له الغرفه بشكل احاول به اني اخليه يحس اني ابيه... من شموع وعطر وطعام خفيف ومن لبس
بكل مره اكون فيها مضويه له الشموع او لابسه لبس احاول فيه اني اغريه يصير نفس الشي
واللي هو
انه يدخل من الباب وطبعا ارحب به ويظل ساكت ويدخل يبدل وبعدها يقول لي انا بنام ما نمت عدل
هذا الشي ما صار مره ولا مرتين
دايم وربي يشهد انه دايم
لما دخلت المنتدى وبديت اشوف مواضيع العضوات صرت ابكي على اللي انا فيه
وخاصه لما اقرى عن الليالي الرومنسيه اللي يتكلمن عنها
ابصراحه زوجي ما يشجعني اني البس ما احس انه يهتم للي لابسته بالعكس
كل ما اترتب له كل ما اشوفه بعد عني
انا ما كتبت كل اللي كتبته الا وانا على يقين باذن الله اني بلقى الحل
ما انسى بنهايه حديثي... انه يحبني ودايم يبوح لي بهذا الشي .. وعمره ما رفض لي شي
بس هذا ولا مره ترجمه لي .. احسه بس كلام... وكلمه تعود انه يقولها
من ناحيتي انا .. اتقبله واحن عليه وحاول اني ما ازعله وان حصل زعل لازم ارضيه... بس صرت ما احبه
وصرت اكره وقتي وياه اللي كم من ساعه بس
اعتذر عن الاطاله ولكن اتمنى اني القى حل
فمان الله