أخوي زوج فاهم
قد تكون المرأه هي السبب في بعض المرات
ولكن الرجل أيضاً هو السبب الرئيسي في مرات أخرى
أعرف زوج هو من يقتل المرأة ويجعلها تهمل فيه
إذا لبست لبس قصير أو عاري أو بناطيل عنده يقول لها
أنتي مراهقة مابعد كبرتي المفروض تلبسين قمصان و جلابيات مو خرابيط
تقول له كلام حلو .. يقول لها الكلام هذا للأطفال مو لنا
تقول مرة كنت مشتاقه له كثير وانتظرت عودته بلهفه للمنزل
ويوم جا حطت له العشا وجلست تناظر فيه بحنيه ومن كثر شوقها له دمعت عينها
تدري وش سوى .. قام من العشا وقال الواحد يجي يتعشى ويلقى وحدة تبكي عنده تنكد عليه
بالله وش بتكون ردة فعلها .. قسم بالله اتصلت علي تبكي من القهر .. تقول أحس إنه شايب جالس عندي
مع العلم انهم متزوجين حديثا وأعمارهم كلهم 26 سنة
يعني مين المتهم الحين ؟؟
المرأة والا الرجل ؟؟
المشكلة اللي تواجهنا أننا نكون مندفعين و نلقى رفض من قبل الرجل
وهذي مشكلة سمعتها من أكثر البنات
أتمنى من الرجال أنهم يعدلوا سلوكهم شوي مع الحريم
ويصيرون أكثر حنيه عشان يلقون اللي يبحثون عنه
أعتذر على الإطالة
.