سم الله الرحمن الرحيم
أولا أشكر اخواني وخواتي عالمجهود الي يبذلونه ..

عمري 20 سنة انخطبت(عقد قران) قبل 5 شهور من شاب يكبرني ب6 سنوات .. أحببته من كل قلبي و رأيت فيه فارس أحلامي الي كنت أتمناه يفهمني .. و لهذا السبب قد وافقت عليه ... و اهو بعد يحبني لحد الجنون ..
المشكلة تكمن في انه كان مرشح قبل الخطوبة ببعثة إلى خارج البلاد لمدة سنتين .. و اهو صارحني بالأمر قبل الخطوبة و أنا وافقت ... و ها هو سافر قبل شهر فقط .. و أنا لم أستطيع السفر معه لأسباب عديدة منها: دراستي الجامعية و رفض أهلي للزواج منه و السفر معه إلا بعد حفلة كبيرة و اقامة مراسيم زفاف .. و كذلك رفضهم للسفر إليه أيام العطلات بحجة ان العادات والتقاليد فكيف لبنت مخطوبة ان تسافر مع خطيبها .. مع العلم ان اهو دايما يسألني اذا بأروح اله أيام العطلات لأن اهو يبيني أروح و أنا ما أقدر أقول اله عن أهلي ورفضهم لذلك فأتحجج بحجج باطلة غير مقنعة ..
و أنا حقيقة قد تعبت نفسيتي ودايما كئيبة و متضايقة ودايما أصيح بروحي لأني ما أقدر على فرقاه أبدا ... بس المشكلة أهلي مو مقدرين الأمر ... و في شيء ثاني و ما صارحته لخطيبي اني صراحة مو قادرة أتحمل ..... وأخاف هذا يأثر عليي بعد الزواج و أصاب بكبت ... مع العلم اني أنا وخطيبي كنا نداعب بعضنا مع الانزال و الوصول للرعشة والاحساس باللذة لذلك هالأيام أنا وايد متضايقة من هذا الأمر .... و انتون تدرون شنو ؟؟

أنا ما أبي حلول لأني أعرف أهلي و طبايعهم و الي مضايقني أكثر هو ان أهل خطيبي يبوني أسافر اله عشان ما يكون بروحه هناك .. وأنا خجلانة منهم ...
اهو يقول اليي ان المدة راح تمشي بسرعة بس انا أحسها بطيءة جدا جدا جدا

تعبانة و الله و محد حاس فيني ... أنا من أسباب خطوبتي على هالشاب اهو رغبتي في وجود شخص معي يشاركني همومي وأحزاني يعطف عليي و الحين اهو مسافر وبعيد عني وااايد

مسامحة على الاطالة ....

الله يعينك يالغاليه..

والله اني حاسه فيك..

بس حراام اهو بيسافر سنتين حق الدراسه وما يشوفك ولا شي..

وبعدين انتي خلااص زوجته ويحق لك كل شي .. بس اهلك الله يهديهم لااازم حفله كبيرة وخرابيط ومصاريف..

حاااولي حبيبتي انك تقنعين اهلك وتنتبهين حق دراستك عدل ولا اتشيلين هم هالكثر..


شوفي حياتي كل ما اتولهتي عليه اتصلي به وسولفي معاه وهذا راح يخفف عنك.. وقوليله انك واحشني..



اتمنى اني افدتك..

__________________

عزيزتي

الأن العلم تطور بإمكانك تشوفيه ويشوفك عن طريق الانترنت والبرايفت روووم

وربي يعينك على فرقاه

واهتمي بدراستك وخصصي لي اقل شي ساعتين الى ثلاث ساعات حورا اون لاين معاه وحسسيه انك قريبه منك واهو يحسسك انه

ما بعد عنك

الفراق عذاب وربي يحميك ويهديك ويعينك على فرقاه ، يا كريم يا رب العالمين

الله يعينك .. الفراق شي صعب ..

الله يقرب كل بعيد ..

أختي.. اسمحيلي بقول وجهة نظري بصراحة وبدون زعل
ـ أهلك معمهم حق في وجهة نظرهم وهذا الشي صار أمر واقع لا تهملي نفسك وتقولي لو كان ولو صار لأنو ( لو ) تفتح عمل الشيطان
ـ انتبهي الحين لدراستك علشان تخلصي بسرعة وتتزوجين.
ـ لا تفكرين وايد بموضوع سفر خطيبك وخليكي عادية وعندك التلفون كلمي ( والله يعين على الرصيد ). صدقيني عادي أنا مخطوبة وانا في بلد وخطيبي في بلد ثانية وعايشين ومامتنا.. وان شاء الله الايام بتمضي وما بتحسي فيها.
ـ حاولي تشغلين نفسك باشياء مفيدة ولا تجلسين بروحك كثير اندمجي مع عائلتك واللي حواليك من صديقات ومعارف ترى الوحدة مضرة بعض الشي وممكن تؤدي بك الى خطأ( لا قدر الله )..
ـ لا تنسي انو خطيبك سافر علشان مستقبله ومستقبلك وعلشان يوفر لك وله العيش الكريم... ولا تنسي من المسجات اللي ترفع معنوياته وتصبره على الخربة..
ـ في النهاية لا تنسي ذكر الله والصلاة والدعاء لك ولخطيبك بالتوفيق والفلاح في الدنيا والآخرة..


الله يوفقك ويصبرك ويتمم على خير.............................

انا مع الاخت ام اليمان عليك بالصلاه والدعاء والله يعينك حبيبتي

أنا مع الأخت أم اليمان وماعندي زود عنها ......... والله يعينك

__________________
عبـــد الرحمـــــــن
الله لايحرمني منك يا عسى عمرك طويل ياللي كلّ الناس عندي ما يساويهاا غلاتك
((دنيا القوي فيها حكم خان المبادئ والقيم لو يدري أن الله وراه مايووووم في عمرهـ ظلم))

نعم النصيحة نصيحة الاخت ام اليمان000وارجو ان تاخذي بنصيحتها00