اختي العزيزة احترم رأيك واقولك صح انه في اعضاء بالمنتدى
الله يهديهم .. يفصلو وبالتفصيل المممل وهذا اللي احنا ضده .... ولكن اشوف من حيث الايجابية انه هذا هو المكان الوحيد اللي الواحد ممكن يفضفض سره مع علمه مية بالمية انه ما راح يطلع برا النت ... وبعدين اختي معليش يعني انا عمري 21 سنة وعندي اخ عمره 16 سنة العكس انا ياريت انه ينضم للمنتدى ... اختي المنتدى ليس متعلق بالامور الجنسية فقط ولكن في مواضيع اخرى جدا مهمة لجميع الاعمار عندك تطوير الذات والطبخ وعالم مفتوح .... واختي انه يعرف حاجات من هنا احسن من انه يدور عليها بالمواقع الاباحية ....
وغير كدا اختي عندك اهم نقطة بالمنتديات انه الواحد ممكن يطور الجانب الالقائي ويعرف كيف يلقي كلام على مجموعة من ناس وهذا شيء عظيم الواحد يقدر يكتسبه ....
وكمان صراحة يعني معليه زي ما انا اتقبلتك بصدر رحب امل انه تتقبلي نصيحتي بصدر رحب ايضا ... اختي العزيزة بدل ما تدلين ولدك على مواقع كورة والعاب \ليييه على شيء ينمي قدراته في حاجات اكبر من كدا وزي ما اتني تحبي تفيدي نفسك لا تمنعي الافادة عن ولدك اللي محتاج للنصيحة اكثر منك لانه مراهق يحتاج الى من يكون جمبه طول الوقت في الخير ومافي ام تكون جمب ولدها او اب يكون جمب ولده طول الفترة .. فا لازم في فترة يكون لحالو .... فما اجمل انه يكون قاعد يتصفع علىى النت عن مثل مواقع لتطوير الذات ... السيرة ... مواقع كمبيوتر .. في بدائل كثيرة اختي بس الشاطر اللي كيف يدل اولاده ....
وكمان اختي لما بعض الشباب اللي يكونون في سن المراهقة ... مثلا يواجه مشكلة عاطفية ويلجأ لكم انتو ايش تقولو ركز بدراستك وبلا حب وخرابيط ... بسس لما ييجي هنا ويطرح مشكلته احنا نصوغ له الحل بشكل يفهم انه هو انسان كبير وعاقل ومتحمل مسوؤ لية نفسه اما لما احد ينهره فا يقول ايش ذا اهلي معتبريني لسه صغير طيب والله لا وريهم كيف انا كبير ويضرب في اخته ويسوي كبير بس لما احد يقله جيب يس عصير من البقالة يقوال والله تعباااان ... لوووول ( مداخلة بسيييط )
ارجو انه اكون انا وصلت فكرتي .... وبس لعلمك اختي ... المنتدى حسن حاجات كثير فيني
فيصل