الأخت دفء الحياة ..

كلامك مافيه شيء يزعل ولكن لي تحفظ عليه ..
صحيح 100 % أني حساس و أزعل بسرعة وأكتم في نفسي وردة فعلي تكون بالعناد .. أتفق معاك بأن ذلك من ضمن عيوبي ..

لكن والله العظيم حاولت مع زوجتي بأن أصارحها بمشاعري وضيقي إلا أنها كانت على الدوام تزعم بأنه هي ما فيها شيء غلط أبدا وأنه أنا فيني عيوب الدنيا كلها.

من ناحية التعويض المعنوي .. حاولت أتغزل فيها مع أن طبيعتي فيها نوه من الخجل والحياء ورغم أني ما أعرف أتغزل .. إلا أنها كانت بدل ما تساعدني تقولي كذاب ومن ذا الكلام ..

أما التعويض المادي .. فالهدايا حدث ولا حرج وكل هدية لازم فيها عيب وبعض أحيان أغيرها مرة أو مرتين حتى تعجبها.

أما فنون التعامل مع النساء فأكيد لها ضد وهو فنون التعامل مع الرجال .. هي شايفة نفسها كل شيء فيها صح ومخلوقة من غير عيوب .. يعني بصراحة يد وحدة ما تصفق !!

أدري فيه رجال ما يسوون لزوجاتهم كل اللي يطلبن منهم ويمشون كلمتهم بأسلوب يجعل الزوجة تحبه وترضى بقراراته .. تدرين ليش؟؟ لأنه فيه نساء عاقلات وفيه نساء يكفرن العشير .. فيه نساء أهلهم لا جاء منهم الغلط أنبوهم ولو كانوا على صواب ساندوهم .. لكن لا صارت الزوجة عارفة أنه فيه ناس راح يكونوا معها على الصح والغلط فاسمحي لي .. والله لوتشعل لها أصابع يدك العشر ماحست فيك ..

أعدت النظر في مشكلتي وحياتي المستقبلية وكل ما أعيد النظر لا أرى أنه فيه حل أفضل من الفراق!

الله المستعان اخوي fahacci

جزاك الله خير على سعة صدرك والله انك حسبت أخ واتمنى لك التوفيق والصلاح واتمنى لك كل خير وكذلك كل من في المنتدى

اخوي انا اعرف ان زوجتك مخطأه في تصرفاتها ,,,,,,,,بس مبين عليها ماتفهم الحياة ولاتدرك الصواب وهي لاشك ستندم على كل ما فعلت ,,,,,,,,خاصة ان طلقتها

اخوي هل ترى انه لاأمل في الاتصال بها عن طريق اي شخص قريب لها امرأة تنصحها من غير ماتدري امها؟؟؟

حاول تسوي خير الى ان تعجز وتصلح امبينكم علشان خاطركم معا وخاطر ابنتك ,,,,,,,ان رأيت ان في ذلك خير

أخوي كلنا نخطيء ,,,,,,,,,حاول آخر محاولة علا وعسى تكون تحبك وندمانة على ما فعلت وودها ترجع لك بس ماتقدر من أمها

يمكن لو رجعتها ينصلح حالكم وتندم على ما فعلت وتكبر فيك ولاتنسى لك هذا التصرف الحكيم ابدا .

بالنسبة لقولك المرأة وفن التعامل مع الزوج ترى في نساء بعد مايعرفن اشلون يتعاملون مع ازواجهم وهن كثيييييير والله

والدليل هاالمنتدى اشكثر رجال يشتكون من تقصير زوجاتهم واللي يدخلون المنتديات ويكتبون مشاكلهم قليل

لكن الحياة الزوجية تستمر بالصبر وكل زوج يكمل الاخر وبعد بالتقاضي عن السلبيات والعيوب والمحاولة الدايمة للتقليل من الهوة

والاختلافات بين الطرفين ومحاولة الاندماج مع بعض (أن يريدا إصلاحا يوفق الله بينهما)

كلامك بالنسبة للعلاقة بين المرأة وأهلها كله صحيح

أحنا ياما نتحمل والله من ازواجنا وأهله وأهلنا ابد مايرضون منا الغلط بل والغلط واقع عليناويردونا لازواجنا

ويصبرونا ويهونون علينا المشاكل علشان تستمر الحياة الزوجية ,,,,,,,وكلا يعمل بأصله,,,,,,,

لكن ماعليه ياخوي اذا تقدر بعد تحاول مرة اخيرة الله ما يضيع أجرك


أخوي في الأخير اقول لك استخير

والله يقدم لك اللي فيه الخير ويبصرك ويريك الحق حقا ويرزقك اتباعه ويريك الباطل باطلا ويرزقك اجتنابه وأسأله سبحانه يقدر لك مافيه سعادتك وراحتك وهناك في الدنيا والآخرة.

أخوي fahacci

ارجوانك تسامحني ولا تزعل ان كان كلامي قاسي والله مااردت الاان ابين لك بعض الامور التي قد تكون

لم تنتبه لها,,,,,,,حتى لاتندم باجر لو طلقت زوجتك ,,,,,,,إن اردت الا الاصلاح ما استطعت

تأكد والله انا سنكون سعداء باتخاذك القرار االلي تراه صواب ويريحك وسنكون سعداء لسعادتك

الله يوفقك ويقدر لك الخير يارب.

فكرة رائعة جدا ، عليك بها ..
واطلب من المستشار أن يلزم زوجتك بالحضور دون أمها ، ولو حضرت لايجعلها تدخل ..

ابحث عن مراكز استشارة أسرية في بلدك وعسى الله أن يصلح حالك ..
كثيرون انصلحت أحوالهم وتبدلت أيام الشقاء إلى سعادة.. بفعل استشارة ..

فلا تتباطأ ، استنفذ جميع الحلول واجعل آآآآآآآآآآآآآخر الدواء الكي .. فزوجتك مغلوبة على أمرها ، وربما لاتستطيع أن تخرج عن سيطرة أمها ..


ولو طلقتها ، طلقها طلقة واااااااحدة بهدف التأديب لاالفراق ..زي ماقلت لك : قبل انتهاء العدة بأسبوع رجعها واعرض شروطك ..
لكن إياك وشرط ( حرمانها من أمها نهائيا) ، لكن اجعل شرط ( تقليل زيارتها لأمها مثلا إذا كانت كل أسبوع تروح اشرط عليها كل ثلاثة اسابيع ) ..

وأناعندي إحساس أشبه باليقين أن الطلاق سيجعل زوجتك تعرف قيمتك ، وتكتشف رعونة وسذاجة أمها ..
لأنها هي المتضررة الأولى والأخيرة ، وأمها ماراح يضرها شئ ..

__________________
أحب جبالك يالجنوب وأحبك لأنك أنتي الجنوب

الأخت دفء الحياة ..

والله مازعلت من أي تعليق سواء لك أو لأي عضو اخر .. ويعلم الله أني داخل المنتدى لأني في حاجة للمشورة لأنه قرار الطلاق قرار صعب بالنسبة لي لأنه والشهادة لله رغم كل اللي صار من مشاكل بيني وبين زوجتي فهي أول أمرأة في حياتي العاطفيه .. أضيف الى ذلك أنها أم بنتي يعني معزتها من معزة بنتي.

يقولون راعي الحب الأول زايد غلاه أجل كيف لا صارت زوجتي أول الحب وتاليه


أنا يوم أني شاركت في المنتدى كان قصدي أني أستشير وما أتهور في أتخاذ القرار في حالة غضب ربما أندم عليه أنا وزوجتي مستقبلا لكن شسوي يعني .. ما أقدر أتنازل أكثر خلاص والله تعبت.

عالعموم .. أشكركم جميعا على كل توجيه وكل نصيحة وكل دعاء من القلب وأخص بالشكر صريحة جدا وزرقة البحر ودفء الحياة لأنهم قالوا رأيهم بكل صراحة من غير مجاملات .. وعلى قول الشاعر:

وشاور أخاك يوما إن كنت من أهل المشورات فالعين ترى مادنى ونأى ولكن لا ترى مابها إلا بمراة

وبالفعل كنتم كالمراية وقلتم رأيكم بصراحة وعددتم بعض عيوبي والتي هي صفة من صفات البشر وفي الختام أتمنى للجميع حياة سعيدة في طاعة الله عز وجل .


وسلامتكم.

مادري اذا كان قسم الاصلاح هو نفسه اللي عندنا .... بس معلوماتك غلط !!
الاستشارات العائليه تعتمد على السريه والكتمان واغلب من تعاملوا معاها مااشتكوا من تسرب معلوماتهم
وحسوا بسريتها وحفظ خصوصيتهم ولو كانت بتفشي اسرارهم مالها داعي اصلا !!
وبعدين من شروطهم انك بعد ماتحضر في يوم على انفراد ويسمعون كلامك يطلبون زوجتك في يوم لحالها
ويسمعون كلامها وبعدين يجمعونكم مع بعض ويحاولون الصلح والتوفيق بينكم ويتركونكم بعض الوقت
بمفردكم للتفاهم والاتفاق ويمكن تلين القلوب !!! لكن يمنع دخول اي قريب لكلا الزوجين !!
يعني استحاله تدخل معاها ام زوجتك !!
في حالة عدم تجاوب اي طرف يعني مثلا انت رحت للمقابله وزوجتك رفضت
وقتها يكتب تقرير لصالحك والمحكمه تعتمد عليه !! اللي اعرفه ....

واكيد اصلاح ذات البين نفس الشي في السريه والكتمان واشتراط عدم حضور اي قريب لاي طرف

وبس ........ حبيت اوضح لك هالمعلومه .

وبالتوفيق

اختك صريحه جداً

__________________

الأخت صريحة جدا .. ألف شكر على إهتمامك بمشكلتي

ما أدري شأقول ولكن فيه مثل قاله لي شخص كبير في السن (يعني له خبرة في الحياة) هو قالي من نفسه لأنه سمع من الناس عما جرى بيني وبين زوجتي .. المهم قالي باختصار:

ياولدي اليد المريضة .. أقطعها (ترى وجع ساعة أهون من وجع سنين) .

أظن أنه قصده مفهوم وما يحتاج توضيح والله يرحمنا جميعا من الأوجاع.

قطعت قلبي الله يرزقك ببنت الحلال اللي تسعدك وتهنيك وتعوضك كل شيء انحرمته .