السلام عليكم ورحمة الله وبركاته


سمعت عن دولة قطر والناس هذي السنة رايحين لها كثيرررر


ابغى اعرف وش صاير فيها وهل بدت تتطور وبتصير مثل دبي وبالنسبة للسكن هل فيها


سكن مناسب وكثير .. واسعارهم كيف ؟


واخيرا ..... كم تبعد عن مدينة الرياض ؟؟؟؟

__________________

اختي العزيزه ملكه العالم : انا بنت البلد وان شاء الله بقدر اعطيك معلومات كافيه عن وطني
اولا بنسبه لتوافد السياح فماشاء الله الاماراتين والسعودين تارسين البلاد لعده اسباب : كان عندنا مهرجان بالصيف شبيه بالي ينعمل بالامارات كل سنه يعني تخفيضات بالاسعار وعروض وحاجات تسلي للاطفال بس للاسف خلص المهرجان .
ثانيا عندنا مجموعه رائعه من الفنادق العالميه مثل الفور سيزون وهذا تووووووووه حديث الافتتاح ما كمل ال6 شهور كذالك عندك الريتز كارلتون وعندك الانتركونتينتال والشيراتون والماريوت والموفنبيك وغيره ..... غير الثلاث نجوم والنجمتين
ثالثا عندنا مجمعات جديده مثل السيتي سنتر ومكون من 4 طوابق وعندنا اللند مارك وعندنا الحياه بلازا والرويال بلازا والمول .....وغير محلات الماركات العالميه ........والاسواق العاديه
رابعا عندنا منتجعات بحريه وشاليهات مثل منتجع شاطئ سيلين ويبعد عن العاصمه ساعتين وكذالك عندنا شاليهات الغاريه
خامسا عندنا المطاعم والمقاهي وعندنا شارع خاص بالمطاعم والمقاهي وهو جديد جدا وعندنا مطاعم عالبحر وكافه انواع المأكولات العالميه لنا مطاعم

هذا غير الكورنيش الي تتميز فيه الدوحه وفي مطاعم بالكورنيش وايد حلوه
اما بالنسبه للاسعار متوسطه مو غاليه في 700 و500 و300 يعني على حسب الفندق بس حتى الخمس نجوم ماتتعدى الالف ريال

اما بعدها عن الرياض فبالطياره قريب الساعه ونص ..... والصراحه ما اعرف بالسياره كم

واذا حابه اي معلومات زياده لا تتردي وحياج الله

__________________
اللهم لك الحمد كما ينبغي لجلال وجهك وعظيم سلطانك

جدة أقرب من قطر...

أنا دائما أروح لقطر
السبب لأنها قريبه وخصوصا لأهل الشرقيه وتحديدا الأحساء.

اخواتي كم تبعد الرياض عن قطر في السيارة او عن الدمام

مساءالخير ياأخووووي ...



صحيح الكلام اللي نذكر ماشاءالله في كل مكان نشوف الأخوان السعوديين والاماراتيين ومن الكويت وعمان والبحرين والعالم العربي كله .. وبصراحه قطر تغيرت واااااجد بعد التطور العمراني المذهل ماشاءالله والاهتمام بأصغر الأمور وعدم أهمالها ... وفوق هذا كله لاتنسى ان قطر قريبه وااااجد من السعوديه

وأحب أن أهديك هذا الرابط ....

ممكن عن قطر يالهنوف

وإن ماشالتك الأرض تشيلك عيونا ...


تحياتي