زوجي الغالي ....انت لست من اعضاء المنتدى ولا حتى زواره ولكني لم اجد احد اشاركه في مشكلتنا بدون ان تكون لمشاركته آثار سلبية على حياتنا .. .. حبيبي وحياتي كنت احب ان اشهد العالم كله على حبي لك وانا على استعداد لذلك لولا الحياء وعاداتنا : ....لم لكن اتخيل اني سأغرم بزوجي كل هذا الغرام ... كانت حياتنا كالامواج في بدايتنا ككل الازواج ..... لكن مع سلسله من التنازلات والتضحيات والتي كانت عبارة عن نزع الغرور والكرامة والكبرياء من جهتي ولبس رداء التواضع والخضوع والتذلل من اجل حبيبي ونور عيوني زوجي الغالي خاصة انه هو الذي علمني انه ما في شي اسمه كرامه بين الزوجين ...وفي مشاجراتنا الي تقريبا كا مابين شهر ونص ..شهرين كنت احاول اتعلم من اخطائي بكل قدراتي الي عطاني اياها ربي تعلمت اني ماابرر اخطائي وان المفروض اعترف فيها على طول وما ارادد لما يتكلم واعتذر عنها على طول بكل انواع الاعتذارت الي ممكن تخطر على بالكم ..بس لللأسف مهما كانت اخطائي كبيرة او صغيرة ..مقصوده او غير مقصوده.....رده فعله وحده ما تتغير ابدا : ( ..وهي طبعا مقاطعة اسبوع...الغاء اي مناسبة او ترتيب حتى لو كان هالشي وسيله في تغيير جو الزعل او غيرة....يعني عقاب لي ..ودائما الشماعة الدائمة الي يعلق عليها كل شي هي اني انا كنت امعصب ولازم تتحملين مني اي شي لما اكون معصب .....تحملت اهانات غير طبيعية لشخصي وغبائي وسذاجتي وغيرها وكانت اخطائي دائما قد تعدت الحد ائتماني لها اي انه المفروض ان لي عدد معين من الاخطاء ما اتجاوزها بس لمت حبيبي حساب مفتوح على طول الخط يعني انا اقدر استمر شهرين ..ثلاثة.. اربعة منتبه لكل شي وما ازعله بس ما اقدر استمر ست سبع... سنه كامله بدون ما يصدر مني شي غصب عني ومن عيني وقلبي اني ازعله بس مكتوب ..وياليت خطأ كبير او شي يستحمل ..المشكله انه يقول ان احنا مشاكلنا صغيرة بس من تكرارها صارت كبيرة ..بالله عليكم ..انتوا يالمتزوجين كل كم تتخانقون ؟ وايش نوع الشماعة الي دايما تعلقون عليها اخطائكم؟ ..وترضون بسرعة اذا تصالحتوا والا تقعدون بعدها فترة؟ ابي اعرف احنا طبيعين؟ لاني انا احب زوجي كثير ..بس مش راضي يفهم ان عصبيتة على كل شي تدمرنا ياليته يفهمني ...

مرحبا عزيزتي ... طبعا أنتي على حسب ما اتقولين أنج من النوع اللي يغير أطباعه ويصحح أخطاءه عشان خاطر الزوج الحبيب فإلى اهني ما عليج كلام ..يعني برأيي زوجك امكبرها حبتين ويمكن هذا طبعه فحاولي دايما يوم يقولج الصفات اللي ينعتج فيها لا تستسلمين وكأن هالصفات اللي هي (الغباء والسذاجة وكل الأهانات لشخصك الكريم )موجودة فيج لا تخلينه يقنعج أن انتي فيج أخطاء وهو الخطأ الوحيد اللي عنده أنه ((معصب)) فالمشكلة في زوجك وفيج ..زوجك لازم يفهم أنه الزعل بين الزوجين وارد في أي لحظة وفي اي يوم وفي أي ساعة يعني هالشي ما له قانون أومعدل الواحد يحسب أخطاءه ..وبعد لازم اتفهمينه أن الزعل بهالمدة الطويلة مع مرور الزمن يسبب جفاء بين الزوجين من الواضح أنه زوجك أمأثر عليج حبتين لأنج سامحه له من البداية أنه هو اللي يحدد من فيكم الغلطان ومن اللي لازم يعتذر ومن اللي لازم ما يغلط ...
أسمعي عزيزتي أنا أقولج "وداويها بالتي كانت هي الداء" يعني عامليه بالمثل وازعلي انتي عليه حتى لو هو زعل أنتي استمري على موقفج وزعلج عشان على الأقل يحس أنج أنتي بعد ممكن تاخذين موقف جاد معاه .. ترى الرجال كل ما اعتذرتي له وخفتي على زعله كل ما شاف نفسه أنه صح وحتى لو غلط ما بيعتذر لج لأنه اتعود أن أنتي دايما تعتذرين .. على العموم انا رأيي استخدمي نفس أسلوبه وهو (الزعل )لأنه وايد مؤثر والنتيجة أنتي أدرى بها .. والله يوفقج وخبرينا شو يصير معاج

اختي سعده الزعل موجود في كل مكان يعني كل الناس يختلفون المصارين في البطن تتعارك بعدين شنهو انتو في مدرسه تحددون

من الغلطان ولازم اعتذار احس انكم تبالغون لازم يفهم انه حتى هو يغلط مو بس انتي يعني لايبالغ معك في اغلاطك وفهميه مافيه


داعي انه يستخدم اسلوب المقاطعه معك لانهمايستخدمونها الا الي قلبهم اسود الله يصلحه ويهديه

اختك تفاحه

الشماعة بااااااااااااااااااااااااااااااااايخة وتخلي شكلنا مو حلو وتافه وصغير والصورة بشعة

أحسن شي إزا اغلطنا 1- نعترف بالغلط ، 2-نعتذر عن الغلط ، 3- نوعد بعدم تكرار الغلط ، 4- نجتهد فعلا بعدم الوقوع بنفس الغلط وإن حصل وتكرر معناها قلبنا إحنا غير جديرين بالثقة ونستاهل نتعامل بالمثل .

__________________

وإن حصل وتكرر معناها قلبنا إحنا غير جديرين بالثقة ونستاهل نتعامل بالمثل .[/quote]
............. بصراحه اخت سيدرا ما فهمت موقفك في الجمله الاخيره ياليت تشرحين لي اكثر....... واشكر كل من شاركني بردوده الجميله بس انا بحاجه ان تردون على اسئلتي الي في آخر رسالتي عشان اعرف انا زي الناس والا لا؟

أختي العزيزة
لو الدنيا ضلت من غير مشاكل لصارت مملة
ما يقولون دائم الزعل ملح الحياة
حلو إن الواحد يعترف بغلطه ويعتذر
وكذا إنت معليك كلام
لكن سالفة الزعل الطويل حاولي تقولين له ( مو حلو ننام ليلة واحنا متزاعلين مهما كان السبب , نتفاهم نتناقش لكن ما أبي يطول زعلنا )
قولي له ( ليش نضيع يوم من أيامنا بالزعل )
والرجال أكثرهم عصبيين . فلا تتنكدين لازم نتحمل علشان المركب يمشي
والله يوفقك ويسعدك
أم البنات

الله يعينك اختي سعدة


اظن انكم لستم وحدكم على هذا الحال


الله يصلح زوجك


بس انتي اختي لا تهونين من قدرك ترى الرجال يستهين بك


الرجال ماهم سوى ......


بعد قولي له عن الامور الخطا اللي يرتكبها مثل طول مدة الخصام


وخليك وراه لين يغير هاذي العادة


تغلي عليه ودللي نفسك وخلي عندك ثقة في صفاتك واخلاقك شكلك

وغيري فيه بالحب والمثابرة والعطاء

الله يوفقك وييسر امرك