السلام عليكم ورحمة الله وبركاته
أنا امرأة متزوجة لي 4 سنوات وعندي طفلين . تزوجت زوجي عن حب وخذني حتى بغير رضا أهله في البداية من كثر ما يحبني وهلحين علاقتي مع أهله ممتازة جداُ . حياتي لمدة 3 سنوات الماضية في منتهى الهدوء والسعادة . كان زوجي يشتغل في مستشفى عام . حس إن الشغل كثير حيل ومتعب ويبي يرتاح إنتقل إلى مستوصف داخل حي . من هنا بدأت المشكلة . زوجي بطبعه خجول . في البداية جاني يوصف الحريم ( والله الصيدلانية تغير من دكتورة الأسنان علشان إنها حلوة وطويلة وعيونها ما دري وش فيها وزولها حلو ) سكت وعلقت بمزح وضحك على هالوصف الدقيق . بعدين جاني يقول ( والله يقولون ان دكتورة الأسنان لها علاقة بالمدير صار حديث بينهم وقامت خبطته بالملف . ( طبعا هالمدير متزوج لكن يقول إن عينه طويله وهالدكتورة هم متزوجة .. والله يعلم ) المهم شوي جاني والله إحنا هالإسبوع كل يوم نتقاطط ونجيب غدا ونتغدى بالدوام . يوم جاني اليوم هالدكتورة جابت رز ممتاز , قلت هالحين هذي وش دخلها معاكم مهي (مره) أصلا وش يدخلها قسم رجال . والله وكيلكم 24 ساعة عندهم سوالف وضحك ومصخرة وهذول مستانسين .وفي غيرهم من اللي يشتغلون لهم سوالف لكن هذي اللي بزيادة . ودال بيتها يوصفلي وينه .إن واحد منهم طريقه نفس طريقها وشافها وقاله . مرة كلمته على هالسوالف قالي : إنت المفروض ما تشكين فيني أنا مستحيل أخونك ومن هالسوالف . وقال خلاص أنا مرة ثانية ما راح أجيبلك سوالفهم . جا العيد قال أبي أعبي شوكلاته للدوام ( يبي يعبي الغالي للحريم ) واحنا الرجال أي شي مهو بمشكلة . طبعا ولعت , قلت له : وحق إيش تعبي للحريم . إنت عليك من أخوياك وكلام كثير وسكت . السالفة الأخيرة اللي خلاص خلتني ما أنام الليل ( واحد من أصحابهم في المستشفى العام يبي يتزوج واحدة معاهم في المستوصف وراسل كرت دعوة للمدير عامة وللزملاء وأنا زوجي يعرفه . المهم جت الدكتورة ووحدة معاها يقولون للمدير تخيل هذي اللي معاهم ما عزمتنا على عرسها ( لا تواخذوني على اللي بكتبه بس علشان أوريكم وش الألفاظ اللي قاعدة تدور في مكان عمل ) قالهم المدير : .....
تخيلوا معايا سوالف ومصخرة مثل كذا تدور في أماكن عمل ومصخرة وقلة أدب وهذا كله وزوجي ينقلي كل هذي السوالف بضحك وعادي .
زوجي رافض إن المرأة تشتغل في مجال إختلاط بحجة إن المرة إذا اتعودت تكلم رجال طبيعي إنها تفقد شي من حياها . ( أنا مو مأيدته في هالسالفة ) لكن الشكوى لله .وإذا هو تعود على سوالف ومصخرة مثل كذا وش بيصير ؟
أنا آسفة أنا عارفة إني طولت برسالتي لكن قولوا لي وش أسوي ؟ أنا مني بشاكة بزوجي لأني واثقة فيه لكن أنا خايفة من كثر هالشي وش ممكن يصير بعدين .

اختي العزيزه كان الله بعونك وعون كل زوجها في مجال مختلط
اللي عليك تسوينه ان تدعي الله دائما ومن دون ياس ادعي ربي اجعلني قره عين زوجي
ادعي له بالهدايه
بصراحه اختي انا اعمل بمجال مختلط ولست متزوجه لكن صدقيني ارى امور غريبه عجيبه والسبب الموظفات ليس عندهن ذرة حياء
كوني علىثقه ان زوجك ويحبك
اصبري وادعي ولا تحسسينه بغيره زائده اذا كان ينزعج من الغيره
اتصلي عليه بالعمل طبعا موكل يوم وقولي له وحشتني حتى يحس ان هناك من تحبه وبهذا تضمنين اكثر اخلاص زوجك
الله يسعدكم وارجو ان تدعي لي بان يفرج الله همي

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

هذي نتيجة طبيعية للإختلاط .. ماحرم ربي شيئا إلا وهو أعلم بأضراره .. عموما صدقيني أن زوجك لو أراد الخيانة لما تكلم بكل مايدور في عمله وواضح أنه إنسان طيب ولكن حسسيه دوما باهتمامك لا بغيرتك فالغيرة مدمرة ...

دمت لمحبتك بنت طيبة الطيبة

حسسيه بحنانك وعطفك ورقتك وجمالك
وصدقيني ماراح يلتفت لهالاشيا ولا راح يتكلم عنها بعد

ربي يسعدك

تحياتي

__________________

أشكركم جميعا على الردود الجميلة وإطلاعكم على مشكلتي ومساعدتي
وأرد على ( night 2005 ) أشكرك شكر خاص والله يعينك إذا إنت تقضين أكثر نهارك في بيئة وناس مثل كذا والله يرزقك ياعمري على الرجل الصالح الخير اللي يخاف ربه وبالتالي بيخاف ربه فيك والله يوفقك
جزاكم الله ألف خير