ياقلبي حرام عليج
جربي تفتحين موضوع وانتي تاكلين راح تلهين وتاكلين واهوا بياكل ويسولف معاج او وقت الاكل شغلي التلفزيون علشان تلهون بالتلفزيون ومااطالعون بعض لما تاكلون ....
جربي تقطعين الاكل صغار صغار علشان لا تبطلين حلجج وايد اذا تستحين من جذي يعني ...
خلي لقمتج صغيرة حيل طولي بالاكل اكلي على كيفج
علشان لا ينزل شي ولا يصب عليج شي ...
من زمان لازم هالحجي ياقلبي بس ماعليه جربي الحين ان شالله بتعودين .. ان شالله ما يكون ملاحظ راح اتكون مصيبه اتغشمر معاج الله يبعد عندكم المشاكل بس يمكن يتضايق لانج للحين تحسينه غريب عليج مو اكثر لا تحاتين ...

__________________

السلام عليكم...

أختي صراحه مشكلتك غريبه

أظن انها مو هي المشكله لكن هي أثر من آثار مشكله ثانيه

مدري وش ممكن تكون مشكلتك بس اكيد في شي مو مجرد حياء ..

لأن لو جد تستحين تاكلين؟

معناته انك تستحين تسولفين من باب اولى ... وتستحين تعطين زوجك حقوقه ... مقصره معاه ..
تستحين تتزينين له ؟ تستحين يشوفك مثل ماتشوفينه؟

أنتي لو كنتي كتبتي زوجي مو معطيني فرصه اجلس معاه واتكلم معاه وما امون عليه لاني ماجلس معه كثير... وحتى استحي آكل معه ...ممكن افهم

لكن مستحيل تكون حياتك طبيعيه .. تسولفي مع زوجك تطلعي معاه تضحكي معاه معطيته حقوقه الزوجيه بشكل كامل ...ايام الزواج قضيتوا مع بعض وقت طويل وكافي ؟؟

أنتي عايشه مع اهله ؟؟ ممكن تكونين ماتختلين فيه الا فغرفة النوم عشان كذا كل شي برا هالحدود ماتعودتيه مع زوجك

في شي غلط... في حلقه مفقوده......هذا مو حياء طبيعي ..في شي ..

أنتي زوجته الوحيده؟؟ من النوع الرسمي جدا زوجك؟؟ مايجي البيت الا وقت الوجبه ياكل ويروح؟؟


فكررررررري زين ... وقولي وش المشكله الرئيسيه اللي فرع منها هو انك ماتاكلين

بما أنك تستحين تاكلين مع زوجك

أكيد لو عندك مشكله بعلاقتك الزوجيه .. او بأسلوبه معك بتستحين تقولين لنا

لاتستحين احكي لنا عشان نساعدك

في حلقـــه مفقــوده

ايه صح نسيت أسألك؟؟

عمرك طلبتي منه فلوس ؟؟ مستحيل كيف تطلبين فلوس وانتي تستحين تاكلين

بتجنن من مشكلتك....او بمعنى أصح ليش كل مشكله ثانيه عندك سبب من اسبابها الحيا تجاهلتيها ومشكلة الحياء فالأكل شفتي انها مشكله تستاهل تطلبين لها حل ...

فاقده الأمل من شي ثاني ... ولا راضيه وساكته ...مليون علامة استفهام؟؟؟؟؟؟؟؟؟؟؟؟؟؟؟؟؟؟؟؟؟

انا عن نفسي أتمنى زوجتي تقول لي أريد أكل كذا وكذا ... أرتاح لما أشوفها تأكل.. كأني أنا إللي أكل..

__________________

اللهم إجمعنا وزوجاتنا في الدنيا على خير.. وفي الآخرة على خير إن شاء الله في الجنة... وأرزقنا بالذرية الصالحة التي تشهد بأنك الله الذي لا إلــه إلا أنت رب العالمين وتشهد بأن محمدا عبدك ورسولك....آميــــــــن.