المشاركة الأصلية كتبت بواسطة صدى اصيله
عزيزتى
بالنسبه لى انا زوجى لازم يوم بالاسبوع يمر اهلى... يوم زواره نكون كلنا متجمعين واحرص عليه انه يحضر ليش حبوبتى انا اقول لج ...اول شى علشان صلة الرحم....وعلشان يحط لاهلي ولخوانى اعتباراذا شاف اخوانى كلهم الرياييل متجمعين راح يحط لهم الف اعتبار وهم علشان انا ارز زوجى خاصه لما ادخل انا وياه مع بعض...... ومعانا العيال وبيدنا شى اما فاكهه اوذبيحه او حلو صدقينى تزيد قيمة زوجى عند اهلى تلاقين الوالده والوالد يرتاحون نفسيا انى مرتاحه فى بيتى مع زوجى واهم شى عندى وقت الغدا او العشا احرص ان زوجى يجلس جانب والدى علشان تزيد مكانته .......وهالشى ترى كل بيرجع لنا لما عيالنا يكبرون...احرصى على ان زوجك يواصل والدينج واخوانج ترى الاهل عزوه. صدى اصيله |
المشاركة الأصلية كتبت بواسطة um flan
انا زوجي يالله بالغصب يوديني لاهلي بالشهر مره مع ان بينا وبينهم نص ساعه
وهو مرات يدش يسلم والاغلب لا... احسه يستحي منهم مايعرف بشو يتكلم معاهم لانه مايعرف قبل الزواج بس هو يحترم ابوي واخواني بس يمكن لان بيتهم مايعرفون حد وماعندهم قرايب حولهم يزورونهم وايد فصعبه عليه اشوي بس وقت الحاجه مسكين مايقصر ماشاءالله بس الاحسن تكونين وسط لايزود من زياراتهم ويتعودون عليه ويتعود عليه وتبدى المشاكل من دون قصد.. ولا القطيعه احس مره بالشهر حلوه المهم انه يسوي اللي عليه ومب مقصر |
المشاركة الأصلية كتبت بواسطة نـــايف
انا اروح كل اسبوع مره بس ولا اطول يعني ساعه بالكثير انتم عارفين هي رايحه عند اهلها تبي تجلس مع امها وبوها وخواتها وخوانها انا ارز وجهي وفرقهم ليش
يعني اذا دخلت اكيد ابوها واخوانها بيجلسون معي اخليهم على راحتهم احسن ونا اروح عند اهلي وهي تزور اهلي مره وحده بس |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|