[align=center]السلام عليكم...

جزاك الله خير اخوي هاامس على مضوعك الممتاز .. جدا جدا جدا ..

وانا بقولكم موقف صار معاي .. واستحيت على نفسي .مرة

اختي عندها 3 اولاد وبنت... وكل اسبوعين ينزلون عندنا ويجون لنا...
وانا كل مرة اقولهم تعالوا هذا الاسبوع وان شاء الله نطلع نتمشى واخرجكم والعبكم .. ويجون مستانسين..

بس تصير معاي ظروف غصب عني تمنعني من الطلعه وياهم.. اوكي...

بس اعوضهم اوديهم للسوبر ماركت واخليهم يأخذون الي يبونه ...

وعلى ذلك يكون مو مقتنعين .. ويقولون ياخالتي انتي ليه تكذبين علينا .. تقولين بخرجكم وامشيكم ولا تودينا ..

احاول افههم واقولهم والله مو بكيفي .. ممكن الي في المدرسة شوي يفهمون ..

لكن اصغر واحد احيانا مايفهم كلامي .. والا يبي يطلع .. ويزعل علي .. ويقولي انتي تكذبين علينا ...


في الاسبوع هذا حبيت اعوضهم عن الطلعات الي راحت عليهم :D ..

فسويت لهم مفاجاة جهزت لها كم يوم ....

سويت لهم في البيت حفلة وكملتها من كل شيء... زينه وهدايا وتورته .. وحلويات وعصيرات...
كل الي يتمناه الاطفال ..

ماتتصورون وشلون فرحوا واستانسوا ... رح اصغر واحد يقولي خاله كل اسبوع سوي لنا حفل.. مانبي نطلع ..

بس يكفي دهشتهم لما دخلو البيت وشافوا البالونات والزينه والطرابيش والزمامير والكل معاهم...

والله رووووعه..

عشان كذا بعدها قلت مارح او بشي ابد .. الا اذا كنت واثقة اني بقدر انفذه لهم ...

لانه مو حلو الطفل يفقد ثقته بالانسان الي يحبه ..


بس المشكلة هذه احيانا تصير بالمدراس ..

مثلا المعلمة توعد الطالب الي ينظف الفصل له جائزة .. او الي يقعد مؤدب له جائزة ..

لكن الله يهديها ماتنفذ الي تقوله ....
فعشان كذا الاطفال يفقدون ثقتهم بالقدوة الي امامهم .. واحيانا كثيرة يلجأون الى التقليد...

يعني مثلا لو البنت الي في المدرسة عندها اخت اصغر منها ..

تقولها رتبي غرفتي .. وانا بكرة اجيبلك من المدرسة حلاوة...

تروح هذيك مسيكينه ماتصدق ترتب الغرفة بكل ذمه .. ويجي بكرة وهي مستانسه ..
تنتظر الحلاوة الي وعدتها فيها اختها ....

لكن تتفاجاة مافي حلاوة ولا شيء :( ..

وتزعل بعد كذا مارح تصدق اختها ابد اذا قالت لها شيء....

وممكن حتى بعض الامهات يستخدمون هذا الاسلوب مع اطفالهم ...
يامروهم انهم ينجزوا مهمات في البيت .. عشان يحصلو على هدية ....
ويطلع في الاخر كله كلام في الهوا....


بصراحة موضوعك عجبني كثير.... وياليت الكل يتنبه له ...

تقبل تحياتي ...[/align]