أنا عندي نظرية بهالخصوص
أنا أعتقدت إن الأمهات يسوون كذا بسبب عقدة نفسية سببتها لها أمها في زواجها
يعني الجده تتحكم في عرس الأم فالأم بدورها تتحكم في عرس بنتها و تتكرر الحلقة جيلا بعد جيل
أنا أمي يمكن موب من النوع اللي يقارن بالناس..يعني ماهي من نوع شوفي فلانة و شوفي علانه...بس فيها طبع مثلا إذا رحت شبكة أحد لازم تسأل شبكتها أحلى من شبكتك؟؟ أقول لها لا (لأن شبكتي عاجبتني) تسألني طيب أكشخ من شبكتك؟؟ إذا قلت لا..تسكت..إذا قلت نفس المستوى..تقول أها يعني ألماس..إذا قلت ايه..تفتح لي محضر تحقيق شلون شكلها..كم سعرها؟؟ وش عرفني..و بعدين تقعد تقول لي عاد هي يعني خطيبها صار له يشتغل فترة أطول من خطيبك و مكون نفسه من زمان...الخ...تصير تواسيني كذا..أقول لها يمه أنا عاجبتني شبكتي و ما أبدلها بالدنيا...تقول لي ايه هذا أهم شي..يعني أنا ما أبيك تفكرين وش في هالبنت أحسن منك علشان تحصل شبكه أكشخ و مدري أيش..
مع ان أنا ولا يكون في بالي هالشي و أنا مقتنعه أكشخ و أغلى موب ضروري أحلى في نظري يعني الناس أذواق...و بعدين تصير تحكي لي كيف إن أبوي يوم خطبها كان يدرس بس اشترالها شبكة صحيح انها كانت بسيطه بس هي طارت فيها لأنها كانت من مدخراته و تقعد تحكي لي كيف انه يوم توظف أول شي شراه لها طقم كشخه تعويض...(أقول لكم عندهم عقد من الصغر
)
بس بشكل عام الأم ما فيه شي تسويه الا إذا كانت ""تعتقد"" إن فيه مصلحة لبنتها..يمكن في بعض الأحيان يكون اعتقادها غلط..و تصرفها يضر بنتها بطريق غير مباشر...بس أوثقوا ان هي لما تسويه ما تكون مدركه بهالشي...مستحيل أم تضر أحد من أولادها و هي قاصده
.....نظرية ثانية فكرت فيها للتو
ممكن الأم فعلا تتعمد كذا كنوع من الاختبار لخطيب بنتها...تشوفه وش قد ممكن يضحي في سبيل خطيبته...هل سيتحمل أمها "البعبع" و طلباتها التي لا تنتهي في سبيل الوصول إلى خطيبته؟؟
مجرد نظريات (طالعوا عنوان مشاركتي)