يا جماعة الخير انا هذي اول مشاركه لي واتمنى انكم تفيدوني
القصه وما فيها ان انا عندي بنتي عمرها سنتين و10 شهور و شغالتي صارلها عندي تقريبا خمس شهور..بنتي طبعها عناديه وما يهمها احد حتى انا امها تقعد تصرخ وتعلي صوتها علي..السالفه وما فيها ان هذاك اليوم بنتي ماسكه كاس الماي بيد واليد الثانيه ماسكه فوطه وتكب الماي على الطاوله وتمسح فناديت الشغاله انها تجي تاخذ منها الفوطه والكاس فقامت البنت تصيح فقلت للشغاله رجعيلها الكاس بس وهذا اللي صار بس البنت لحقت الشغاله للمطبخ تبي الفوطه والبنت تحن...شوي سمعت البنت تصيح..فرحت للمطبخ واثناء الطريق اشوف البنت تحك راسها فتوقعت ان شي طقها سواء الثلاجه او الطاوله ..فسألت البنت شفيها فأشرت على شعرها انه مجرور والشغاله تشوف واللي حسيته ان الشغاله تحاول تلهيني بأسئلتها وانا اسأل البنت ..المهم سألت البنت مره ثانيه سوت تفس الحركه وقالت اسم الشغاله..فلتفت عالشغاله وسألتها انتي جريتي شعر البنت؟! فقالت لأ.وقلت لها ان البنت تقول انك جريتيه المهم نفت الشغاله هالكلام وانا متأكده ميه بالميه ان البنت صادقه لاني شفتها وهي تحك راسها من الالم والبنت مو من طبعا والحمدلله انها تكذب.انا خذيت بنتي وطلعت من المطبخ ما قلت لها شي لاني يا جماعه طالبه وبضطر الترم الجاي اني اخلي البنت عندها فاخاف اهاوشها ولا اقول لها شي وتحط حرتها بالبنت..وهذي مو اول مره من قبل الشغاله كانت تشتغل بالمطبخ وراحتلها البنت شوي جتني عقبها وهي تصيح وتقول ان الشغاله جرة شعرها..الصراحه يا جماعة الخير انا محتاره شسوي ..مع العلم اني حامل الحين وفي البدايه والدكتوره موصيتني اني ارتاح وما اتحرك فمضطره اني اخلي الشغاله تسوي كل شي..
فانتوا لو مكاني شتسوون؟؟

مشكلتك تذكرنى بتجربة مررت بها .... فأول شئ فعلته أننى وضعت كاميرا و لما ثبت أن الخدامة مذنبة طردتها غير آسفه أبدا ، وبصراحة بنتك في عمر يسمح أن تأخذيها إلى الحضانة . صدقينى بنتك رح تتعقد ورح تضرها أكثر ..... تذكرى كلكم راع وكلكم مسؤول عن رعيتة ، أحس بك وبظروفك لكن ما ذنب الطفلة المسكينة لتتحمل وحشية خادمة ، نحن أمهاتهم أحيانا تأتينا لحظات لا نتحملهم فيها فما بالك بالغرباء .

مشكوره يا ام انواف ..بس مثل ما قلت انا عندي دوام الترم الجاي وصعبه اخلي البنت ترجع من الحضانه والشغاله موجوده لحالها..يعني ما اقدر اعود الشغاله انها تفتح الباب وانا مو موجوده...تعرفين الواحد يخاف