السلام عليكم ...الصراحه الأفكار واااايده واللواحد يحدد الفكره على حسب طبعة الجو...هل في البيت او الفندق او اي مكان ثاني ....أنا كنت بحجز في فندق ليله وحده بس لللأسف طلع على زوجي شغل في منطقة ثانيه بس ما اختربت الموفاجأه بالعكس يعني بنسكن في فندق خلال مدة دوامه في المنطقة المطلوبه...بس قلت لازم اسوي شس في البيت..رحت وخذت كل شي احمر في أحمر ليتات حمر وشموع حمر وقلوب وكاساتومفارش حمر وطبعت على اوراق حمر كلمات غزل وقصصت كل كلمة شكل القلب ولصقتهم على شريطه طويله...سويت 3 شرايط...وجبت فازه من الزجاج وصبيت فيه ماء وحطيت ورد مجفف احمر وتلون الماء وحطيت شموع قلوب حمرا وجبت ورق تييشو احمر...وفرشته على كل طاوله وجبت علبه مشغوله بشغل احمل وحطيت فيهن بطاقات اشتغلت فيهن بالكمبيوتر صورت العرس في بطاقات متنوعه وكتبت في كل بطاقه طلب هديه معينه...مثلا مطعم..او مبيت ليله وحده في فندق او هديه معينه أو ....
حطيتهن في البوكس..وطلبت كيكه عليها صورة زوجي يوم هو معرس مع كلمات شعريه...فضيت الصاله من كل شي (الكتب..الصور..التحف...اي شي موجود على الطاولات او التلفزيون) وزعت شموع في كل مكان صغار وكبار والشرايط إلي عليهن كلمات الشوق حطيتهن على طول التلفاز والمكتبه والثلاجه..وفرشت المفرش الاحمر وحطيت الكيكه والكاسات والصحون والشوك ربطتهن بشرايط حمرا وحطيت الفازه إلي تصبين فيها عطر وتحته شمعه....الصراحه كاااااااااااان روعه وطلعا انا ازينت ولبست لبس احمر بس كنت اتمنى البس فستان عرسي بس كنت حامل...دخلته وتفاجأ وكان منبهر واااايد..لأني صدق تعبت وااايد لأني كنت حامل...وثاني شي انه خذ وقت منى...وبعدها كلنا وجبت العلبه المشغوله وفتحها وخليته يختار بطاقه...وبعدها بيومين رحنا على الفندق إلي راح يسكنه عن طريق الشغل...بس الصراحه الصبح كان يروح لشغله وبعد الظهر كان شهر عسل ...ههههههه بس كانت مغامرات لأنه ما كنا نعرف شي في المنطقه نكمل ساعه عشان لنقا مطعم...........بس الحمد الله هاي الايام ما تنسى وودي اعمل كل مره شي جديد...بس انتي خبرينا شو راح تعمل صديقتج......
التعديل الأخير تم بواسطة frforatyah ; 17-07-2005 الساعة 04:29 PM