السلام عليكم
أختي فيكتوريا .
ان شاء لله ما بتكون مشكلة من اليوم ورايح عند ولدج .. والله يعافيه لج ويخليه بأفضل صحة وعافية .. وردي بيكون عن تجربة عاشتها بنتي اللي عمرها الحين 12 سنة أيام ماكانت في الشنة الأولى من عمرها ... وعلى الرغم من صغر سني أيامها .. بس قدرت بفضل من الله اني احل مشكلتها . وكانت كل فترة وفترة ترجع لها الحالة .. لين ما انتهت المشكلة كلها بالتدريج .. والأطباء يسمون هالحالة بالامساك المزمن ,, خصوصا يوم يكون الطفل ما كمل السنتين أو الثلاث سنوات لانها تستمر معاه لمراحل متقدمه من عمره .. بس يبالها المتابعة المستمرة منج وانشالله ما بتقصرين فيه ..
السموحة منج على الإطالة .. والحل انج تراقبين أكله وشربه طول اليوم .. حتى لو كانت عندج مسؤوليات ثانية .. لأن المشكلة بتتعقد أكثر وأكثر فيما بعد ..
أولا: تعطينه جرعات كبيرة من عصير البرتقال الطازج يوميا .. وعصير العنب الطازج .. ويضل انج تخلطينهم مع بعضهن (كوكتيل) بتكون الفايدة أسرع ..
ثانيا: امنعي عنه النشويات .. الا بكميات ضئيلة جدا,, وخصوصا الأرز .. والخبز .. واستبدليهن بخبز النخالة .. لأنه يساعد على عملية الهضم بشكل أكبر..
ثالثا: لا تعتمدي على الحليب بأنواعه ومشتقاته .. لانه أكبر محفز للإمساك .. وخصوصا الحليب المجفف ..
رابعا: خليه يتجرع ¼ استكانة شاي زيت السمسم .. لانه يساعد المعدة على إفراز العصارة الهاضمة للطعام ..
خامسا: امنعي عنه الحلويات والشوكولاتات بأنواعها والبيسبي .. والأشباس (جمع شبس) .. والسكاكر .. لأنها تسد نفسه عن الغذاء الصحي طول اليوم ,, ويفضل اعطائه السفن أب .. لانه يساعد على عملية الهضم كما نعرف .. بس ما يكون أثناء الوجبة .. خليها بعد الوجبة بربع ساعة على الأقل ..
سادسا: كثري له من الخضروات مثل الكوسة .. والجزر المطبوخ .. والفاصولية الخضراء ..والبازلاء والملوخية بالذات على الغداء ..
سابعا: تجنبي انج تسقينه ماء خلال الوجبات وخليه ياكل الوجبة كاملة من دون سوائل .. الا بجرعات بسيطة جدا جدا .. في حالة العطش ..
وسلامتج
والله يشافيه لج ان شاء لله
.. وتشوفينه معرس فديته :14: