رجاءاً ....


قبل الرد من أي بنت في المنتدى ... أتمنى أنها تحط نفسها في مكان هذهِ الزوجه ......

&&&&&&&&&&&&&&&&&&&&&&&&&&&&&&&&



أخي الفاضل ،،،

منزل رائع .. زُين بالازهار من حوله .. احيط بسياج متين من الاخلاص والوفاء والمحبه .. سعى الزوجين سنين لبناء هذا الكيان ..
لكن ثمة رياح عاتيه لا يُعرف من اين اتت لتقتلع ذلك السياج .. وتفرق من سعى لبناءه .. وترمي كل منهما في وادي بعيد عن الاخر ..

الزوجة الثانيه
نار تحرق الحياة الزوجيه ..


الطبيعة الانثوية ترفض بشكل قاطع زواج الرجل للمراه الثانية ... لان الزوجة ترغب فى زوجها لنفسها بحيث لا تشاركها فيه اخرى مهما بلغت درجة صداقتها لها ... لأن غريزة امتلاك الرجل قد تفوق حبها له..



أخي الفاضل ..

مهما يكون .. الأعضاء بيتكلمون اليوووم وبيعطونك رايهم بـــــس لما بتطيح في المشاكل وتتدبس فيها محد بنافعك ... لأنك أنت اللي أخترت بعقلك .... وذاك الوقت مش نافعك الندم لأن بتكون خاسر الكثير الكثير ... ومستحيل بتقدر ترجع الزمن للوراء ..

أخي الفاضل ..

تقدر تغيير حياتك بسفره ... بطلعه للشهاليات في كل ويك أند .. بسهره على البحر في آخر الليل ... أنت تبغي تتزوج ... وحطيت البلا في زوجتك .. ونسيت أن المفروض أنك تساهم في تعديل بيتك وعدم اللجوء لهذي الطريقه ...

لأنها خراب ....


وخصوصاً إذا كان هذا الزواج بدون سبب قوي ....


أخي الفاضل ...

أنا متزوجه من 6 سنوات .. والله ماعطاني نعمة الأطفال ... وفوق هذا .. ولله الحمد .. لم يفكر زوجي بموضوع الزواج ... لأني قايمة بحقوقه و واجباته على اكمل وجه ... ومو مقصره عليه بحاجه ...

تخيل أنك أنت زوجي .... بتصبر علي طول هالمده بدون عيال ...؟؟


والله أن جوابك بيكون لا .... وأنا عارفه مافيه داعي انك تجاوب ... تدري ليه ..


لأن العيال هم شمعة البيت ... وأنت عندك عيال ولله الحمد والله يحفظهم من كل شر .. وفوق هذا كله أنت تفكر في الزواج .. لأنك متملل ..... مع أن الله كرمك بأشياء كثيره ..

العيال .. الزوجه الطاهره العافه الكافه ...

وشتبي اكثر ... هذا الانسان مايملي عينه إلا التراب ...

وهذي نصيحتي لك ...


لاتهدم حياتك وبيتك ... ومن المعروف أن الشيطان يتمنى للإنسان كل دمار وخراب .. وهذي الفكره مو منك .. من الشيطان .. يحرضك على هذا الشي ... ولاتنسى أن النفس تأمرك بالسوء وأنا ادري أن هذا حلال وزواج على سنة الله ورسوله بس اللي اقصده بكلمه السوء هو أنك بتسئ لزوجتك بهذا الزواج ...


أتجه للعمره ... أنت و زوجتك ... وتمسك فيها وفي عيالك وبيتك ... ترى قله اللي يحصلون السعادة في بيوتهم ..

هذا اللي عندي .. وماأظن أنك صغير عشان تتأثر في الكلام اللي مايدخل العقل ... فكر لأنك حتماً بتندم .......


أختك الهنوف
بنت المنــتدى