بسم الله الرحمن الرحيم
انا ما قرأت الردود اللي قبلي لأنه الموضووووع مااااااره قهرني 000
بصراحه بصراحه بصراحه 000 صدق ما عندك سالفه وكنت احترمك اخوي لكن موضوعك هذا قلل من احترامك في نظري لأنه نظام الطبقات اختفى من ان بزغت شمس الاسلام
واسأل الله العظيم في هذي الليله الكريمه اذا انت راح تعامل البنت على اساس ان اهلها متواضعين وانت واهلك ناس عالين أسأل الله العظيم انها ما توافق وأسأل العلي القدير انه يبدلها زوج افضل منك يعينها على دينها ودنياها
اعتذر على فضاضة الأسلوب لكن انت من اضطريتني اكتب بهذي الطريقة لأنه بنات الناس مو بلعبه ولهم احاسيسهم ومشاعرهم والعياره مو بزينه والدقه بالدقه ولو زدت زاد السقا واذا الله رزق وحده من اخواتك بزوج مثلك راح ترضاها على اختك ؟؟؟؟؟؟؟؟؟؟؟؟
تحياتي لكم 000
أختـــــــكم بالله

__________________
ادعوا لي بالنجاح والزوج الصالح واكمل دراستي

حياك الله اخوي الفارس الملثم ..

كلامك طيب ولافيه خلاف ..
لكن مو مسئلة تحقير عزيزي ..
المسئلة التوافق الفكري..
وتوافق التقاليد والعادات ..
بيكون فيه اختلاف كبير بيننا وبينهم ..
وعشان كيذا انا متضايق ..

مشكور اخوي على ردك


-----------------------------------


حياك الله اخوي binbaher

اي فوارق الله يسلمك واي مسلمين!!
الدعوه كلها زواج شخصين وانا اخوك
وماغلطت بكلامك عن اخلاقها وان الاولاد بيطلعون على والدينهم ..
لكن برضو يااخي الاقارب لهم تاثيرهم ..

اشكرك على ردك


------------------------------------


هلا احمد العبدلي ..
مااقول الا الله يسامحك على كلامك الجارح ..
انا لو فيني تكبر او إستحقار او خيلاء ..
مافكرت اناسب هذي العيله ..
وانا ماجبت سيرة فقر الام نهائياً ..
او ان احد الناس بيعاير اولادي عشان امهم فقيره !!!!!!
مع ذلك اقول جزاك الله خير على كلامك ..

والف شكر ،،

-------------------------------------

حتى انتي اختي ملاك تقولين ان فيني تكبر؟؟

اي تكبر ؟؟؟؟؟؟؟؟

الله يسامحكم انتي واحمد ..
والله ضايقتوني بكلامكم ..

لكن اشكر لكم رايكم الصريح ..
وانا احب الصراحه ..

الاخت .. الحلوه انا ..

راح ارد على ردك .. كلمة كلمة ..

1 - بصراحه بصراحه بصراحه 000 صدق ما عندك سالفه وكنت احترمك اخوي لكن موضوعك هذا قلل من احترامك في نظري

والله يااختي اذا اني جيت اشكي لكم .. واطلب استشارتكم .. وانا مااعم ..
اخص عليك انت .. يالحلوة انا .. وخليتي للإحترام مكان في النقاش ..
وانه ينعدم .. عشان راي .. فانا ماابي ردك ولا ابي رايك ..

2 - أسأل الله العظيم انها ما توافق وأسأل العلي القدير انه يبدلها زوج افضل منك يعينها على دينها ودنياها

وهذي دعوتك لشاب مسلم يطلب العفه والحلال!!!
وانا والله ماقلت باخذها .. واعرضها على الشباب واحد واحد يتسلون فيها ..
ولا قلت بتزوجها عشان اشغلها خادمه عندي ..
ولاكنت محتاج دعوتك الي شقت قلبي والله ..
ولكن مااقول الا الله يسامحك ويغفر لك .. !!!!!!



3 - لأنه بنات الناس مو بلعبه ولهم احاسيسهم ومشاعرهم والعياره مو بزينه


اي عياره الي تتكلمين عنها!!!!!!!!!!!!!!
الحين الي مضايقني انه ..
في إختلاف كبير بالعادات والتقاليد لاختلاف الاصل هذا اولاً ..
ثانياً .. انا ماعيارت .. وانا مستعد اذا تزوجتها ..
اعطيها اكلي انا واشبعها واريحها .. ولاني مضطر اثبت لحضرتك هذا الشي ..
بس ماابي احد من اقاربي يعايرني انا لجهله او لسخافة تفكيره ..
وسبحان الله بسبب فهمك صرت انا الي بعايرهم!!!!!!!!!!
وش يحدني اتزوج ناس فيهم عذروب؟؟؟؟
حتى الي مابراسه مخ مايسويها !!!!

اكرر دعوتي بان الله يسامحك على كلامك ..



4 - واذا الله رزق وحده من اخواتك بزوج مثلك راح ترضاها على اختك ؟؟؟؟؟؟؟؟؟؟؟؟

وانا وش فيني عشان تقولين (زوج مثلك)؟؟؟؟

كل يوم كاس الخمر معي؟؟
والا كل يوم ادخل بيتي فاجره؟؟

الله يسامحك ويغفر لك ويستر عليك على كلامك الي جرحني ..



صراحه صعقت للغايه من كلامك ..
ولاتوقعت في احد بالاسلوب هذا ممكن يرد علي ..
انا باين من كلامي واسلوبي ..
انا مااعاير ..
لو اني اعاير او استحقر ..
كان العشره الي ردو اول شي وضحو لي هالنقطه ..
لكن محد ذكر المعايره غيرك انت !!!!!

واكرر دعوتي للمره المليون ..

الله يسامحك على كلامك ويغفر لك .. ويهديك ان شاء الله ..

اخوي قصتك كلها متناقضات ولافرق بين عربي ولا اعجمي الا بالتقوى وقد تكون هذه البدويه افضل واشرف واطهر وانبل من متحضره استخرربك وياعالم هل سياتون لك اولادام لالا تظلمها بارك الله فيك وعمل

والله انا اعتذر منك يا هاجس وما كان قصدي اجرح فيك الله يسامحنا كلنا لكن لا فرق بين اعجمي ولا عربي الى بتقوى وترى في عينات كثيره من البشر تقيس الناس باجناسهاانا اعرف واحد من اصل باكستاني تزوج من عربيه ومن خير سلاله من سلالة نبي الله محمد صلىل الله عليه وسلم وغيره امثال في عهد الصحابه يعني الموظوع مو انه اتخاف على عيالك لا بلعكس يمكن تتزوج واحده مثلك غنيه وتكرهك عيشتك اتكون متحظره ومنفتحه اتخلي بناتك بعدين يلبسون لبس المتحظرين من خلاعه ولبس شغلات مو كويسه وما تعلمهم اصول الدين اتكون لاهي بزيارات والموظه واشياء كثيره يعني انا في رايي اول قرر انت تبيها ولا لا بعدين استخير وراح تكون النتيجه فتاكه اسالني انا
كان في واحد يبي يخطبني اوكي فعلن خطبني انا في قرارت نفسي موافقه رغم في شغلات ماكانت راظيه عنها بس وافقت وبعدها استخرت وسبحن الله الله عز وجل وخره من طريقي لسبب انا مااعرفه للحين ولكن هذي مشيئت الله عز وجل وهذنتيجة الاستخاره والحين انا مبسوطه رغم العزوبيه الي انا فيها لكن يمكن لو تم الزواج كان انا الحين في جحيم والنصيب فوق كل شي
واكرر اعتذاري وشكرا
ملاك

بسم الله الرحمن الرحيم
خيّو هاجس بصراحه مو عارفه شو ارد عليك لأنه ردك بصراحه احرجني انا اول رديت عليك بقهر لأنه انت ما وضحت الموضوع من البدايه لكن والله العظيم قهر لأنه هذي مو بس مشكلتك لحالك لأنه حتى احنا القبايل والله عندنا عادات متخلفه وحتى الاشراف عليهم عادات عجيبه ومره اتذكر سألت وحده من الاشراف قلت لها انتم ليه ماتزوجون الا اشراف قالت لي بكل برود لأن الاشراف متخلفين
عموما اخوي لك اعتذاري الشديد لكن والله عن جد كنت احترمك احترام شديد وردك عليّ ما زادك الا احترام 00
الله يوفقك لما فيه الخير والصلاح خيّو 00
لا اقول الا اللهم وفق اخي هـــــــاجس
الصالح الامور وارشده الى الطريق السليم
واختر له الجزيل من خيرك
واعصم وجهى و وجهه من النار يارحم الراحمين
تحياتي لك
أخــــــــــتك بالله 000

__________________
ادعوا لي بالنجاح والزوج الصالح واكمل دراستي

الـسـلام عـلـيكـم

فـي الـبـدايـه عـنـوان المـوضـوع :

( انا نجدي وخطيبتي بدويه؟؟ مره متضاق ) ؟؟

أنـت نـجـدي وخـطـيبتك بـدويـه ؟



( الـبـدو هـم أهـل نـجـد ) ..


مـن وين في نجـد أنت ؟

وكـيف تـرى فـرق بـين النجـدي والبـدوي

( ثلاثـة أربـاع مسـاحـة نـجـد للـبـاديـه ) ... عـنـدك خـبـر ؟؟


عـلى العـمـوم حـاول تعـرف اكـثـر عـن اهـل نـجـد وسـوف تـجـد أن ( الـبدو ) هـم الـسـواد الاعـظـم فـي نجـد وهـم الـسـبب فـي شـهـرة أهـل نـجـد ..


وبالنـسـبه للمـوضـوع والـزواج ..




أنـت مـتضـايق لانهـا بـدويـه ؟

هـل تعـرف أن اهـل البـاديه هـم الـذين يـفـكـرون بهـذه الطـريـقه ؟

بمـعـنـى ( يـتضايقون من الزواج من غيرهم )

وأسبابهم قـريبه من اسبابك ولكن العـكس ( يرون الحضاره ذله واهانه )




على العموم


اخـي الكـريم

مـوضـوعك غـيـر واقـعـي وأظنـه غـير مـكـتمـل من حـيث عـنـاصر ( الطـرح )


وإذا أردت نـصـيحـتي ( لا تأخذها ) ولكـن لـيس بـسبب ضـيـقـتك


وأنـمـا حـتى لا تـرى فيـها مـن ( عـزة ) بـنات البـاديه وهـنا سـوف تتـضايق فـعلا ..

حياكِ الله اختي ام فارس ،،

انا مافرقت لابين اعجمي ولاعربي ..
ولادخلت التقوى والصلاح بالموضوع ..
انا الي مضايقني .. إختلاف العادات بيننا ..
ولان اخواني وخواتي مااخذو الا من نجد ..
واذا احذت انا هذي البنيه بكون مختلف عن الباقين بعائلتي ..
واخاف انهم يعاملونها معامله غير معاملتهم لاهل اخواني ..
اتمنى انك فهمتيني

واشكرك على رايك وردك

----------------------------------------------

هلا فيك اختي ملاك ،،

ااقبل اعتذارك بكل رحابة صدر
وسعيد جداً بردك الي وضح رايك اكثر
وفعلاً كلامك صحيح ..

اشكرك اختي واتمنى اني افيدك بموضوع يخصك

تقبلي اجمل تحياتي ،،

---------------------------------------------

حياكِ الله اختي (الحوله انا) ،،

كلنا اخوان وكلنا بني آدم ..
وكلنا نغلط ونتسرع ،،
وانتي اولاً وآخراً .. كان لك رايك الخاص ..
بس غلطتي اني ماوضحت مشكلتي
على العموم كلامك صحيح ..
وجزاك الله الف خير على دعواتك ،،
واسئل الله انه يسعدك ويفرج كربتك ،،
واكرر شكري لك على ردك الرائع

------------------------------------------

ياهلا فيك اخوي طائر الصباح ..
انا من نجد بالتحديد من القصيم .. وبالقصيم .. من عنيزه

ايه عندي خبر ان ثلاث ارباع نجد من البدو ..
واعتقد لو ركزت شوي بموضوعي ..
تعرف اني وضحت بكلامي اني بدوي بس متحضر ..
وانا ادري ان البدو هم سواد اهل نجد وهم اصل نجد ،،
وانا ماتضايقت عشان بتزوج من قبيله ثانيه ..
لاياعزيزي .. مو هذي المشكلة ولافكرت بهذا الشي اصلاً ..
انا الي مضايقني إختلاف العادات والتقاليد ..
واذا موضوعي مثل ماتقول غير واقعي وغير مكتلمل الطرح ..
كان مارد قبلك 24 واحد .. والا كلهم ذولا ماعندهم نظر !!!
على العموم حتى رايك لو تتوقع انه يضايقني ..
اتمنى تقوله واحتاجه ..
لاني ابي كل الردود سواء سلبيه او إيجابيه ..
ولابينفعني شي غير آرائكم انتم اخواني
بس قبل ماترد ياغالي ..
ركز على كلامي وردودي ..
واذا عندك اسئله توضيحيه ..
ماعندي مانع اوضح لك وجهة نظري بالموضوع اكثر ..
ولاابيك تتسرع وترد علي وانت مافهمتني ..
اشكرك اخوي على مروك وردك ،،

__________________
سبحان الله وبحمده سبحان الله العظيم

المداخلات اخذت تنحو منحنى مغاير عن الطرح
لذلك يغلق الموضوع

برايفت هاجس
اتمنى أن تعمم في طرحك كي يستفيد الاخوان في جميع الاقطار العربية ..
وأن لاتحدد قبيلة أوبلد ما... وذكر مجتمع معين يجعل الموضوع حكر فضلاً عن النزاعات والمداخلات المتناقضة ...

أحترامي

__________________