المشاركة الأصلية كتبت بواسطة ramystar والله اني لأتعجب من أن أبن عمتك ، كيف تقدم لأختك أصلا علي ما بينهما من أختلافات جوهرية في الطباع ، ألم تعلم أمه طباع أبنة أخيها أذا كانت توافق طباع أبنها أم لا ؟ عموما أنصحك بالخطبة قبل الزواج لأنك من الواضح أنك من النوع المتردد ، ضعيفة القدرة علي تحمل المسئولية ، لا تعرفين ماذا تريدين من الدنيا بالتحديد ، لا تستطيعين تحديد مواصفات شريك حياتك بالدقة الكافية التي تجعلك تتخذين القرار بسرعة . أنصحك بالخطبة و لا تتنازلي عنها . و عذرا أن كنت قسوت عليك في الحديث . و ربنا يوفقك .

أنا لي ولد عمة .. عمتي مرة انسانة لطيفة واحترمهااا واحبهاااا ا بالحييييييييل .. ومنى عينهااا تاخذ وحدة من بنات ابوي اللي هن ( انا وخواتي )... خطبت اختي الكبيرة ، وعيت لانها شايفة ان مستواها اعلى من مستوى ولدها ( مدرس متوسط وثانوي )...

السلام عليكم ...

شكرا لكم جميعاً اخواني وخواتي بلا استثناااء ..
شكرا على النصايح ،، الوقفة المعنوية .. وكل شي .. ...


فهد الشراري ..
شكرا لك على نصيحتك ..
واكيد انا الزم ما علي طاعة أبوي ، و صلة الرحم ..
بس لا تقول عن اختي كذا ، يمكنها غلطت .. بس بعد هي حرة برفضها أو قبولها هي اللي بتعرس مو أبوي ولا عمتي ..
ان شا الله الله يوفقها بالعريس الصالح ..
ويستر على كل بنات المسلمييييييين ..
شكرا لك اخوي على كلامك العقلاني .. وان شاء الله بحطه في باالي ..
بس والله قعدت أفكر بكلمتك .. " يمكنه بياخذك تحدي لهاا ؟؟ "..
امم اممم اممم لأ ما اظن ابوي يوافق على شي من هالنوع ..مدري خوفتني شوي ..
بس ان شاء الله أنا قررت أقعد مع أبوي وناخذ ونعطي بصراحة وعقلانية ونطلع بقرار صحيح ان شاء الله ..
شكرا لك اخ فهد ،، و النعم والله بأهل الشمال


AlBATOOl..
شكرا لك عزيزتي أولا على ردك علي ..
وشكرا لك على كلامك الطيب ...
صح ، لو أنظر للموضوع على انه خاطب عادي .. كان يسهل علي أكثر ..
وأكيد صلاة الاستخارة مهمة ، وحاطة ببالي إنه هذي حياتي أنا أولا وأخيرااا ..
ان شاء الله باخذ وقتي بالتفكيررر بهدوء وعقلانية ..
وأطلع بقرار سليم ،، كلامكم حمسني .. والمنتدى هنا علمني أشياء واجد ..
دايم أكون مترددة بهالأمور .. لأن ما عندي خبرة ..
وهالشي أظن طبيعي عند كل البناات ..
بس ان شاء الله الحياة تجارب ، وكل مرة أتعلم شي جديد ..
صدق اني اصيح بالأول .. بس بعدين أصلي ركعتين واطلب ربي الهداية وانشراح الصدر وأفكر بهدوء وروية ..
شكرا لك عزيزتي ... وكل الود .. ماااا قصرتي ..


ramystar ..
أهلا اخوي ..
وشكرا على توااجدك وكلامك المهم ..
لا تتعجب اخ رامي ، احنا بمجتمع محافظ ما يقابل فيه الولد البنت اشلون يعرف اطباعها الا بكلام الناس !!
وطبيعي الشخص ما يظهر الطباع الغير إيحابيه بشخصيته قدام الناس ..
قد لا تكون عيوبا ، ولكنها تشكل عيوباً عندما تقابل بالضد تماما في شريك الحياة ..
بس هذي الأشياء كلها ما تنعرف إلا بالعشرة !
وهنا يجي دور الأب والأم بالنسبة للولد والبنت ..
عمتي موبساكنه معنا بنفس المدينة عشان كذا ماا عرفت أطباعنا مرة ..
بس على أساس ان كلنا خلق ودين ، وهذا شي ما يختلف فيه .. بس بعد النظر للطباااع والشخصياات مهم في اختيار شريك الحياة .. وما للولد والبنت دور فيه ! لأنهم ما تتاح لهم الفرصة يتعرفون على بعض الا بعد (الملكة ) وعند بعض الناس (خطبة )! ..
فوشلون يكتشفون من يوم الخطبة اذا كانوا مناسبين لبعض او لا ؟.
عادة تكون المواافقة او عدمها على كلام الأب والراحة النفسية بعد صلاة الاستخاارة ..
عشان كذا عادة نكون مترددات بهالمواضيع خاصة اذا ما كان عندنا تجررربة ...
أنا ماني مترددة ، أو ضعيفة على تحمل المسؤولية ..
لكني أحب دايم استشير .. وأشارك احد الرااي .. خاصة اذا كان صاحب تجربة !...
واكيد ماراح اخذ قراري بسرعة هذا قرار مصيري ! متعلق بحياة للأبد ..
لاني لو اخذته مافيه تراجع !
افضل اخذ وقتي ، عن اني اقرر بسرعة ، ثم أترااااجع...
وقد مريت بتجربة وتعلمت منها هذا الشي ولا يمكن أنسااه ..
شاكرة لك كلامك لي ، أفادني وخلاني أفكر بأشياء واجد ..
وترى كلامي ما عرضت على انه مشكلة ، عرضته عشان اطلب الراي والمشورة .. من ناس عندهم خبرة اقدر استفيد منهااا ..
- الحمد لله الله لا يجيب مشاكل ملموسة لمسلم -
وبالفعل استفدت من ردودكم وكلامكم لي ...
وياليت بالفعل ، لو يكون فيه موضوع يحكون فيه الاعضاء عن تجاربهم في هالمواضيع ..
لأن الخطبة والاختيار أصعب مراحل الزواج ؟ ولا ؟
وطبيعي جد أتردد .. بالبداية .. وشوي شوي أصل لقرار سليم ..
ماهو ثوب اشتريه هذا زواج وحياة ! من الأفضل آخذ وقتي وأعطي لتساااؤلاتي الحرية .. ولا وش رايك ؟ ...
مشكور من جد ،
أفدتني ...
ولو تسمح تكتبلنا عن تجربتك في هالموضوع ، اذا ماا تمانع ..
شاااكرة لك ...

مشاعر مرهفة ..
تسلمين عزيزتي ... على كلامك ..
وترى رامي ستار ما قصد ، يبيني أثق بنفسي وقدرتي على اتخاذ القرارات أكثر وبس ..
واكيد الاستخارة ما عنها بدل ، وبعد لازم تريح البنت قلبها بحوار صريح ومفتوح مع الوالد بعد ولا ؟
تسلمييين عزيزتي ..
واسفة ان كان حصل اي سوء فهم بسبب موضوعي
جزاك ربي خيررررررررررر ...ووفقك وحماك وستر عليك ..

أبو مؤيد ..
هلا بك ..
لأ وش دعوة أكيد مدَّرس ...
اختي دكتورة ، عشان كذا ...
وطموحاتها ماخذة اتجااه ثاااني .. وكلن له طموح ، ولاحد يقدر يجبر احد على شي : )و الله يكتبل اللي فيه الخير ان شاء الله ... ..

وانا مثل ما قلت ما يهمني شي كثر الأخلاق ، والدين ، وطيب التعامل .. ، دام الانسان وظيفته محترمه وتعبان فيها .. ما يعيبه شي ! ..
وعلى قولتهم ما خاب من استشار ، وما ضاع من استخار ...
شكرا لك جزيل الشكر ..

الشاب السعودي ..
شاكرة لك اخوي كلامك ..
بس ترى بالبداية ما فيها حب ! اشلون احب شخص ما اعرفه ؟
فيها احترام وتقدير ، وبعدين يجي الحب ...
الله يكتب اللي فييييييييه الخير ..
وشاكرة لك تواجدك اخوي كل الشكر ..

ramystar..
ارجع واقول ماهي مشكلة ، ولا هي شي صغير ، ولاهي لاشيء ..
هو فترة تحديد قرار ، وطبيعي التردد .. لفترة معينه ..
وبعد التفكير العميق يجي القرار الصااائب بإذن الله ...
للبنت مواصفات وحد للتنازلات اوكيه !
بس ولو ، اذا صارت ناسية الموضوع وجاها فجأة ! مارح تكون مستعدة بسرعة ..
بتاااخذ وقت بالتفكير ... عشان كذا ...
وصح الانسان لازم يواجه عيوبه ، واكيد كلنا ببداية مشوارنا يكون فينا نواحي ضعف ونتطور مع الأيام !!
قبل كم سنة انا ما كنت اقدر اقرر اذا احد قالي فلان خطبك ! واسمع كلام اللي حولي !
هالحين لأ اعرف انه القرار قراري ولازم اخذ وقتي بالتفكير !!
وشوي شوي الواحد يتعلم ويزيد خبرته بالحيااااة ، واهم شي نتعلم بدون أخطاء فادحة
شاااكرةلك اخوي وجودك ، ما قصرت ..

شاااكرة لكم جميع ..
الله يحفظكم ، ويستر عليكم دنياا واخرة آمييييييين ...
وان شاءالله تسمعون اخبار حلوة سواء رفض او قبول ..
لان قراري بيكون مبني على استخارة و تفكير عقلاني صحيح بإذن الله ..
عااافاااكم يا رب ...

يوم صعب !