أنا اعتقد انك اخذت عقابك ولي اهني وكافي انك تأسفت وايد لانك سويت الي سويته بحكم الظروف الي مريت فيها واعتقد المفروض زوجتك تقدر والغيرة الي اهيا فيها قلة عقل مهما يكون هذا ضناك لازم تفكر فيه لازم تستانس انك حنون عليه وتفكر فيه ..
شي طبيعي ...
عليها انها تساعدك تتخطى المشكلة ... اخوي اهيا مو مجبورة تسال عنه لازم تعرف انت هالشي ومثل ما قالولك كافي انها متحمله انك تروحله ... عليك انك تشتري لها هدية صغيرونه وتحطها يم فراشها بليل وتكتب (انا مو قاعد اكل صارلي يومين علشان اخش من مصروفي واشتريلج هدية.. سامحيني مالي غيرج)
وادعيلي
الله يزيل همك اخوي ويريح بالك ويطمنك على ولدك البعيد ...

__________________

السلام عليكم ..

أشكركم جميعا اعزائي على ردودكم الجميله .. ومنكم نستفيد.

بصراحه أنا اقنعت نفسي بشي .. اني ما ادخل سالفة الولد بحياتنا .. وخصوصا اني متطمن عليه وعلى عيشته والحمدلله .. وفعلا انا كنت غلطان باجبار زوجتي انها تسأل عنه.. أنا جلست مع نفسي واقتنعت 100% اني غلطت على زوجتي بالتفكير بالولد بشكل فظيع .. مما أدى الى ابعاد تفكيري عن زوجتي .. وأدى الى خلق مشاكل مالها أول ولا تالي .. الله يبعد المشاكل عنا وعن كل المتزوجين المسلمين يارب العالمين.

طبعا انا ماكملت الثلاث ليالي لأني اقتنعت بكلام الأخ اللي علق على الجوع. جزاك الله خير اخوي.. (وراح أصوم ثلاث أيام عن الحلف) .. المشكله مو في بطني. المشكله في راسي .. عموما الحمدلله حاولت أدخل لزوجتي عن طريق اعتذاري .. (مع باقة ورد) .. والأمور صارت أحسن الحين .. اقنعتها بأسلوب ثاني اني كنت غلطان .. وتأسفت .. والحمدلله الحين حالنا تحسن .. اللهم من الأحسن للأحسن يارب ..

أشكركم اخواني وأخواتي على تعليقاتكم .. من جد ماقصرتوا .. وبارك الله فيكم

أخوكم سوزوكي

خطوة موفقه بادرت بها أخي الفاضل لحل مشكلتك

من خلال طرحها و تقبلك لآراء الأراء و الحمد لله أثمرت بانتهاء الخلاف

خالص الشكر للأخوة الأعضاء الذين تجاوبوا بما يحفظ الأسرة

__________________