ياأختي مشكلتك عااااادية جدااااااااااااا
وللأسف رومنسية هذا العمر هي السبب .
وصدقيني يااختي وأقولها عن تجربة
(نحن علمنا أزواجنا الكلام الحلو)
يعني بالله بسألك سؤال واسأليه نفسك : لو كان زوجك لسانه حلو وينقط عسل والكلام عنده ببلاش .....وفي المقابل مايثبت لك في المواقف إنه يحبك ويهتم بمشاعرك ........ماذا ستختارين؟؟
اللسان ..أم الفعل؟؟؟
وبعدين تقولين تتأثري بالمسلسلات؟؟ ......يااختي هذا كلام يحفظونه خالي من أي مشاعر مثل الببغاءات
وبصراحة المفروض ماتقولين لزوجك هذا الكلام لإنك كذا كأنك جرحتي كرامته
والحل الصحيح إنك تسحبي منه الكلام بغنج ودلع لين يتعود
مثلاً : عودي نفسك ماتبدأي بالأكل إلا إذا أكلتيه بيدك أول لقمة
وقولي له بغنج مابأكل إلا لما تأكلني أول لقمة
وإذا تكشختي : قولي له وش رايك فيني مو قمر؟؟؟
وإذا كنتم في لحظات رومانسية قولي له بدلال قولي أحبك....وإذا قالها شجعيه وكأنه سوى شيء كبير وقولي له ..ياسلاااااااااام.......أحس كأني بأطير من الفرحة
وأرسلي له رسالة وأكتبي فيها بأعطيك خمس دقائق ترسل مسج وإلا بازعل......
وهكذا إلى أن يتعود
ياأختي طبع الرجال العصاميين إللى ينشد بهم الظهر إنهم يعبرون عن حبهم بأفعالهم,,,وزوجك ظروفهم خلته مايعرف هذا الكلام الحلو ومايسمعه عند أهله
وهنا لاتلومين زوجك ....بل ركزي على نفسك ومثل مايقول المثل:
بس لايسمعوني الرجال
.........................(ولدك على ماتربيه وزوجك على ماتعودي)
صدقيني إذا إستمريتي بأسلوبك بتطفشي زوجك وبتضايقي نفسك وتكدري حياتكم
ولكن : أنظري للحياة بنظرة تفائل ومحبة وقولي لنفسك إنك واثقة من حبه
وإذا شعر زوجك بمرحك وسعادتك وفرحتك بحبه لك وأنك تثنين على حبه وعلى تضحياته من أجلك عندها بيشعر بفخر بك ويزيد حب ودلع ومع الأيام
بيصير لسانه يقطر شهد
تصدقين زوجي حالياً لسانه أحلى من سنوات زواجنا الأولى مع إني في السنة التاسعة عشر من زواجنا
والله يسعدكم وحطي زوجك في عيونك.