السلام عليكم ورحمت الله وبركاته

انا وزوجي لانتفق في لانجاب الاقطاب عندنا سلبيه واذا هو تزوج وحده غيري ممكن ينجب وانا كذلك ممكن انجب لو تزوجت غيره
ولنا الان 10 سنوات متزوجين وما خلينا دكتور هنا وبرا الارحنا له ولا طب شعبي الاوسوينا بس قالو لنا مافيه فاااااااايده ابدا
وهو الان بيتزوج وقال لي لكي الخيار في انك تبقين واذا بتروحين فالله يسهل عليك ويرزقك
وانا عند اهلي ومدري وش اسوي اهل اجلس معه لاني احبه او انفصل عنه
الكثيرررر قالو لي الانفصال احسن عشان الله يرزقك بالذريه ولو كان يحبك كان ماتزوج
وليش تضيعين عمرك بدون عيال وهو راح يدور له عيال ومن ها الكلام وانا الان محتاااااااره مدري وش اسوي ابي مشورتكم

انا اقول انفصلي و ان شاء الله يجيك اللي احسن منه و ان شاء الله تجيبين عيال

__________________

ادعولي بالزوج الصالح

سبحان الله و بحمده .. سبحان الله العظيم

الحمد لله .. الله اكبر .. سبحان الله .. الشكر لله .. استغفر الله

هل انت مرتاحه معه
وهل تعرفي التزامه وخوفه من الله

وهل تعتقدي إنه سيعدل

وكم عمرك

وهل البديل لو وجد سيكون افضل في معاملته..



اجيبي على هذه الأسئله واستخيري الله

__________________

أقول اطلبي الخيرة من ربك فهو اعلم بك ......

انصحك بالدعاء.....

اعانك الله

سكن كن

والله يا اختي بصرااااااااااااااااااااااااااااااااااحه ان زوجك اذا تزوج اكييييييييييييييييييييييييد بينشغل بالزوجه الثانيه وبعد بينشغل باولاده واكيييييييييييييييييييييييييييد بينشغل معها وهي حامل خااااااااااااااااااااصه انه ينتظر هذا اليوم من زمااااااااااااااااااااان فاذا كان عندك استعداد لهذي الانشغالات من زوجك مع زوجته الثانيه فاستمري معه اما غير كذا فنصيحه احم احم والله يرزقك بالزوج الي يسعدك ولا تحاتي او تخافي فوالذي نفسي بيده ان الارزاق والنصيب بيده سبحانه بس هاااااااااااااااااااااااااا عليك بالدعاء لله في اخر الليل بل مع الدعاء يمكن ربي يرزقك بالمولود لانك كتبتي انك جربتي الطب الشعبي ورحتي للدكاتره بس يمكن ماجربتي الدعاء والاصرار بالدعاء لان الله يحب العبد اللحوح ((بصراحه خليك مثل الطفل الي يترجه والديه علشان يعطونه الشي الي يبغاه ويبكي عندهم)) ولله المثل الاعلى

ودمتي سالمه

الأاقطاب سلبيه؟؟؟

يعني كيف ؟؟؟

الحب موكل شي في الحياة

انتي اكيد خاطرك في الاطفال

هاذا شي طبيعي في كل وحدة تكون عندها عاطفة الامومه

اذا انتي تبين اظلين معاه فحطي في بالش انه بينشغل عنش واجد وبيفرح لما يكون مع ام لعيال اكثر منش(وهاذا الصراحة يبط الجبد)


هو ما قال انه بيتزوج عليش علشان انه ما يحبش بالعكس انتين قلتين انه صبر عشر سنين وهادا دليل على انه يحبش بس......

غريزة الابوة سيطرة عليه وخلته يفكر في وحدة ثانية علشان يكون عنده في الدنيا احد يحمل اسمه


اقول يا اختي احسن حل انش تشوفين حياتش ولا اتضيعين عمرش

وما اقول الا الله يصبرش ويعينش

[

align=justify]أختي الفاضله أنصحك بالبقاء مع زوجك وخاصة إذا كان بينكما محبة واحترام ولا تستمعي إلى قول أنه مايحبك أو سينشغل عنك هذا كله غير صحيح ولكن من أسباب الغيره المعروفة الدى النساء وعليك الأستمرار في طاعة زوجك وأحترامه فسيحترمك ويقدرك . وقد قرععتي أبواب ربما كثير من المستشفيات من شأن الحمل ولكن بقي عليك باب واحد وهو قرع لباب السماء فعليك بالدعاء وكثرة الأستغفار فسيجعل لك الله من كل ضيق فرجا ومن كل هم مخرجا ويرزقك من حيث لاتحتسبين .....
[ واستغفروا ربكم أنه كان غفارا . يرسل السماء عليكم مدرارا . ويمددكم بأموال وبنين ويجل لكم جنات ويجعل لكم انهارا .] صدق الله ومن اصدق من الله قيلا

[/align]

__________________

أحب سمية أم عمار رضي الله عنهما

ا لاخت الفاضلة -نعم اطلبي الطلاق اعتقد ان عشرسنوات في عمر الانسان القصير كثيرة وخاصة للمرآة زوجك لم يصير عن الاولاد وهذا
من حقه فكيف بك فهذهي غريزة في كل امرآة حب الاطفال ولانجاب والله سبحانه امرنا بفعل الاسباب فسوف يرزقك الله زوج صالحاً الى متى سوف تصبرين ؟فزوجك يطلب حقه المشروع وانتي من حقك ان تبحثي عن سعادتك لعل الله ان يرزقك باولاد صالحين ليكون
عون لك بعد الله على هذه الحياة اسأالله تعالى ان يوفق الجميع الى حياة زوجية سعيدة

أختي كلمات الحب
زوجك يحبك والدليل على حبه لك: تخييره لك وإعطائك فرصة للرأي.
وأنا رأيي أن لاتفكرين في غير زوجك اللي معاك.
ارضي بالقضاء والقدر.
لاتتركي للشيطان فرصة للفرح بالطلاق.
زوجك أهم من الأولاد.
ولو جاك أولاد كان كتبتي: عندي مشكلة وهي أن أولادي يشغلوني عن زوجي.
ماحد راضي إلا المؤمن.
والزواج من الثانية بعذر والا بدون عذر هو سنة الله في خلقة.
وإن كان تزعلني الثانية.

أيها المشاركون.....
لاتنسوا الحديث ( لعن الله من خبب امرأة على زوجها ).