مساء أو صباح الخير
مشكلتي من جد عويصه وتبهذلت ومازلت
أتبهذل وهي كالتالي
في كل شهر أو شهرين ينتاب زوجتي حاله من الطفش وتزهق
من البيت والعيال وتبي تطلق بس العبد لله
باقي في راسه شوية عقل علشان كذا لها معي سنين
والمصيبه إذا غبت عن البيت تصير وش زينها
وطبعآ الي يساعدني على الغياب هو عملي
حاولت بالهدايه تتغير بس ترجع رحت لمركز الحبيب ما صار شي
رحت لشيخ قالي ما بها إلا القراده
وسلامتكم ساعدونيplease

اخي طبعا نزهق

احيانا نحس اننا تعبانين من كلشي من البيت من المسؤلية من العيال من الزوج نحتاج ترفيه

يعني انا بالنسبة لي تجيني هذه الحالة مرة بالسنة احس تعبانه وطفشانة


يعني احنا والله مو مكاين نحتاج راحة نحتاج نبتعد عن اجواء التعب ودوامة التفكير


اسألك سؤال تسافرون ؟؟؟؟


يعني تاخذها و تسافر لدول اخرى يعني مرة بالسنة مخلي شهر بس وناسة ولا لا
لان لو مخليها كان اقل شيء زوجتك تكعد تنتضر هذا الشهر وتتصبر عليه


وارحمونننننننننننننننننننننننننننننننننا يا رجال ترة والله ذبحتونا تطفشونا وما تبونا نطفش

اما انا الصراحة اتصيدني هاذي الحالة في فترة الدراسة فقط
حيث اني طالبه في الجامعه وعندي بنت صغيرة
اتعرفون بلاوي الدراسة من بحوث ومراجعة .......زالخ من متطلبات الجامعة اللي ما اتخلص
فكنت احس اني مضغوطة
اول ما جبت بنتي كنت دايما اصيح ما ادري كيف ادرس. كيف اجهّز لزوجي ,وكيف ارتب البيت قبل ما يجي زوجي العزيز
كنت افتعل المشاكل من غير سبب
اروح الجامعة وارجع البيت حتى ادرس وفي نفس الوقت اهتم في بنتي وبامور البيت من غسل وكي وتنظيف وبزوجي
احس راسي يفتر من كثر الاشغال اللي عليي
لكن في الاجازة ارجع لحالتي الطبيعية واصير احسن ما يكون
حتى زوجي لاحظ هاذا الشي فيني وصار يساعدني في بعض الاشياء
ولين اتنرفز اما انه يطلع عني حتى اهدأاو انه يراضيني ويودي بنتي بيت ابوي حتى نطلع ونستانس مع بعض من غير ازعاج (مسكينه بنتي)


فهمت يا اخي الفاضل hbs999 كل واحد يمر بضغوطات ومشاكل لاسباب كثيرة يظهر اثرها على نفسية الشخص

زوجتك محتاجة انك تفهمها فقط لا غير

وحل هادي المشكلة على ايدك انت

يا كثر ما تجيني هالجاله ألا حظ نفسي أفتعل المشاكل من غير سبب وخصوصا أذا كان زوجي مشغول والا مو فاضي لي والا لا يعيرني أنتباه أحاول ألفت نظره لي بأي طريقه عشان يحس فيني وساعدني مو معقوله ...........
المهم أخي الكريم طبطب على زوجتك بكلمه حلوه وعطها حقها من الكلام الطيب وقول لها أنك تقدر تعبها وأدعو لها أمامها وبين لها أن اللي تفعله هذا جهاد في سبيل الله ...... ووسع صدرها بهديه وأوعدها بسفره أو تمشيه وكذا الأجواء راح تعم فيها السعاده ولا تنسى أخي أن الكلمه الطيبه صدقه وهي مفتاح كسب القلوب
أسأل الله العلي العظيم أن يوفقك ويؤلف بين قلبك وقلبها

__________________

اخى الكريم

غير الجو الاسرى واخرجوا فى راحله عسى ان تغير الجو العام للبيت

تحياتى

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل

احمد ربك ان زوجتك تتكلم وتحس انها تبي تطفش

انا اذا جتني هل الحال مابي اشوف احد لا زوجي ولا اعيالي ولا احد وبس ابكي ابكي ابكي

واما اذا جتني حالت اني اطفش واصرخ علي اعيالي وزوجي فانا اقابل عصبيتي بالصراخ منه واتهامي بالجنون وفي كلتا الحالتين ابكي ابكي ابكي


حاول اخي الكريم تتفهم طبع زوجتك وحالتها النفسيه وفعلا البيت ومسئوليه والاطفال يزهقو والله المستعان

__________________
ارجوكم دعواتكم لقريبتي بالشفاء العاجل بان يرجع لها بصرها ويشافيها من الجلطات الي اصابتها ويرحم ضعفها وترجع لها عافيتها ويرجعها لاطفالها وزوجها سالمه اللهم امين


لايرد القضاء الا الدعاء