انا ارى اذا كان رافض زوجك وهو كريم عليكي اجبري خاطره والله يرزكم بطريق اخر شجعيه علي عمل مشروع ناجح واذا كان موظف حكومي يمكنه التجاره بسمك ...

السلام عليكم

اختي الكريمه عجميه
انا بصراحه مع رأي زوجك وهو يتحمل تبعات ذلك بما انه يحب انك ماتشتغلين لاتشتغلين وهو المسئول عن هالقرار والحاجه الثانيه بقولك انك اذا اشتغلتي ودارت الفلوس بيدك اتحداك تبطلين لان النفس البشريه جبلت على حب المال اولا ورح تصيرين ماتطيقين البيت بعدين لذلك بما انه ماعنده هالرغبه واموركم مستوره الحمدلله (وقرن في بيوتكن)

__________________
مااضيق العيش لولا فسحة الامل

انا مو في حاجة الفلوس لانه مخصص لي مصروف شهري دائم
بس انا ماخذه على السفرات ولما يجي أي حاجه في خاطري ومااقدر اجيبها يضيق صدري وهو كمان نفس الحاله فنفسيتنا تتعب
وانا ابي اساعده صدقوني انا مااطيق الطلعه من البيت

المشاريع الاخرى تبغى راس مال كبير بس لما يوفر في الشهر تقريبا الف وزياده ينفعون ويسووا حاجه
على فكرة فيه سؤال ثاني :
زوجي بظرف هالسنه يبيني احمل واحنا عندنا ولد عمرة 4 سنوات
وانا ماابي عشان زي ماقلت لكم الماده ايش اسوي معاه وكيف اقنعه ان نصبر سنتين او ثلاثه لحد ماتتحسن امورنا انتوا عارفين مصاريف البيي الجديد وخصوصا بمجتمعنا الخليجي وش كثر متطلبه هالامور
فكيف اقنعه بليييييييييييييييز لاتطنشوني؟؟؟

أختي ..

القناعة كنز لا يفنى ..

و لا تخلي أشياء بسيطة تكدر عليك ..

و دام إنك بيتوتية ،،

فنصيحة إنك تجلسي بالبيت و تهتمي بأبو الشباب ،،

أختي ..

كل طفل بيجي ،،
بيجي رزقه معاه ،،

و صدقيني ،،
لا تأخري الحمل ..

و ربي يتكفل برزقه ..

أختك ..

ونعم بالله
والله عارفه انوا مامن دابة بالارض الا على الله رزقها
واحنا حالتنا مو لدرجة الفقر بس انا متطلبه (ومو من النوع اللي احب اطلب من زوجي)عشان كذا خصص لي مصروف بس حتى هو لما نسافر او حاجه لازم درجة اولى وكل حاجه فخمه
وبالنسبه للحمل والله حملت باول بيبي وعانيت كثير لدرجة كرهت نفسي أي والله الحين الحاله احسن ولله الحمد
بس كان ودي يضبط زوجي حالته وننبسط مع بعض لا ماراح تصدقون لو قلت لكم اني من اتزوجته وانا اادرس هالسنه راح اتخرج باذن الله
فهل كثير علي نجلس سنتين او 3 يضبط حالته وانا اتهنى فيه

اختي الكريمة ، أرى ان الأمر محسوم ، ولو كنت مكانك لأطعت زوجي ولفرحت انه لا يريدني ان اعمل بل ان ابقى في البيت معززة مكرّمة ، خصوصا انه كريم معكِ ولا يبخل عليك كما انكِ لست في ضائقة ، وصدقيني إن عملتِ ستتغير امور كثيرة ليست في صالحك ، اولا ستبددين جزء كبير من طاقتك لوظيفتك ولن يتبقى الا القليل لزوجك وبيتك ، وستجدين نفسك مرهقة التفكير ونفسيتك مثقلة بالهموم والاعباء ، في الوقت الذي بيتك أولى بكل تلك الافكار .
صدقيني فلقد جربت العمل والوظيفة وجربت المكوث في المنزل ، وشتّان بين الوضعين ، ان ما سيأتيكِ من راتب ونقودا زائدة ستنفقينها على ملابسك واناقتك حيث انك تخرجين للعمل كل يوم ومصاريفك ستكون اكبر وزيدي على ذلك ارهاق نفسك واعصابك .

نصيحتي ان تبقي في بيتك وان تشكري زوجك على موقفه فهو يريد الافضل لكِ.

تحياتي