اعزائي عزيزاتي:
انا راح اتخرج هالسنه باذن الله وحالتنا الماديه وسط
وانا مااحب العمل ولا الوظايف انا انسانه بيتوتيه بس المشكله ان الواحد يبي يجمع حاله ويرتاح مو دايم يعيش على رجاء الراتب وبىخر الشهر مصفر الايدي
عشان كذا ودي اشتغل واصير اخفف الضغط بمصروفي عن زوجي وهو يجمع اللي راح يوفرة مع العلم ان زوجي ولله الحمد كريم ولايبخل علي بس انا ابي الوظيفه فترة الاما يجمع مبلغ وتضبط حالتنا بعدين اترك العمل المشكله ان زوجي رافض مبدأ فكرة العمل
ويقول لاتفكرين فيه الا لما تكونين ببيت اهلك او اني ميت
مع ان شكله ممكن اني اغير رايه ماكان صارم مرة حتى لو كلامه اللي قاله
فوش رايكم ؟؟؟
هل اقنعه بالعمل والا اعدل عن فكرتي؟؟؟
اختي الكريمه عجميه
انا بصراحه مع رأي زوجك وهو يتحمل تبعات ذلك بما انه يحب انك ماتشتغلين لاتشتغلين وهو المسئول عن هالقرار والحاجه الثانيه بقولك انك اذا اشتغلتي ودارت الفلوس بيدك اتحداك تبطلين لان النفس البشريه جبلت على حب المال اولا ورح تصيرين ماتطيقين البيت بعدين لذلك بما انه ماعنده هالرغبه واموركم مستوره الحمدلله (وقرن في بيوتكن)
انا مو في حاجة الفلوس لانه مخصص لي مصروف شهري دائم
بس انا ماخذه على السفرات ولما يجي أي حاجه في خاطري ومااقدر اجيبها يضيق صدري وهو كمان نفس الحاله فنفسيتنا تتعب
وانا ابي اساعده صدقوني انا مااطيق الطلعه من البيت
المشاريع الاخرى تبغى راس مال كبير بس لما يوفر في الشهر تقريبا الف وزياده ينفعون ويسووا حاجه
على فكرة فيه سؤال ثاني :
زوجي بظرف هالسنه يبيني احمل واحنا عندنا ولد عمرة 4 سنوات
وانا ماابي عشان زي ماقلت لكم الماده ايش اسوي معاه وكيف اقنعه ان نصبر سنتين او ثلاثه لحد ماتتحسن امورنا انتوا عارفين مصاريف البيي الجديد وخصوصا بمجتمعنا الخليجي وش كثر متطلبه هالامور
فكيف اقنعه بليييييييييييييييز لاتطنشوني؟؟؟
ونعم بالله
والله عارفه انوا مامن دابة بالارض الا على الله رزقها
واحنا حالتنا مو لدرجة الفقر بس انا متطلبه (ومو من النوع اللي احب اطلب من زوجي)عشان كذا خصص لي مصروف بس حتى هو لما نسافر او حاجه لازم درجة اولى وكل حاجه فخمه
وبالنسبه للحمل والله حملت باول بيبي وعانيت كثير لدرجة كرهت نفسي أي والله الحين الحاله احسن ولله الحمد
بس كان ودي يضبط زوجي حالته وننبسط مع بعض لا ماراح تصدقون لو قلت لكم اني من اتزوجته وانا اادرس هالسنه راح اتخرج باذن الله
فهل كثير علي نجلس سنتين او 3 يضبط حالته وانا اتهنى فيه
اختي الكريمة ، أرى ان الأمر محسوم ، ولو كنت مكانك لأطعت زوجي ولفرحت انه لا يريدني ان اعمل بل ان ابقى في البيت معززة مكرّمة ، خصوصا انه كريم معكِ ولا يبخل عليك كما انكِ لست في ضائقة ، وصدقيني إن عملتِ ستتغير امور كثيرة ليست في صالحك ، اولا ستبددين جزء كبير من طاقتك لوظيفتك ولن يتبقى الا القليل لزوجك وبيتك ، وستجدين نفسك مرهقة التفكير ونفسيتك مثقلة بالهموم والاعباء ، في الوقت الذي بيتك أولى بكل تلك الافكار .
صدقيني فلقد جربت العمل والوظيفة وجربت المكوث في المنزل ، وشتّان بين الوضعين ، ان ما سيأتيكِ من راتب ونقودا زائدة ستنفقينها على ملابسك واناقتك حيث انك تخرجين للعمل كل يوم ومصاريفك ستكون اكبر وزيدي على ذلك ارهاق نفسك واعصابك .
نصيحتي ان تبقي في بيتك وان تشكري زوجك على موقفه فهو يريد الافضل لكِ.